榴槤控有福氣啦!紅磡有酒店推出「榴槤芒果主題」,用上濃郁甘香的榴蓮製作出多款精美鹹甜點,包括即焗榴槤流心撻、意大利芝士斑蘭榴槤立體蛋糕、意大利芝士榴槤慕絲;至於至用芒果主打嘅就有芒果綠茶歌劇院蛋糕和芒果流心焦糖燉蛋。鹹甜就有冰鎮熟甜蝦、紐西蘭青口、多款刺身以及中西點心等等。下午茶由即日至27日逢星期六及日供應。 ▲ 即焗榴槤流心撻:鬆化的曲奇餅皮內藏香甜榴槤餡料,小巧精緻的份量讓人不禁一口接一口。 ▲ 意大利芝士斑蘭榴槤立體蛋糕: 哇!幾可亂真嘅3D榴蓮蛋糕,打卡一流~呢個蛋糕加入香濃芝士製作而成的,外層鋪滿清香斑蘭忌廉,面層鋪上香濃榴槤果肉,賣相精緻,創意十足。 ▲ 榴槤流心布甸: 呢款必定俘虜榴槤迷嘅甜品,一切開鬆脆的榴槤蛋糕外層,濃濃的流心榴槤餡一湧而出,一口吃下迷你布甸,迅間湧上滿滿的幸福感。 ▲ 芒果綠茶歌劇院蛋糕 :散發著濃郁的綠茶甘香和及陣陣獨特芒果香氣,口感軟綿且甜而不膩,屬清新之選。 網上預訂連結:按此, 宜家仲有推廣優惠,在網上預訂下午茶自助餐可享7折,每位$246.4。 Facebook優惠連結:按此,起呢度拎埋張優惠卷就最抵啦~可享8折優惠。 文字:香港人遊香港...
夏天來臨又黎到水果大豐收既季節,例如大家都好喜歡既台灣,近期最hit就係香甜多汁既愛文芒。盛產季節台灣屏東愛文芒外型圓混飽滿,甜度仲可達20度以上,由於愛文芒果肉飽滿,非常適合製作甜品。而今次旺角帝京酒店花月庭,使用台灣「盧家芒果」農場出品愛文芒,炮製多款受人熱捧甜點及鹹食,小編最愛以勁厚肉芒果打造杯裝甜品同Mossie 蛋糕,濃郁芒果香滋味十足呀! ▲以鮮甜厚肉既芒果入饌可塑性非常高,製作美食包括蛋糕、泡芙、一口多士等,芒果迷真係唔可以錯過! ▲芒果同甜品以新鮮愛文芒果炮製多款香甜誘人茶點 ▲愛文芒脆玄米煉乳一口多士,一口多士淋上煉奶後及加上愛文芒果粒,一啖一件滋味非常。 ▲愛文芒果蝦球酥盒,以愛文芒果、熱情果蓉打成果味濃郁加上原隻海蝦! ▲愛文芒果配芒果咖哩,將香濃芒果汁加入咖哩係完美組合。 ▲芒果越南米紙卷,食落輕新自然! ▲愛文芒果熱情果慕絲蛋糕,將愛文芒果蓉製成慕絲,將熱情果製成清涼果凍釀入蛋糕之中,微甜再酸。 愛文芒果拿破崙 ▲仲有雪糕任食! 文字/ 圖片來源:香港人遊香港...
因應上年推出呢款芒果燕窩下午茶反應熱烈,餐廳表示今年再推,268蚊可以食到20 件芒果燕窩主題甜點,甜食有有燕窩蛋白撻、芒果燕窩蘆薈椰子奶凍、燕窩朱古力金寶焦糖燉蛋、芒果英式鬆餅配蜜糖和白朱古力芒果馬卡龍。鹹食方面包括芒果龍蝦意大利多士、香煎法國鵝肝多士配芒果及燕窩和黑松露燕窩露荀芝士撻。呢個下午茶準備2款特飲,今次用上芒果、菠蘿汁、辣椒、糖漿等特別調製而成,口感清新怡人。 ▲成個Tea Set堅持以珍貴燕窩及新鮮芒果做主打,兩人享用二十件酥點只係$268,包埋兩杯特飲 ▲黑松露燕窩露荀芝士撻,黑松露濃郁芳香,口感十足嘅燕窩,配上新鮮烘焗嘅芝士撻一同品嚐,多重滋味 ▲燕窩朱古力金寶焦糖燉蛋更係下午茶甜點中賣點之一,燉蛋有絲絨般嘅香滑口感,焦糖味濃郁 ▲芒果龍蝦意大利多士(右),麵包即叫即烘,口感脆卜卜,配上芒果龍蝦沙律,每口啖啖鮮甜龍蝦肉,帶有點甜嘅芒果 ▲自選特飲兩杯,今次用上芒果、菠蘿汁、辣椒、糖漿等特別調製而成,有酒精和無酒精選擇 嚐芒 · 暮燕下午茶 日期: 2020 年 2 月 1 日至 4 月 30 日時間: 3:00pm – 5:30pm價錢: HK$268/兩位 (另收加一服務費) Angel & Devil 電話: 3103 3808地址: Club East 洞天香港九龍觀塘駿業街 58 號 4 樓 文字來源: 香港人遊香港/圖片來源: Angel & Devil...
唔洗去泰國嘅,香港咪有囉!芒果狂熱者要mark實喇!泰國人氣第一嘅芒果甜品店,日日都大排長龍,食唔到都唔緊要,因為佢近日終於喺嚟到香港喇,而且喺北角開佢第一間分店。佢主打當然係用新鮮、香甜多汁嘅芒果整成嘅各種甜品喇,例如有芒果糯米飯芭菲、芒果蜜糖多士、芒果沙冰同芒果特飲等等,啱哂一眾芒果控嘅巴絲! ▲ Mango Parfit,飲落去啖啖都係芒果肉,用料絕不手軟! ▲ 芒果糯米飯,2大舊芒果,切得粒粒分明,真係食極都唔厭啊! ▲ 芒果冰磚 ($70),芒果雪花冰伴以芒果雪糕、芒果糯米飯、芒果汁同花奶!雪花冰夠細滑,不過本身冇咩味,要靠芒果汁花奶調味!芒果非常甜同新鮮,糯米飯口味亦正宗👍價格有點高,但可以2個人share食。 ▲ 芒果西米露特飲 ($33),芒果特飲堅係望住店員用好多芒果肉榨汁,所以夠足料同濃郁芒果味!裏面嘅西米亦比一般煙韌有咬口,係高質嘅。 ▲ 多款芒果甜品等緊你地嚟試啊! Mango Mania 地址:北角和富道21-53號和富薈地下G18C號舖營業時間:12:30 – 23:00電話:54979667 文字來源:香港人遊香港/圖片來源:@mangomania_thailand...
芒果同燕窩都係女仔最愛,係觀塘西餐廳最近推出咗芒果燕窩主題嘅英式下午茶,由鹹食到甜品都有鮮甜嘅芒果同燕窩,有成20款咁多,其中有燕窩蛋白撻、芒果燕窩蘆薈椰子奶凍同埋雞肉芒果燕窩米紙卷,呢個Tea Set 包杯飲品,有香芒西柚熱飲同香芒奇亞籽沙冰選擇,清涼既又滋補美顏。 ▲芒果龍蝦迷你牛角包(左),入面有芒果龍蝦沙律,蝦肉同芒果甜味交集,味道清新得來有有鮮味。黑松露燕窩露荀芝士撻(最右),濃郁黑松露配燕窩,將兩者同芝士撻一齊食,味道層次豐富 ▲香煎法國鵝肝多士配芒果及燕窩(右),鵝肝表面煎過帶有香脆,加埋脆脆地嘅多士食口感更佳 ▲燕窩朱古力金寶焦糖燉蛋(左)和燕窩蛋白撻(右) ▲香芒西柚熱飲 ▲香芒奇亞籽沙冰,入面好多奇亞籽,帶有少少酒精成份,女士飲都適合,因為酒精唔會太多,cover 曬芒果鮮味 Angel & Devil「嚐芒 · 暮燕下午茶」 地址:Club East洞天香港九龍觀塘駿業街58號4樓日期: 2019年2月1日至3月31日時間: 3:00pm – 5:30pm價錢:...
呢間酒店聯同泰國護膚香薰品牌Bodhi Herbal Spa Cosmetics 推出芒果和椰子為主題嘅下午茶,參考品牌嘅熱情滋潤護唇膏系列,炮製一系列芒果和椰子嘅鹹甜美食,為炎熱天氣下帶來又fresh又甜蜜滋味。推廣期由即日起至11月18日為止,兩位用套餐仲可以免費得到護膚香薰品牌禮物套裝一份。 ▲椰子芒果撻(左)、椰子蛋白脆餅(中)、芒果熱情果拿破崙(右)、芒果木糠慕絲(後排左)、芒果芭菲配椰子忌廉(後排右) ▲芒果熱情果拿破崙,千層酥入口香脆鬆化,內餡cream加熱情果和吉士醬,十分開胃,表面加咗花型朱古力裝飾,成件甜品顏值提升 ▲芒果風乾火腿配忌廉芝士法包片,鮮甜嘅芒果配上風光火腿嘅鹹香,平衡咗味道啱啱好 ▲仲有帶子春卷配芒果醬(最後排)、泰式沙嗲串燒(第二行右)、椰香炸蝦球配芒果沙沙(左)、煙三文魚忌廉芝士青瓜三文治(第二排左)、芒果風乾火腿配忌廉芝士法包片(右) ▲Bodhi 指定熱情滋潤護唇膏2個,個人香薰精油5ml 換領券一張,Bodhi 50蚊現金券一張 芒椰私密誘惑下午茶 地址: 香港荃灣汀九青山公路353號2樓帝景酒店帝景軒日期:即日起至11月18日時間:15:15 – 17:15訂座電話:3716 2898*另加一服務費 文字來源:香港人遊香港/圖片來源:帝景酒店...
尖沙咀呢間酒店最近就推出「香芒狂熱」下午茶套餐,酒店行政總廚特別以時令芒果入饌,匠心巧製一系列以芒果為主題的甜品,款款精緻誘人,再加上其他獨特滋味的鹹點,讓客人享受輕鬆寫意的下午茶時光!上層鹹點包括馬利蘭蟹餅伴芒果乳酪,混入鮮嫩蟹肉製成的蟹餅被煎至金黃色,再配上微酸的香芒乳酪,味道非常清新! 甜點首推香芒杏仁撻面鋪滿薄薄的芒果片,啖啖香滑果肉,簡直甜入心😍 ▲V bar & lounge全新推出「香芒狂熱」下午茶套餐 ▲甜點以芒果為主打,必試香芒杏仁撻、香芒朱古力慕思同埋香芒斑蘭葉蛋糕 ▲鹹點包括馬利蘭蟹餅、香辣芒果雞肉生菜包、焗芒果海鮮籃 ▲價錢為兩位港幣348元 (另加一服務費) 「香芒狂熱」下午茶 by V bar & lounge 日期:即日起至2018年10月31日地址:尖沙咀麼地道71號富豪九龍酒店地下電話:2313 8788時間:15:00 – 18:00價錢:港幣348元/ 兩位...