澳門美食2024|澳門貓貓主題打卡Cafe 如果想去澳門打卡美食餐廳,推介呢間主打貓貓造型美食的Cafe。例如有貓頭造型牛油果吞拿魚蛋沙律Bagel、煉奶三色貓吐司、焦糖雞蛋布丁雪糕及小貓總匯三文治配薯條等等,絕對係貓奴最愛!另外去澳門當然唔少得手信,呢度亦有賣貓哥鳳梨酥,主打100%新鮮菠蘿,並用純手工熬煮新鮮鳳梨餡,加埋貓貓造型夠曬吸引啦!貓奴快啲bookmark定啦! ▲澳門呢間「貓哥小店」在澳門新橋三盞燈和騎士馬路均有分店,主打平價且造型得意的貓貓主題美食,亦有其他台式美食如肉燥麵。 ▲其中有煉奶三色貓吐司、小貓總匯三文治配薯條,三文治夾住大大塊香脆炸雞扒。 ▲有貓頭造型牛油果吞拿魚蛋沙律Bagel,健康之選。 ▲呢度亦有賣貓哥鳳梨酥,主打100%新鮮菠蘿,並用純手工熬煮新鮮鳳梨餡,味道濃郁,果香酸甜不膩,酥皮焗至牛油香濃,去澳門記得買啲手信返去! 貓哥小店 BroMao 地址: 美的路主教街42-44號地下電話 : 28563757關閘店 : 騎士馬路49號信智花園L舖 (菜農學校旁)電話 : 28533521 圖片來源: @bromaocafe 文字:香港人遊香港...
澳門美食2023|巨型焦糖布丁!獨棟3層純白澳門Cafe 日式海膽湯烏冬+乳酸菌梳打冷萃咖啡 澳門都有靚Cafe讓大家可以嘆咖啡!這間位於媽閣廟附近的純白Cafe,樓高3層空間感大。主打各式咖啡,除了普遍的Latte、Flat White等,更有特色調飲如乳酸菌梳打冷萃咖啡,酸甜的乳酸梳打中和咖啡的苦澀。亦有冷萃氈酒湯力,咖啡加入Gin Tonic,漸層賣相超美。另外,如iPhone一樣大的巨型焦糖布丁同樣吸晴,蛋香奶香加上焦糖回甘味,而且只售$45,性價比高!餐廳有各款主食供應,日式海膽湯烏冬使用牛乳日式高湯及海膽炮製而成,濃郁而不膩!到澳門玩的話不妨去悠閒的Cafe嘆下! ▲純白色Cafe空間感十足,是獨棟的三層建築,二樓有落地玻璃窗,十分通透,樓頂更有植物作點綴。地點位於媽閣廟附近,面向媽閣廟右邊直行100米就到。 ▲巨型焦糖布丁($45):大小有如一部iPhone,分量夠大之餘又不過只得甜味,反而焦糖的回甘味突出,蛋香味十足。而且價錢只需$45,性價比幾高。 ▲乳酸菌梳打冷萃咖啡:酸甜的乳酸梳打十分清爽,加入冷萃咖啡,甜味及苦甘味都配合得恰到好處。 ▲冷萃氈酒湯力:咖啡加入Gin Tonic,帶來半醉半醒滋味,漸層賣相超美。 ▲日式海膽湯烏冬:使用牛乳日式高湯及海膽炮製而成,濃郁而不膩!每口烏冬都掛滿金黃湯汁。加點套餐會有沙律及番薯糖水。 Fill Cafe 地址:澳門下環樹木巷13號地舖營業時間:11:00-19:00(星期一至四)、11:00-21:30(星期五至日)訂座電話:63450404 文字來源:香港人遊香港/圖片來源:@fill_cafe...
相信唔少人都鍾意近近地去澳門玩,但講到澳門美食,除咗葡撻之外,呢間布拉腸粉都好值得試。呢間小店主打布拉腸粉,而當中最受歡迎嘅就係蔥花雞蛋腸,出名夠哂滑溜!腸粉全部都係即叫即做,將米漿倒到白布再拎去蒸,之後加蛋同蔥,保證以最新鮮嘅狀態送到你面前!整體口感超級滑,又帶少少煙韌⋯⋯
澳門美食2023|澳門手工爆餡吐司專門店 澳門一向美食多,而呢間隱世吐司專門店就有一款「小太陽」之稱的布丁麵包,包皮外型是八邊星形酷似太陽形狀,中間圓形則是蛋味香濃的布丁。麵包使用法國忌廉同麵粉,因此包皮鬆軟不過外層帶少少韌勁,布丁口感似燉蛋,入口嫩滑,除了原味仲有海鹽芝士,鹹鹹甜甜。此外,如果係斑蘭控就一定不能錯過「斑蘭百香果麻糬小吐司」,裡面有足料斑蘭椰蓉同拉絲麻糬,完全大滿足! ▲小太陽布丁麵包有原味同海鹽芝士味,原味蛋香味十足,而海鹽芝士嘅芝士味相當濃,味道鹹鹹甜甜。 ▲布丁口感似燉蛋,麵包選用法國忌廉同麵粉製造。 ▲斑蘭控就一定不能錯過「斑蘭百香果麻糬小吐司」,吐司熱辣辣新鮮出爐,裡面有足料斑蘭椰蓉同拉絲麻糬,而且吐司係用新鮮百香果汁同代糖取代砂糖,夠曬健康! ▲鹹食吐司仲有「墨魚蟹柳芝士小吐司」,上面焦香芝士脆脆用澳洲芝士,中間仲有勁多蟹柳絲。 鍋鍋食研 地址:澳門大纜巷9號富耀樓9-A地下鋪營業時間:星期一至六 11:30am-7:30pm 圖片來源: @hkfoodpage 文字:香港人遊香港...
澳門美食2023|澳門爆紅葡撻奶酪花杯子 澳門呢間麵包店靠升級版葡撻瞬速爆紅!就係呢個招牌「奶酪花杯子」,將葡撻巨大化,外面千層酥皮形成花型,內餡比一般葡撻不同,用芝士醬製作,仲要係爆漿流心!味道方面分了原味和抹茶味,抹茶奶酪花杯子用上小山園「若竹」抹茶粉,味道濃郁回甘,抹茶控的至愛!麵包店平日至少要排20分鐘以上,想試就要比啲耐性啦! ▲澳門人氣麵包店Goat Bakers推出招牌「奶酪花杯子」,酷似巨大化葡撻,有拳頭咁大。 ▲奶酪花杯子有原味和抹茶,原味入面係流心爆漿芝士醬,睇到都覺得好邪惡! ▲抹茶奶酪花杯子用上小山園「若竹」抹茶粉,味道濃郁回甘。 ▲另外仲有岩燒芝士條以及新出青提乳酪條,爽甜青提果肉以乳酪配搭,非常解膩。 Goat Bakers (高士德) 地址:高士德永聯台52號永聯大廈地舖營業時間:星期一至日12:00 – 18:00 圖片來源: @gugufoodie 、 @goat.bakers 文字:香港人遊香港...
澳門美食2023|澳門70年老字號雪糕名店 講起童年回憶,相信唔少澳門街坊都會想起呢間懷舊雪糕名店「禮記」,由1940年代開業至今已超過70逾年,從門口到室內裝潢都睇得出經過歲月洗禮,室內保留舊傢俬木檯木椅,彷彿回到小學或中學時期。而店內主打古早味雪糕冰品,雖然種類不多,但勝在味道突出,店家奉行每日新鮮製作,不添加色素同香料,並以當季水果入味,例如招牌雪糕三文治,集齊椰子、蜜瓜、雲呢拿味雪糕,用威化餅夾心,外脆內軟。如果想感受懷舊風味,不妨到呢間尋找童年回憶! ▲裝修保留六十年代風格的懷舊雪糕店,六十多年來以家族形式經營。 ▲雪糕包裝亦沿用六十年代風味的包裝紙,包裝盒上的女孩肖像來自第一代創辦人鄺老先生之手,數十年來未曾改變過,有煙盒般的大小。 ▲鎮店之寶包括雪糕三文治及雪糕磚,雪糕三文治係自家製古早味,包含椰子味,蜜瓜味,雲呢拿味雪糕。 ▲如果想感受懷舊風味,不妨到呢間尋找童年回憶! 禮記雪糕 地址:荷蘭園荷蘭園大馬路12號地下營業時間:星期一至日12:00 – 19:00 圖片來源: @eating_and_working_in_h 、 @ifoodie.mc 、 @bo_kwong 文字:香港人遊香港...
澳門美食2023|澳門高質平價足料糖水店 澳門一向美食多,除左出名葡撻同豬扒包,今次介紹嘅呢間地道甜品店一樣受到本地熱捧!位於澳門的人氣糖水店主打榴槤同芒果主題甜品,大大份之餘價錢亦相當便宜,因此非常受當地街坊歡迎,亦吸引不少外來客。榴槤控必定要試真材實料的D24榴槤班戟,榴連肉香甜,超足料份量好似就黎要爆漿!除左班戟,仲有另一款人氣甜品原隻椰皇子系列,可選擇榴槤或芒果口味,充滿椰香嫩滑,口感一流。大家如果去澳門覓食不妨到呢間甜品店品嚐一番! ▲糖朝盛世甜品店主打榴槤同芒果主題甜品,大大份之餘價錢亦相當便宜,呢碗楊枝甘露超足料,包括芋圓、西米露、勁量芒果、柚子粒。 ▲招牌D24榴槤班戟,外皮蛋香味濃,大大舊D24榴槤肉就黎要爆漿而出,好邪惡啊! ▲另外有芒果麻糬班戟選擇,芒果餡同樣厚肉,加埋煙韌嘅麻薯口感十足,值得一試。 ▲仲有人氣原隻椰皇子系列,加入西米露蒸煮,椰香嫩滑,而且暗藏足料榴槤果肉,超滿足! 糖朝盛世甜品餐廳 地址:新橋(三盞燈/白鴿巢)墨山街41號地下A舖營業時間:星期一至日15:00 – 01:30 圖片來源: @tang.dessert 文字:香港人遊香港...
澳門美食2023|地道葡式咖啡店推出限定蛋漿流心蛋糕 想起澳門美食必定不少得葡撻,呢間葡式咖啡店主打手工麵包和甜品蛋糕,讓你品嚐地道風味。而最近他們除了售賣人氣葡撻外,更推出「葡心蛋糕」,充滿蓬鬆空氣感的海綿蛋糕,注入金黃絲滑的流心蛋漿,超級有驚喜!另外亦推出葡撻炸彈奶昔,濃郁牛奶沙冰配上一整個葡撻,熱量超標!除了以上甜點外,喜歡鹹點的亦可以叫免治牛肉酥皮杯,裡面有香口嘅牛肉碎同炸薯粒。如果到澳門玩樂,不妨可以係呢度食個葡式下午茶! ▲「葡心蛋糕」融合充滿空氣感的鬆軟海棉蛋糕,裡面是黃金流心蛋漿,每日3點半準時新鮮出爐,亦可以同店鋪提早預訂,帶返屋企慢慢歎! ▲人氣酥皮葡撻都可以變身特飲,咖啡店推出葡撻炸彈奶昔,絲滑沙冰口感超級解暑,大大個葡撻配上冰凍奶昔亦是另一番風味。 ▲以澳門經典土生葡菜 「免治牛肉」為創作靈感既免治牛肉杯,新鮮牛油酥皮包覆住香口的牛肉碎同炸薯粒,鬆脆又入味。 ▲雪梨芝士丹麥酥,用清甜爽口的雪梨,配上濃郁柔滑的布里芝士,鹹甜交織,每日新鮮出爐! CUPPACOFFEE 地址:氹仔舊城區飛能便度街104-106號泉悅花園地舖營業時間:星期一至日07:30 – 19:30 圖片來源: @cuppacoffee.macau 文字:香港人遊香港...
澳門老字號「梁慶記」已經營過百年,一直都堅持平民價美食,亦獲米芝蓮推薦。而家唔使過澳門,喺香港都可以食到啦!梁慶記登陸香港北角,繼續用心製作店號的拿手美食——手打足昇麵。
識食一定要加咖喱醬!碟頭飯食得多,碟頭麵真係好少見,而且呢度d餸同一般茶餐廳唔同,就睇佢地有鹹牛脷呢個選擇已經夠哂特別!仲有煙鴨胸、黃薑豬肉同牛肝呢d選擇,當然可以配飯、湯麵同撈麵啦! ▲蒜茸焗肉丁麵 (MOP$38)煎得非常香口,肉丁充滿蒜香 ▲黑椒牛柳粒公仔麵(MOP$38)牛柳粒係即叫即煎,肉質鬆軟,不過唔似用左鬆肉粉,而且煎得香口惹味。呢度擺放大良昌記咖喱膏比大家自己調味! ▲鹹牛脷麵(MOP$38) 牛脷好淋好味,又厚又香。 ▲即使店鋪營30多年,都係咁受澳門人同旅客歡迎。 永安咖啡室 Veng On Café 營業時間:週一到週日 7:00~18:00電話:+853 2832 5001地址:澳門馬大臣街4號聯豐大厦地下及閣仔B座 文字來源:香港人.遊香港/圖片來源:wan_kin_wa, la_carol,joylita...