想一覽維港美景,不一定要到太平山頂,在油塘及調景嶺之間的魔鬼山,都可以欣賞到美麗港灣!日落時分到魔鬼山山頂,可以清晰看到太陽西下的壯景,橘黃的夕陽映在維港海上,十分漂亮。到稍稍入黑時,更可以俯瞰萬家燈光,一點點的光點在深藍的天空下更顯壯觀!不同時分在魔鬼山看的風景帶來不同感受。上魔鬼山的路線輕鬆易走,路牌清晰,行山新手都能輕易應付!沿華人永遠墳場上斜,約一個多小時就可到達啦。路途上更有歷史軍事古蹟,如炮台、碉堡等,十分有價值。 ▲黃昏雲海,橙藍天空十分有feel。 ▲夕陽下的維港景色非常壯麗。 ▲稍為入黑後,可以看到萬家燈火的景象。 ▲海岸線有點點燈光,西下太陽映照的香港特別漂亮。 魔鬼山 交通:地鐵油塘站A2出口,往華人永遠墳場的斜路往上走時間:約一至兩小時 文字來源:香港人遊香港/圖片來源:@岑文...
位於東涌的熱帶風情餐廳及酒吧,餐廳設有室內用餐區及廣闊的露台座位,主打新鮮海鮮、石窯爐烤焗薄餅、打卡甜品等等,而且是寵物友善餐廳。餐廳露台座位更可以欣賞日落美景。餐廳由摩洛哥籍行政總廚Faycal El Moujahid主理,熱愛海鮮的大廚Faycal,以海鮮造出多種特色菜式,包括香烤西班牙紅蝦、波士頓龍蝦意大利麵、油甘魚醃魚生等。而必食的二人雜錦海鮮塔,可試勻波士頓龍蝦、新鮮生蠔、松葉蟹、熟蝦及青口等。 ▲餐廳設有室內用餐區及廣闊的露台座位,餐廳露台座位更可以欣賞日落美景。 ▲二人雜錦海鮮塔:有波士頓龍蝦、新鮮生蠔、松葉蟹、熟蝦及青口等,配上香醋汁及檸檬角。 ▲波士頓龍蝦意大利麵:以龍蝦、蕃茄醬、橄欖油等烹製而成,再綴上半隻龍蝦肉,肉質鮮甜彈牙。 ▲夏威夷金槍吞拿魚:吞拿魚切粒,混合切粒青瓜、芫荽等,配上生薑及柑橘醬油,味道清新。 ▲油甘魚醃魚生:油甘魚醃魚生連同櫻桃蕃茄、黑蒜、枝豆等調味,佐上炸洋蔥。 ▲香烤西班牙紅蝦:西班牙紅蝦配上香草蒜蓉牛油及新鮮沙律。 ▲肉丸麵包薄餅:以蕃茄醬、自家製肉丸、巴馬臣芝士、鼠尾草及橄欖油。 ▲意大利式烤乳豬(供4至6人享用):慢烤約12小時再放入石窯爐烤焗,令乳豬皮變得香脆,肉質嫩滑有汁。 ▲卡巴納提拉米蘇:帶有香醇回甘的咖排及淡淡的酒香。 ▲菠蘿批:以菠蘿入饌,連同冧酒蛋糕及椰子雪糕。 文字:香港人遊香港...
收到山友向小編查詢,前幾次介紹之行山路線都比較崎嶇,想小編介紹一條比較易行,風景又靚,仲要睇埋夕陽,落山又快嘅路線….真貪心!皇天不負有心人,小編真係搵到一條 行山 線喎! 就係今次為大家介紹嘅四排石山 乘坐K66巴士到達大棠,沿大棠山道直上,大約行2公里就到達大棠燒烤場,再沿大棠自然教育徑直走,再行2公里左右,經過一小段竹林,靠左手面有一條隱徑,有絲帶引路,一直上,呢度路段比較乾涸,都係散沙碎石,小心跣喔! 靠右手面會見倒一個小峽谷,滿滿紅土好靚喎! 立即打打卡先! 記得唔好行咁出呀! 無欄杆,又跣腳架,轆咗落谷底就好大獲架! 繼續沿山徑直上, 路徑明顯唔難行, 好快就交接返大㰖涌郊遊徑,一直沿郊遊徑直走,呢度觀景開掦,左面可以望見屛山一帶,右面可以望倒大㰖景色,令人心曠神怡呢! 繼續沿山徑走,有部份路面質素比較乾涸,散沙碎石有啲洗腳,不過唔太難行,路線明顯,上落起復唔大,秋高氣爽真係好舒服呢! 加上一個一個山頭都係短草坡,訓在草地上休息,好爽YY喔! 好快就到日落夕陽時份,呢度拍斜陽剪影一流,拍個夠後沿長長石級可以落返錦上路站完成旅程。 注意事項:⚠部份路段乾地散沙碎石,容易滑倒,必須小心⚠ 會經過小峽谷,不要常試攀爬⚠ 風高物燥,切勿在郊野吸煙,引起山火後果嚴重⚠ 保持郊野清潔,自己垃圾自己帶走 ▲一個一個草坡山頭景觀開掦 ▲面向雞公嶺和大刀屻山脈 ▲巧遇茅膏菜 ▲全程路段明顯不太難行 ▲百日草,菊科小花不要採喔 ▲坐在草坡上休息觀看夕陽人生一大樂事 ▲昆蟲卵子好嚇人 ▲迷人夕陽美景 ▲穿過美麗樹林 ▲對岸是雞公嶺 ▲柔柔微風吹遍小草搖曳不停 ▲路線明顯不太難行 ▲小峽谷沙石鬆散不要試圖爬下去 ▲日落夕陽拍攝靚景點 ▲悠然自得欣賞夕陽美景 ▲夕陽美景令人陶醉 ▲巧遇流星 ▲看夕陽意茫茫人生滿希望😅 四排石山 路線: 大棠燒烤場>大棠自然教育徑> 大欖涌郊遊徑>四排石山>井坑山>錦上路火車 全程10公里 需時約3.5小時...
[駐場博客小牛牛快樂行山郊遊相集by Chan Keung]今個暑假好快又過咗,但係雨季仍然未過,近排時晴時雨,令到好多山友都唔知登唔登高好。話説早排有一天日間 傾盆大雨,點知到咗下晝又突然之間 天氣轉晴,小編二話不說即刻衝上去青欣山拍低日落美景,順便介紹一吓呢條簡单路線。 當日下午5點幾,天氣突然轉晴,立即起行上青欣山,涌美路起步,一路行斜坡上,轉咗幾個街口,好快就到達青衣自然教育徑入口,成條山徑都係石屎路,唔洗著行山鞋都無問題,沿石徑一直走,行咗大約10分鐘左右,轉右手面上石級,開始登上山徑,又行多10分鐘左右,回頭一望,可以望到青衣各大小屋苑,景觀十分開掦,再上多幾段石級,有一座小亭,除咗可以坐低乘涼之外,呢度仲可以望到青衣油庫,遠方仲有馬灣, 汲水門大橋,好靚喔! 影咗2張相之後繼續上, 卒之到達1號觀景亭, 呢個位置可以飽覽整個吸水門大橋,有好多郵輪穿梭,仲有飛機上上落落,差不多每一分鐘都有飛機飛過, 響呢度睇飛機穿梭,就知道點解香港國際機場咁繁忙呢! 嘩! Magic hour到了, 夕陽餘暉,美景醉人,心裡頓時哼起~”夕陽醉了,落霞醉了…….”  影咗好多張相之後,天色 漸暗,又是回家的時候了,沿途折返,完成今次行程。 呢條路線好適合一家大細同行(記得做足防蚊措施), 簡單易行,景觀優美。 ▲青衣西路左轉,到達青衣自然教育徑入口 ▲初段平緩山徑,沿途仲有好多芭蕉樹在兩旁 ▲教育徑大部份都蓋石板,簡單易行 ▲山徑中段有地圖顯示各觀景亭位置 ▲青欣山標高柱 ▲未上到山頂景色已經好靚 ▲向1號觀景亭方向出發 ▲最後 — 段斜坡石屎路 ▲到達1號觀景亭,景色開揚,遠望汲水門大橋 ▲好多喜愛拍攝龍友,都喜歡響呢度擺定腳架,拍攝夕陽美景 ▲夕陽加上美麗雲彩,構成 — 幅美麗圖畫 ▲小編都忍唔住自拍返 — 張剪影先😆 ▲小編粗略數過,差唔多每一分鐘都有飛機上落,證明香港國際機場真係非常繁忙 ▲天色漸暗又到了回家的時候 注意事項:~沿途沒有補給請帶備足夠食水~愛護郊野清潔人人有責自己垃圾自己帶走~ 此區域鄰近機場,切勿駕駛航拍機拍攝, 避免觸犯法例~ 呢期登革熱鬧得熱哄哄,記得做足防蚊措施 青欣山 路線: 涌美路>青康路>青衣西路>青衣自然教育徑>青欣山>1號觀景亭沿路折返共6公里,需時ㄧ小時左右 文字/圖片來源 :小牛牛快樂行山郊遊相集by Chan Keung...
[駐場博客 @ 小牛牛快樂行山郊遊相集by Chan Keung]在森林和原野是多麼的逍遙! 親愛的朋友呀您在想甚麼? 4月份好天氣,天朗氣清, 一定是打算遠足登高呢! 小編今次介紹一條靚靚行山路線給大家~大金鐘!從彩虹村乘坐1A小巴, 到達菠蘿輋下車,沿馬路直上, 經過北港凹路, 登上馬鞍山郊遊徑, 到達分叉路口, 轉行麥理浩徑4段, 就到達昂平大草原, 在左面正是昂平營地, 每逢假日就湧現大批愛好露營朋友到訪。而右面是一片大草原, 視野遼闊一望無際,更可以飽覽整個西貢海, 遠望橋咀島,風景優美, 這裏更是愛好駕駛滑翔傘人仕之勝地,每逢假日就會有大批滑翔傘航空員在這裏起步, 令到整個昂平大草原氣氛濃厚。 再向草原右面上直走, 看見一座大山, 豎立在旁, 氣勢磅礡 外形十分像 一所大金鐘, 没有錯! 這座巨山正是~大金鐘, 從山腳小徑緩緩而上, 其中一两段都比較傾斜,需手腳並用攀爬,不久已攀到上頂峰, 景觀一流, 令人心曠神怡, 打卡過後,可沿山徑返回昂平大草原。 雖然昂平大草原和大金鐘,美麗風景都甚為吸引,不過最吸引小編的,還是這裏的牛牛, 因為這裡草原豐富,所以總有大批牛隻前來享用大餐。小編每逢經過這裡,總是逗留個多小時和牛牛影相,打卡,玩樂。開心過後 ,我們繼續沿馬鞍山郊遊徑 一直走到馬鞍山燒烤場, 經過良友路, 馬鞍山村, 到達耀安邨 完成今次旅程。 ▲從彩虹村乘坐1A小巴 往菠蘿輋下車 起步 ▲經過北港凹路-進入馬鞍山郊遊徑ㄧ直上到分叉路口轉向麥理浩徑4段-到達昂平大草原 ▲昂平大草原左面便是昂坪營地每逢假日會有大批愛好露營者前來 ▲右手面-是一個大斜坡,一望無際!可以飽覽整個西貢海遠望橋咀島風景秀麗每逢假日都會有大批愛好滑翔傘的人仕前來令到整個昂平草原氣氛濃厚! ▲豎立在旁有一座大山外型甚至一座大金鐘,没有錯它的名字就是大金鐘 ▲從山腳小徑直上,其中有一兩段比較崎嶇和傾斜,必須手腳並用攀爬! ▲從山頂望向昂平大草原風景優美,又是一個打卡熱點! ▲最吸引小編正是昂平大草原的一批牛牛!由於草原豐富,所以都會吸引到大批牛牛前來享用大餐 ▲小牛牛的確可愛切記不要傷害牠們 ▲昂平大草原風景優美-每逢假日都吸引到大批遊客前來 ▲歡樂過後沿馬鞍山郊遊徑返回馬鞍山燒烤場 ▲經過一段麥理浩徑4段 ▲回程時經過馬大石澗 ▲夕陽無限好,走到耀安邨完成今日旅程! 大金鐘 路線: 菠蘿輋>北港凹路>昂平大草原>麥理浩徑4段>大金鐘>馬鞍山郊遊徑>馬鞍山燒烤場>良友路>馬鞍山村>耀安邨全程8.5公里 需時約5小時 注意:⚠天氣炎熱記得帶備足夠食水⚠保護大自然人人有責,自己垃圾自己帶走⚠愛護牛隻,不要傷害牠們 文字/圖片來源 :小牛牛快樂行山郊遊相集by Chan Keung...
可以上田下山睇!布袋澳位於香港新界的一個美麗海灣,因其三面環山,而出海口相對狹窄,遠看彷如一個大大的布袋,而被稱為“布袋澳”。至於要俯瞰整個布袋澳,最佳位置就一定係田下山。田下山位於清水灣半島南部,高273米,田下山近頂部有一個小平原,可以見到田下山著名的石林區,同時可以睇到布袋澳日出。 田下山 路線:清水灣 – 田下山 – 大廟 – 清水灣路程:5公里需時:2小時30分鐘交通::乘搭16、103、103M小巴或91號巴士在清水灣下車,沿釣魚翁郊遊徑前往 文字來源:香港人.遊香港/圖片來源:hellorick、leoshop...