去東京唔行街可以做乜?不如去近郊行下!日原鐘乳洞係位於東京都奧多摩町嘅天然鐘乳洞,亦係關東地區最大級別嘅鐘乳洞,洞中全年都保持於攝氏11度左右,可以感受到冬暖夏涼嘅天氣。 ▲由新宿駅坐JR中央線,再轉搭青梅線,到奥多摩駅只需2小時即可到達,再搭由奥多摩駅開出嘅巴士約35分鐘左右,就可以到達「日原鐘乳洞」 ▲洞內全年平均溫度為11度,行一圈大約需要40分鐘,總長約800米,係關東地區最大級別嘅鐘乳洞 ▲鐘乳洞內有各式各樣嘅鐘乳石,全部都係經歷幾十年至幾百年而形成的。沿著步道行,仲可以欣賞到打喺岩壁上嘅色彩鮮豔嘅燈光,寧靜又帶點神秘。 ▲營業時間根據不同時期而有所變動,如4月1日至11月30日為上午8時至下午5時。12月1日至3月31日為上午8時30分至下午4時30分。12月30日至1月3日則由於是新年期間將不會開放。唔想摸門釘建議出發前再做好資料搜集喇。 日原鐘乳洞 地址: 東京都西多摩郡奥多摩町川野1740 文字來源:香港人.歎世界/圖片來源:互聯網...