位置長沙灣的西班牙風味小館,為舉杯同慶10月12日西班牙國慶日特別推出一系列的乾式熟成肉,讓大家感受熟成肉的魅力。坊間熟成肉多數都以牛肉為主,其實熟成是一個以溫度及濕度控制,讓肉汁和油花更集中,讓肉質變得迷人軟嫩而多汁,所以可以應用於不同的肉類。餐廳今次就應用係三洲黑鬃鵝、日本美國牛肉及魚鮮上。
今次介紹呢間位於長沙灣CP值超高既日本料理,餐廳係以日式家庭式經營,主要係食丼飯、鍋物、烏冬、串燒等熟食,價錢方便亦不太昂貴。而星期一至日亦有提供午市定食,選擇仲好多添,共有28款比客人選擇,包括天婦羅、豬扒、雞扒、鰻魚套餐,每款定食都會附白飯、前菜、沙律、味噌湯,仲 可以加錢加購飲品和無限次追加小食,例如$12 炸餃子 3隻、$20 芝麻雞翼2隻、$15 炸芝士年糕2件、$20明太子雞翼2隻等…….現時餐廳抗疾情仲推出各款優惠比客人添,全日9折優惠,外賣亦有85折,而午市優惠亦有8折,真係好抵食嫁。 ▲ 安格斯牛肉鍋定食($88):呢個火鍋牛 底部放了菠菜大白菜豆腐流心蛋,牛肉份量都多,每片都大塊,係牛肉下面仲有大大冬菇、豆腐、 菠菜、大白菜、流心蛋,食落去全部都好甜好好味,因為吸收曬湯底既 ▲吉列極上鹿兒黑毛豬($128):炸豬排份量好多,一份有成10舊,炸皮唔係太厚,黑毛豬食落去仲係好Juicy,同埋好有咬感,仲有自家制醬汁比你點豬排食,怕熱氣既可以加醋汁食椰菜絲下火。 ▲天婦羅手打烏冬($82):烏冬配上天婦羅拼盤,分別有虎蝦2隻、茄子2件、南瓜2件,全部都炸得非常鬆軟,可見唔係落左超多粉去炸,而值得一讚的是蝦食落很爽口彈性,稱得上是高級天婦羅級數。 ▲安格斯牛肉手打烏冬($72):如果唔想食火鍋的話,都可以叫呢款烏冬,牛肉係同火鍋同一款質素,不過就無火鍋果種蔬菜甜味的湯底咁好食。 ▲每叫任何一款定食均可加$20要芝麻雞翼2隻。 文字來源:香港人遊香港 / 圖片來源: @f.nbreak、@micky_foodprints、@imxxlammiz...
最近呢間新開喺長沙灣嘅餐廳真係好hit,波希米亞風西格裝修畀食客好舒適relax嘅感覺,加上設有超唯美藤製韆鞦打卡位,吸引咗好多人嚟朝聖同打卡!餐廳提供嘅食物種類唔算太多,有Set brunch/dinner,散叫主菜同小食。小編建議lunch時段嚟,除咗可以有明亮嘅日光打卡,亦可以食佢哋嘅brunch,例如燒牛肉溫泉蛋柚子汁冷烏冬同蟹肉牛油果意式包,全部都份量充足,而且價錢合理,可以一試!大家可以透過whatsapp或者openrice book 定位,咁就唔洗排隊等位啦! ▲ 波希米亞風超唯美藤製韆鞦打卡位,大家可以打卡影下港女相,日光之下真係好靚! ▲ 燒牛肉溫泉蛋柚子汁冷烏冬 ($78):佢用嘅唔係普通烏冬,而係選用稻庭烏冬,所以口感唔錯,好滑身,亦唔會有酸味! 牛肉都幾嫩,唔會太老! ▲ 燒牛肉溫泉蛋柚子汁冷烏冬跟餐仲送杯iced fruit tea,所以價值都算合理,可以接受。 ▲ 蟹肉牛油果意式包 ($78):份量好足,作為brunch嚟講份量都幾飽肚,配合沙律菜好fresh! ▲ hazelnut latte:跟餐半價就可以享用,留意返呢杯latte偏甜,唔係好嚐甜就唔好叫啦! 文字來源:香港人遊香港 / 圖片來源 :@dinosaurs_foodie...
呢間café 離長沙灣地鐵出口行幾分鐘路程,一邊係落地玻璃,可以直接從外面望到入面的藝術展覽。至於食物同飲品方面,其中一款必試嘅就係雞蛋布甸,賣相十分精緻,以矮腳玻璃杯盛起,加上焦糖糖漿,非常適合打卡!配埋嘅House Espresso都濃郁醒神,咖啡嘅苦澀對比起布甸嘅甘甜,就好似店名一樣,黑白分明。 ▲雞蛋布甸配House Espresso ($58) ▲Contrast咖啡巴斯克芝士蛋糕($42) ▲自家製牛奶雪條配竹炭糯米窩夫($80) ▲門面同外賣杯都好有藝術氣息 ▲咖啡拉花都好有心思 文字來源:香港人遊香港 / 圖片來源:@hkfoodholic、@foodalog.hk、@philohongkong、@tintinforknspoon、@sharonlovefood...
生命中總會認識一兩個大胃王,佢地無論食飯定食甜品都鍾意加大或者叫啲大份嘅。如果你又係大胃王,呢間位於長沙灣嘅Cafe就好啱你。佢嘅手工漢堡扒定食夠哂份量,漢堡扒極之厚,仲伴埋軟滑嘅蛋沙律,保證食完滿足。另外唔可以唔食嘅就係佢啲Pancake,size比一般Pancake仲要大差唔多1.5倍,食落蛋味夠,又唔會太甜,最重要嘅係口感輕盈軟熟,令你不知不覺就會食哂食碟! ▲流心芝士手工漢堡扒定食($75),米飯用咗穀米,夠哂健康,漢堡扒極厚,令人非常滿足。 ▲牛油果沙律($78),想食得健康啲,都可以叫沙律,同樣份量十足。 ▲孜然雞翼飯($56),外脆內軟,特別惹味。 ▲鮮雜果空氣朵梳乎厘班戟($138),份量超足,蛋味濃郁,口感超輕盈。 ▲伯爵茶蝶豆空氣朵疏乎厘班戟($108),近來好興蝶豆花,唔只有利健康,顏色亦係好多人鍾意嘅紫色,令好多甜品店都會將佢加入Menu。 ▲蜜糖烏龍無花果蛋糕($48),除咗疏乎厘之外,仲有蛋糕。 雙生館 地址:長沙灣集輝街2-8號耀輝大廈地下3號舖電話:6060 9834營業時間:星期一至五 11:30 – 21:30;星期六至日 11:30 – 22:00 文字來源:香港人遊香港/ 圖片來源:@daidaipipi、mandymanlovefood、koalascities、fall_in_love_with_food...
呢間老店有兩間分店,一間位於北角,另一間係長沙灣。北角呢間行過都會聞到好香滷水味,,用上超過 30 年歷史嘅鎮店滷水汁,滷水出品一流,滷水鵝肉感紥實,味道濃郁,係全店既靈魂!另一重點推介係同樣重口味既沙嗲牛肉炒河,沙嗲醬掛上每條河粉味道濃郁! ▲滷水鵝片($105):鵝肉厚薄恰到好處,油脂豐富、甘香柔軟 ▲滷水拼盤($108):有齊鹵蛋、墨魚片、紅腸、大腸、豆腐、豬耳、五花腩片同爽脆既海蜇!小編就最愛彈牙既墨魚片! ▲濃香而花生味濃既沙嗲牛肉有掛每一條幼滑河粉,沙嗲汁香口惹味,牛肉嫩滑多汁、軟腍無比,芥蘭口感爽脆。 ▲兩面黃係將麵炸至兩面金黃,再在麵餅上淋上肉汁! 梅花邨小館 地址:長沙灣青山道460號地舖電話:26509668營業時間:11:00 – 23:00 地址:北角七姊妹道8號A地下電話:2561-9797/2561-8829營業時間:11:00 – 00:00 文字來源:香港人遊香港/圖片來源:@food_trails、@jklau888、@ilovehk_disney930、@choleong0929...
呢間長沙灣工廈新開嘅樓上Cafe,裝修簡潔啱哂一班文青打卡,女生必點甜品玫瑰花千層蛋糕,粉紅色玫瑰醬汁配上淡淡花香,好食!另外主打嘅仲有芝士煙肉焗薯🥔🧀,餐廳用咗薯味較重嘅美國焗薯,芝士仲落得好重手,確保大家每一口都是滿足的拉絲芝士和薯蓉❤️ ▲必試芝士焗薯,餐廳用咗薯味較重嘅美國焗薯。 ▲粉紅色玫瑰醬汁吃出淡淡花香。很好打卡之餘,也是超好吃。 ▲Summer-Pineapple-Soda,裡面放有原隻BB菠蘿,要吃菠蘿冰的請舉手。 ▲仲有唔少工作坊俾大家參加。 治癒羔羊 地址:長沙灣昌發工廠大廈D座9樓8室電話:65479375時間:12:00 – 19:00 文字來源:香港人.遊香港/圖片來源:治癒羔羊...
呢間海南雞專門店個個食完都大讚,除左因為價廉物美之外,主打無味精製作新加坡式去骨海南雞,只見每台台上都有一盤油畫調色盤,上面有三款醬料-葱茸、辣汁、豉油,很是特別!招牌新加坡無骨海南雞,擁有油香外皮非常嫩滑,配上油飯煙韌幾好食。 ▲雞皮爽而肉嫩,有齊三色醬,小編最愛都係甜醬油! ▲2小口去食小編推薦二人餐($165)有湯、半隻海南雞(跟飯)、一個餸、油菜同埋飲品 ▲呢個跟餐青紅蘿蔔南瓜湯順㗋非常。 ▲金沙香蒜雞飯 $50 。金沙香蒜雞惹味,岩哂重口味之人 雞仔去骨海南雞專門店 地址: 長沙灣元州街493號靄華大廈地下1號鋪電話:5377 7710營業時間:11 am-10:30 pm 文字來源:香港人.遊香港/圖片來源:@garygarychiu、@kadyfung、@glo_golf、@justfood_hk...