呢間位於深水埗的越南小店,主打的並不是香港人熟識的生牛肉河而是一碗叫蟹膏番茄湯檬。呢碗湯檬的湯底以豬骨、番茄、鮮蟹熬製,非常濃郁帶微酸鮮甜好開胃,而且材料豐富有蟹膏餅、番茄、扎肉、豬紅、豆卜、香菜、芽菜和生菜。當中的蟹膏餅是雞蛋混入蟹膏而成蟹膏味重還吸收晒湯汁好惹味。另外,法包烘得非常乾脆,口感煙韌,醃過的酸蘿蔔好開胃爽脆清新。甜品中的斑斕綠豆糕呈墨綠色層次分明,有斑斕香氣,煙煙韌韌是特別之選。 ▲蟹膏番茄湯檬($55) :材料豐富有蟹膏餅、番茄、扎肉、豬紅、豆卜、香菜、芽菜和生菜。湯底濃郁帶酸有少少蟹味,蟹膏餅是雞蛋混入蟹膏而成和豆卜一樣吸收晒湯汁味道,番茄更有半個,扎肉彈牙。 ▲烤豬肉法包($53) :麵包烘得非常乾脆,口感煙韌。 ▲烤過的香茅豬肉不錯,配料豐富有醃過的酸蘿蔔、青瓜、芫荽等全都爽脆清新。 ▲斑斕綠豆糕($15) :斑斕葉製成呈墨綠色的斑斕糕有3層共需要分開3次蒸。入口有斑斕香氣,中間的綠豆溶滑得嚟又仲有少少咬口,整個糕煙煙韌韌,甜度適中不會太甜。 ▲牛油果沙冰($30): 牛油果加奶打到好幼滑又濃厚,口感似奶昔,牛油果味好重。因沒有加冰粒所以沒有冰凍感。 ▲紫米糕、紅豆糕、馬豆糕、香芋糕($6/1件)、榴槤糕($8/1件),糕點用料充足,啖啖都食到粒粒綠豆、香芋和榴槤溶。 ▲當中榴槤糕入口即散發榴槤香,榴槤迷必食。 文字 / 圖片:香港人遊香港...
呢間小店原本主打外賣三文魚刺身,最近就決定推出$88蚊90分鐘任食甜蝦刺身,甜蝦鮮甜爽口,好新鮮!加$30就可以升級放題,,任食赤蝦刺身,口感更加爽口,因為老闆曾經做過海鮮供應商,所以攞到又平又靚嘅貨源,$88任食90分鐘到底最高紀錄可以食到幾多隻呢? ▲$88可以任攞任食甜蝦刺身 ▲老闆曾經做過海鮮供應商,所以攞到又平又靚嘅貨源 ▲到底最高紀錄可以食到幾多隻? ▲甜蝦味道鮮甜,加$30就可以升級放題 御品·千之味 地址:深水埗荔枝角道390號C號地舖電話:37047177時間:12:00 – 23:00 文字來源:香港人.遊香港/圖片來源:御品·千之味...
打卡一流! 呢間茶室佈置簡約清新,以白色和淺木色為主調,非常富文青感,餐牌上茶是主打,除咗有洛神花茶、桂花白茶等茶飲外,亦自家研發多款以茶入饌的主食,例如有茉莉花豆腐,茶湯麵,茶漬飯等等。文青最愛打卡嘅當然仲有茶味蛋糕,泰式奶茶味嘅戚風蛋糕甜味夠突出,而且入口幾Creamy,戚風蛋糕亦有極濃茶香味,味道都幾唔錯! ▲店面嘅設計相當簡約樸素,完全係配上用茶時應該要有嘅心境呀 ▲泰式奶茶味嘅戚風蛋糕,甜味突出而入口都幾Creamy ▲除左要食茶味嘅蛋糕外,當然都要試埋茶味嘅冷麵啦 ▲當然都要試埋依款抹茶戚風蛋糕啦,抹茶嘅茶澀味出晒來呀 TEA HUB 地址:深水埗順寧道439號順寧居地下2號舖電話:23377278時間:14:00 – 20:00 (星期二至五)、11:00 – 21:00(星期六日及公眾假期)、星期一休息 文字來源:香港人.遊香港/圖片來源:TEA HUB...
係香港炸大腸牛雜呢d小食好普遍,但唔係間間都整得咁好食。炸大腸的重點就是在外面的皮可以脆脆的,旺角,銅鑼灣一些旅遊區的街頭小吃只能說做到形似,外面這層大腸皮都是軟軟的,而日旺的一口咬下去都可以聽到那種喀啦喀啦的脆聲。 ▲北河街呢間小食店睇起好old-school,但屹立係深水埗多年,可見食物質素有一定保證! ▲大腸即叫即切即炸,比已穿起一串串翻炸新鮮得多。 ▲老闆娘點左調味汁再比客人,記得自己再點下酸梅汁,食落可減少炸物的油膩感 ▲呢度都有魚蛋牛雜賣,一樣好受街坊歡迎! 炸大腸重點就是在外面皮都係脆口,實在難得! 日旺果汁小食 地址:深水埗北河街133號地下 文字來源:香港人.遊香港/圖片來源:互聯網...