位於觀塘鴻圖道工廠大廈入面嘅一間家居Cafe,店舖空間感十足,非常闊落,仲有戶外位置,每張檯凳都標上價錢可供購買~食物主打日式和洋風格,包括香煎北海道帶子紫薯意大利飯、北海道魷魚明太子忌廉汁意粉、特濃咖啡Tiramisu,飲品方面有Expresso Tonic和日式抹茶鮮奶。由於現仍是試業階段暫未有精品咖啡提供。 ▲香煎北海道帶子紫薯意大利飯,新鮮紫薯打成的紫薯醬汁味濃厚,質地同risotto十分配合,再配上北海道直送帶子,煎至八九成熟讓整體層次提升。 ▲北海道魷魚明太子忌廉汁意粉,明太子讓意大利粉充滿洋式風味,麵條均勻沾裹著明太子,口感綿密加上濃郁忌廉奶香真係絕配! ▲特濃咖啡Tiramisu,Espresso味濃郁,芝士方面用左Mascarpone cheese, 再特別加左杏仁酒混合咖啡酒。 ▲Expresso Tonic配焦糖檸檬,店舖選用嘅咖啡豆有果香和花香味,配上一塊焦糖檸檬,檸檬味向下滲透,飲之前再輕輕把Espresso和Tonic攪勻,口感非常清新。 ▲日式抹茶鮮奶,利用兩種最優質的抹茶粉混合製成,奶香濃郁,抺茶淡淡回甘不苦澀。 文字來源:香港人遊香港/圖片來源:IG@Relish Cafe...
位於觀塘工廠大廈內嘅一今小店,主打新派西泰美食,尤其係泰式湯麵和西式漢堡,所有菜式均是即叫即整,務求讓各位顧客食到原味道。一定要試呢度嘅招牌72小時安格斯牛小排漢堡,以特製的BBQ醬汁煎炒,牛肉濃郁多汁,值得一試!炸薯條都好正,配上花生醬同和楓糖漿,又鹹又甜味道都幾夾~仲有呢個冬陰功鴨肉船麵,食落非常惹味。最後,記住試埋呢個新出嘅堅果朱古力紐約芝士蛋糕。 ▲72小時安格斯牛小排漢堡,牛肉味道濃郁多汁,配上羽衣甘藍、焦糖洋蔥、烤菇和手工芝士醬,非常足料! ▲炸薯條,薯條配上特製的花生醬和楓糖漿。 ▲冬陰功鴨肉船麵,屬於泰菜和法國菜的融合, ▲堅果朱古力紐約芝士蛋糕,記住試埋呢個新品,期間限定。 文字來源:香港人遊香港/圖片來源:FB@The Cool Cousins Cafe & Noodle Bar...
呢間小店陪伴左何文田26年,住係何文田既街坊對呢間店鋪唔會陌生,食過既都一致誠意推薦呢度既熱狗出品,依家尖沙咀都有得食喇!唔好以為簡單淨係得熱狗好Hea,呢度 有多達22款熱狗腸比你揀!多年來堅持自製番茄醬汁,酸甜入味可口。除左秘製蕃茄汁之外,仲可以配芥辣、酸瓜醬、沙律醬、BBQ醬! ▲熱狗小店係勝利道屹立左26年,如果係何文田長大既朋友一定認得佢! ▲柏林辣椒腸熱狗呢度腸仔係自家工場製造,全部即叫即製,食落熱辣辣非常新鮮! ▲肉醬熱狗 ($28)醬汁係可以自己揀有茄醬、芥辣醬、沙律醬、酸瓜醬、燒烤醬,全部落哂都冇問題! ▲外脆內熱波板雞肉腸煙燻 燒烤 等多個工序,係新產品黎! ▲店內香腸選擇眾多,有超過20款! ▲除左熱狗之外,仲有肉醬撈麵、薯條 ▲新店開係尖沙咀,將呢份街坊熱情帶比都市人 文字來源:香港人遊香港 / 圖片來源:@hotdoglink、@jobelle_belle、@sue_and_her_lovelysillyfamily、@youowemeapuff、@mkbowfoodies、@youiamu...
灣仔日月星街區轉角有間文藝小店 – 白做研究所 ,由台南開返黎香港。主要係文青最愛既選品店,主要係小品插畫家、設計師一些作品,大多呈現係Tote Bag、掛畫、Tee等,將生活美學融入日常。多年儲落唔少捧場客,小店同時亦係展覽講座、工作坊交流平台,希望多方面引起生活日常既共嗚!小店品牌分香港、台南兩邊業務,希望集更多來自五湖四海、素不相識既同路人互相認識。 ▲ 夫婦及另一位台灣女生首先係台南開設「白做」,再因展覽將呢個品牌帶回香港。 ▲ 小店經常引入唔同藝術插畫師作品。 ▲ 作品除左牆壁擺設以外,大多都係生活用品。 ▲ 小店唔算面積好大,卻比人舒適既感覺。小店不時會有展覽同workshop,詳情可以多留意佢地facebook 同ig ▲ Kata Kata以日本傳統染布技術設計創作,治癒版鯨魚、貓、野豬陶瓷碟都好受歡迎。 文字來源:香港人遊香港 / 圖片來源:@white_do、@janaeemi、@noelso...
經過呢間隱身於長沙灣工廠區既cafe,好可能會忽略左佢!門口既販賣機賣既其實唔只係咖啡,裡面仲係一間有賣其他主食既cafe。門口既黑白販賣機夠晒型格,但其實店主仲係個拉花高手,可以拉出好多唔同圖案,咖啡質素甚高!咖啡師用出神入化既拉花技術幫香港人打氣:「香港加油」。呢度既All Day Breakfast 都製作認真,仲有意粉等等都味道唔錯! ▲Cafe門口有一部黑白型格既販賣機,都非常搶眼! ▲販賣機設計精緻可愛,重點係咖啡質素都好高,打卡亦一流! ▲咖啡質素有保證外,拉花技術都一流,可以拉出好多複雜或比較少見既圖案。 ▲更可愛的是呢間黃店,更拉出了「香港加油」幫香港人打氣,係唔係應該要多多幫襯先? ▲佢地既all day breakfast都唔貴而且好好心思,份量亦十足! ▲小店仲養左隻好可愛既狗狗叫Coffee,更添小店溫情。 Coffee Question 地址:長沙灣褔華街588 號地下B舖 電話:6111 9384 營業時間:08:00-19:00 (星期六: 10:00-18:00) 文字來源:香港人遊香港 / 圖片來源:@skeatravelife、@coffeequestion、@hkhipstercafe...