香港好去處2023|本地攝影師拍下四大行山隱世秘景 秋高氣爽係適合戶外行山的好日子!而The North Face 100香港越野跑挑戰賽邀請獲獎無數的香港風景攝影師Kelvin Yuen拍下四大行山隱世秘景!分別有大帽山的「雲霧日出」、梧桐寨及新娘潭的「磅礴瀑布」、印洲塘的「千島湖景」以及八仙嶺和大刀屻的「連綿山脈」。從相片中可以窺探出可以觀賞到芒草、狗尾草、觀霜,山頂的雲層變幻以及絢爛的日出曙光。無論同好友同行打卡抑或遠離煩囂,走一趟山林之旅,都絕對值得去呢幾個地方走一回! ▲大帽山在秋天之時,除了可以觀賞芒草、狗尾草、觀霜,更不容錯過山頂的雲層變幻景象,以及絢爛日出曙光! ▲大帽山附近兩個以瀑布聞名的行山景點梧桐寨及新娘潭景色極為壯麗,,水流從山峰傾瀉而下,披上一層薄霧,好似誤入仙境! ▲印洲塘是較冷門的行山路徑,作為香港第三個「千島湖」,湖面清澈見底,倒映出數百個大大小小的山峰輪廓。 ▲初秋的八仙嶺芒草仍然蒼綠,大刀屻的山峰景觀卻更為鋒利,綿延的山徑營造出幽靜氛圍,好似瑞士山脈。 文字:香港人遊香港...
大嶼山石壁水塘是一個不錯的選擇!相信唔少人都去過石壁水塘,但大家又知不知那裏有個好夢幻的大草地?石壁水塘被群山環繞,到處都是青青草地,往石壁監獄方向走去,更有一片特別翠綠的草原,配上藍天白雲,猶如置身於宮崎駿電影世界,打卡一流之餘,也令人心情好放鬆。草地不時會有牛牛出現,大家記得不要打擾牠們呀。這片位於大嶼山石壁水塘的大草地不難到達,乘交通工具一樣去到,大家不妨假日去郊遊一下啦!
《2022年全球幸福報告》已經出爐,芬蘭連續第五度蟬聯冠軍,成為全球最幸福國家,而北歐國家更佔据首十位。北歐式的幸福生活可謂人人嚮往,最近屯門兆康推出的全新大型項目NOVO LAND,首度將北歐健康幸福生活模式帶到香港,從內到外享受生活的美好。
位於東龍島南端的隱秘景點白崖,因為純白的外觀,讓人以為自己像去了雪山一樣,遠看更像土耳其著名景點,可說是「港版棉花堡」,是打卡熱門景點!不過白崖位置偏離行山徑,需要攀爬岩石落去,部分地段更需要手腳並用,對行山新手來說難度有點高,建議大家找有經驗又熟路的朋友帶路。
今次跟大家介紹一下吉澳及鴨洲!這兩個小島也位於新界東北印洲塘特別地區內,由於只相差約15分鐘船程,很多人都會選擇一次玩晒。吉澳海岸線可用作天然避風港,被漁民視為吉祥海灣而得名。鴨洲以海蝕拱「鴨眼」及、褐紅色角礫岩「鴨頸」等自然景觀聞名,更是香港聯合國教科文組織世界地質公園裡的熱門景點。這兩個小島也是行山打卡的好地方,更可品嚐吉澳大街著名的手打墨魚丸!
[駐場博客: 小牛牛快樂行山郊遊相集by Chan Keung]今次介紹由石門甲落漕溪,穿梭石澗,充滿原始風味,風景美不勝收,出澗後經法門古道到達昂坪,再坐巴士去大澳上虎山,從4條中華白海豚後面,行隱徑落海邊,尋找將軍石,相當吃力。 响東涌嘆完個靚早餐之後,坐大嶼山巴士34號入石門甲(留意班次比較疏落),廿多分鐘就到達石門甲總站,落車正式起步, 沿馬路直上,再轉入山徑,呢條路叫做地塘仔郊遊徑,又名法門古道,行咗無耐,靠右手面有絲帶引路,横降落小叢林進入漕溪石澗,入口已滿樹藤枯枝,未落到底已聽到流水聲音,卒之到達石澗,有大潭小潭,仲有好多巨石,當日水質清澈,不過小編知道上游仲有多間寺廟,住宅,農地…所以經驗話俾小編知,最好唔好接觸倒呢啲水,某程度上有一定嘅染污呢! 今日水流唔係太急,水位唔高,可以輕鬆上石面一級一級跳上,除咗有幾個大潭需要在山澗兩旁山徑繞過之外,其餘大部份都可從大石上面走過,可能呢條石澗比較小人行,所以絲帶標記都比較小,不過漕溪無支流,所以一直攀上就係,同埋比較短,只有1公里多啲就行完,出澗後繼續接返法門古道上, 左右兩旁有好多間大大小小嘅寺廟,好快就到達東山法門,其實係一道玄關,呢度同時係昂坪奇趣徑,又係彌勒山入口,繼續一直行,就到達昂坪廣場,經過大佛,前面巴士站,坐21號巴士去大澳,時間尚早,首先試吓當地街頭美食先,食飽之後,經過大澳街市,沿石仔埗街一直行,到達大澳文物洒店,本來打算沿洒店後面山徑去虎山参觀,點知有告示牌~不准進入。唯有調頭走返落石仔埗街,再去香港少林武術文化中心,靠左邊有條山徑行上去虎山觀景台。呢條山徑附近有幾個墓穴,條路巳鋪上大石磚,好易行,好快就到達,首先見到係四條中華白海豚大型雕塑,顏色漂亮,維肖維妙,的確係呢度嘅靚靚地標, 四條海豚後面有一條小隱徑,沿小徑走,初段唔困難,行到近海岸有絲帶引路,可以下降落海邊,不過呢段斜坡泥路好鬆散,石頭又鬆脫,需要拉住左右樹藤緩緩下降,落到海邊係一個比較斜嘅石灘,跟據地圖顯示,可以從呢度綑邊到將軍石,距離不遠,可是此段路比較崎嶇,危險,小編决定放棄,雖然有啲遺憾,但係可以欣賞倒美麗海邊,都值得一遊。好辛苦爬返上嚟,經過四條海豚返去虎山觀景台,呢度條路左右兩邊欄杆,塗上紅色好鮮艷,沿山脊而建,遠睇好似一條小長城,氣勢磅礡,好壯觀,不愧為打卡熱點。行到尾段小涼亭,仲有一望遠鏡,可以 窺探一下港珠澳大橋添。响呢度欣賞日落真係一流。打完卡後可以沿路折返,或者繼續向前面小山徑走,不過呢段路比較斜,碎石鬆泥,要慢慢跣住落,旁邊有繩可以拉住落,呢段路風景開掦,可以欣賞象山和獅山,左面仲有港珠澳大橋,配合海灣,不失為一個大景,好似一幅油畫。跣咗十五分鐘左右落到地面,靠右邊就是寶珠潭,不時有大小魚隻跳上水面,睇完魚仔跳之後穿過村莊返回大澳巴士總站完成旅程。 ▲由石門甲起步經地塘仔郊遊徑直上ㄧ小段之後右轉入澗 ▲漕溪内有多塊巨石可供攀爬 ▲有多個大小水潭,風景優美...