佐敦美食2024|黑膠唱片主題fusion菜聯乘日式鐵板燒店 有冇想過海膽都可以做出創意料理?號稱「海膽料理達人」嘅樂師傅憑「18層海膽杯」打響名堂,並將日式鐵板燒玩出新花樣,不時會有驚喜表演打造創意fusion菜,有得食又有得睇表演!樂師傅會每日為預訂嘅客人預備新鮮頂級食材,並根據當日嘅食材自創菜式,包括有火焰海膽甲羅燒、龍蝦膏配竹炭烏冬、海膽雪糕配爆炸糖、A5和牛、日本蘭王蛋配椰菜花炒飯、焦糖沙巴龍躉等等,絕對物超所值!而且呢度仲要係黑膠唱片主題嘅日式鐵板燒專門店,牆上擺放師傅收藏的黑膠唱片,大家一邊享受美食之餘,仲可以收聽懷舊金曲,相當有情調! ▲季節前菜用漂亮的便當盒裝住,包括有磯煮鮑魚、櫻花蝦玉子燒、日本沙角、明太子薯仔沙律。旁邊擺放一壺青梅水。 ▲十八層海膽杯上層以北海道紫海膽、沖繩海葡萄、白飯魚脆片一同入口,下層有明太子、帆立貝、海膽、三文魚子、牡丹蝦等等超多材料。 ▲原隻鴛鴦海膽活龍蝦兩道食,一道是自家製海膽芝士焗龍蝦,醬汁由蝦頭中的蝦膏調配而成。另外係龍蝦膏配竹炭烏冬,啖啖濃郁鮮蝦味。 ▲火焰海膽甲羅燒配黑松露薯片,師傅會係你面前即燒,好似變魔術咁。 ▲酒燒帶子配檸檬汁,焦糖沙巴龍躉。 ▲五色燒野菜有柴魚燒茄子、甜甜的日本迷你番薯夾棉花糖、車厘茄、辣蘆筍、燒南瓜等。荔枝豚肉卷配爆豬花蜜。 ▲燒A5和牛配日本蘭王蛋配椰菜花炒飯,夾埋一齊就係流心太陽蛋黯然銷魂飯。 ▲特色紙包花膠蜆湯熱騰騰,有香醇花膠,嫩滑彈牙。樂師傅焦糖多士印有樂字。 ▲自家製海膽雪葩配爆炸糖,海膽味濃郁。 ▲師傅為了提高食物品質保證,每次只開放6人座位,雖然係小店但私隱度高,好適合慶生!另外呢度同時係黑膠唱片主題嘅日式鐵板燒專門店,牆上擺放師傅收藏的黑膠唱片,大家一邊享受美食之餘,仲可以收聽懷舊金曲,相當有情調! 樂鐵板燒 地址:佐敦偉晴街29-37號騏邦大廈地下6號舖(港鐵柯士甸站A出口, 步行約4分鐘)營業時間:星期一至日14:00 – 00:00預約電話:28858955/ Whatsapp 52719893 價錢:十八層海膽杯A5和牛廚師發辦 $1680/位 圖片&文字:香港人遊香港...
土瓜灣及西環同是舊區,各有一間日本料理丼飯小店,好受街坊支持,呢度主打以平民價提供廚師發辦及海鮮丼,食材都好新鮮,大郭份選自日本直送產品。海鮮丼使用既米飯都好講究,特別選用日本七星米,口感爽口再以赤醋調味,米飯粒粒分明,同海鮮刺身配合得相得益彰!除左飯之外,其他食材都有醬汁醃製/煮過,同現成堆出黎既海鮮丼真係好唔同!海鮮丼有七款比食客選擇:好似有夢之丼、三文魚丼、什錦魚生丼、炙燒海鮮丼、海膽丼、拖羅丼,最平百幾蚊都有交易! ▲原板北海道海膽丼($468)係西環限定款式,每日只係限量10份,湧出嚟煙霧勁有仙氣﹐加上原板北海道馬糞海膽、拖羅蓉同三文魚子,真係未食都要比相機食先! ▲海皇丼 同樣係西環限定既款式,最霸氣一定係大大隻既配上黑松露味噌忌廉既虎蝦同原隻鮑魚,食落啖啖海鮮! ▲夢之丼($298)夢之丼係呢度2間分店既招牌黎,配料十分豐富,有晶瑩既三文魚子、魚油豐富既吞拿魚蓉、帆立貝、甘甜香滑既海膽、飽滿既汁煮生蠔、牡丹蝦、蝦膏。 ▲最平既可以試呢個花錦魚生丼($168)其實就係使用角切既魚生海鮮調味再配飯食! ▲一番拖羅丼 ($338)拖羅係香港人魚生寵兒之一,丼入面已經配有赤身、拖羅、大拖、吞拿魚蓉、火炙拖羅,配上日本蛋! 夢の丼土瓜灣店 電話:2657 8827 / Whatsapp:9455 4354 地址:土瓜灣譚公道2號地舖 夢の丼西環店 電話: 2523 2800 / Whatsapp:6320 2128 地址: 西環皇后大道西513-519號尼斯花園地舖 文字來源:香港人.遊香港/圖片來源:@yumenodonhk、@eatingwithyinjer、@pegusanne...
位於中嘅Casa Lisbao,以新派葡菜風格為賣點,主打嶄新烹調手法及現代精緻賣相來製作傳統葡萄牙菜式 。適逢臘月季節,葡萄牙籍總廚 Fábio Pombo 為食客帶來 非常地道嘅全新葡萄牙冬季菜式。當中包括有海鮮佳餚、暖身炆鍋同埋地道甜品菜式,讓食客係香港都可以飽嘗到罕有嘅葡萄牙冬日味道。 ▲來自大西洋的海鮮素材創作的海鮮拼盤 ▲葡萄牙傳統煮蜆方式Bulhao pato 來烹調葡萄牙紅蝦 ▲傳統家庭菜式牛肋骨鍋 Jardineira $295 ▲除了新派葡萄牙菜式外,Casa Lisboa 還加入了以葡萄牙城市命名的的新全雞尾酒 Casa Lisboa 地址:中環雲咸街63號巴力大廈2樓電話:29051168時間:12:00 – 15:00、18:30 – 00:00 圖片及文字來源:香港人遊香港...
灣仔築地又有新主題,今次係以星光富士為主題, 最吸睛都係呢個10 呎 LED 藍色富士山比大家打卡!影完相緊係矚目既富士山階梯,階梯上擺放精緻既北海道三文魚籽、北海道白子、宮城縣真蠔、加拿大海膽等,仲有富士山造形創意卷物。呢個咁靚環境,緊係要襯返杯冰藍色既富士山特調先最岩feel ! ▲富士山の階梯($228) ,有多款時令刺身,如北海道三文魚籽, 季節限定的北海道白子,宮城縣真蠔,加拿大海膽,以及日本直送的加賀太古與甘 酢漬物等,配上富士山造形的創意卷物 ▲加拿大海膽呈橙黃色,甘甜鮮美 ▲富士山下銀鱈魚西京燒($188) 銀鱈魚外烤成焦脆、內裏卻雪白軟腍,啖魚啖肉多汁甘甜,配上富士山造型酢飯 ▲富士山下和牛燒($188) 和牛都有好多款,呢個霜降牛肝腱油花分佈平均,有豐富鮮美肉汁咇出黎! 築地山貴水產「星光富士」 地點: 築地・山貴水產 – 灣仔碼頭二樓日期: 2018 年 12 月 14 日至 12 月 29 日時間: 12:00 –  22:30 文字及圖片來源:香港人.遊香港...