台灣過江龍Kiki品牌跨足茶飲界,今個夏天仲推出多款消暑特式茶飲,為大家降溫!新茶飲「葡萄沙冰」酸甜清爽,葡萄解渴又有益身體、「百香果沙冰」同樣香甜,仲含有豐富維他命A及C,係健康既消暑佳品!仲有「芒果貴妃荔枝奶昔」味道超夾,充滿熱帶風情,岩晒夏天飲!而家仲新推出左「隨心配」系列,客人自己選擇想要既茶底,再自選心水奶蓋,搭配出最岩自己既口味!奶蓋選擇亦比市面上多,除左傳統「芝士海鹽」,仲有「焦糖堅果」同埋全新口味「紅莓奶蓋」等等!而珍珠亦有四款選擇,包括超獨特既KiKi椒麻粉炮製而成「川味珍珠」,同埋中式涼茶口味既「夏枯草珍珠」,你又敢唔敢試? ▲今個夏天新推出既葡萄沙冰(HKD$38)非常解渴,葡萄仲可以滋養身體,減低心血管疾病的風險,係健康之選! ▲百香果沙冰(HK$38) 果味香濃,酸甜滋味,夏天消暑必備! ▲芒果貴妃荔枝奶昔(HKD$38) 芒果同荔枝都係夏日聖果,配搭得宜,奶昔亦夠香滑! ▲為響應環保,KIKI茶仲推出兩款特製吸管套裝(HKD$39),代替膠吸管,支持環保,值得推薦! ▲位置金鐘太古廣場既KIKI茶飲,店舖環境舒服寬敞,打卡休息都唔錯! KiKi茶 @ 茶‧米 地址:香港金鐘金鐘道88號太古廣場1樓112號舖電話:21175903營業時間:11:00 – 22:30 文字來源:香港人遊香港/圖片來源:KiKi茶 @ 茶‧米...
屯門區呢間實力派小食店很得輝一向都是車友愛聚腳的深宵小食店。小食店主打有三款口味的雞髀。夜媽媽唔怕邪惡的話必定要試下佢地極Juicy的生炸雞髀。如果嫌生炸太熱氣的話,滷水髀或沙薑髀都相當入味架! 店主表示如果唔夠喉的話還有各式各樣的小食選擇,唔夠飽的話仲可配麵餐或自家製的磨菇飯添! ▲雞髀(生炸/滷水/沙薑)($30)店主堅持每隻雞髀都係即叫即整。生炸雞髀皮脆肉嫩勁JUICY,配上指天椒辣粉或香草辣粉,味道更上一層樓。 ▲店主表示有兩款究極級的辣粉可以俾好辣的食客挑戰。小編實試過,真係辣到噴火呀。 ▲滷水髀同沙薑髀名氣雖然不及炸脾大,但店主的自家秘方令到雞髀入味之餘又能保持肉質的嫩滑口感 ▲椒鹽雞軟骨($39)粒粒都炸到卜卜脆呀!! ▲蘑菇飯(跟餐$17)炸髀配菇飯應該不會陌生,但留意番呢個汁係自家調味架! ▲益力多沙冰($30)唔好誤會呢杯係雪糕,係沙冰黎架。 ▲菠蘿的海($25)呢杯其實係菠蘿味梳打加藍糖水,小編鍾意佢個名有詩意得黎又好靚。 「沒有最邪惡,只有更邪惡」就算食到肥過電單車,都要黎試下喇 !HAHA! 很得輝 地址:屯門仁愛堂街50號金滿閣地下C2號舖電話:91948386營業時間:星期二至日 18:00 – 02:00 文字/圖片來源:香港人.遊香港...
再次有台飲店登陸香港,今次係由台灣藝人NONO創立。黑糖波霸係台飲店指定動作,黑糖珍珠用用2個鐘燜煮,又香濃又焦香,而牛奶更選用香醇日本明治鮮奶,口感濃郁。除左黑糖波霸之外,一定要試下水果茶,完全添加額外糖分,解渴好飲! ▲呢個打卡必飲既水果茶以「花羨水果漾」($36)為名,以鮮橙汁、菠蘿同百香果汁做base,再加埋幾款新鮮嘅生果點綴望落好吸睛 ▲黑龍波霸奶 ($33)以烏龍茶+鮮奶底,味道醇厚! ▲華麗外表紙杯以花為主題,都幾吸引架! ▲青龍波霸奶蓋,即係綠茶奶霜黑糖珍珠,難得牛奶味仍保持香濃 花羨沐嵐 地址:尖沙咀加連威老道64號地下B號舖 文字來源:香港人.遊香港/圖片來源:@vanchan_、@littlemisslucky_08、@jessica_leehl、@hkfoodora...
今個暑假一直有好多台灣茶飲店登陸,最新嘅「花羨沐嵐」由台灣藝人NONO開設,最近就登陸咗尖沙咀,必試鮮果茶!佢哋茶底同一般茶飲店唔同,係用烏龍茶做茶底,質素都算唔錯,當然佢地都有推出各款波霸奶茶,不妨一試! ▲「花羨沐嵐Hua-Xian-Mu-Lan」融入中國文化花木蘭華麗出征元素 ▲店鋪選用烏龍茶作茶底 ▲花羨沐嵐以新鮮水果及台灣茶葉製作的鮮果茶為主打 ▲花羨沐嵐由台灣藝人NONO開設 花羨沐嵐 地址:尖沙咀加連威老道64號B地下時間︰12:00 – 23:00 文字來源:香港人.遊香港/圖片來源:花羨沐嵐...
茶飲店真係開完一間又一間,最新就有呢間飲品色彩繽紛,打卡一流嘅TAN TEA,佢哋主打用滋潤美顏嘅桃膠代替珍珠,桃膠來自雲南,每日新鮮浸泡,口感爽滑,而且夠健康,同傳統既珍珠口感完全唔同,啱哂鐘意飲但係又怕肥嘅朋友,大家仲可以揀唔同味嘅果茶! ▲又多一間茶飲店加入戰團 ▲又靚又好飲嘅飲品,飲之前記住搖一搖! ▲星空檸檬杯外形打卡一流 ▲碟豆香橙桃膠,睇到都覺得心花怒放啊! TAN TEA 地址︰旺角廣華街1號仁安大廈地下1C舖時間︰11:30-22:30電話︰91739699 文字來源:香港人.遊香港/圖片來源:探客 TAN TEA...
呢間旺角新開台飲店,主打少女打卡飲料,全部飲品都好夢幻勁吸睛,打卡一流!招牌「少女的夢幻泡泡」係用咗荔枝和玫瑰形成淺粉紅色,用料天然又講究,新店仲標榜所有飲品都係加入自家熬製的紅棗糖,同坊間其他台飲台比較熱量相對低,亦唔會一味死甜。 ▲洛神花小紫蘇 ▲紫薯拿鐵奶味較重 ▲新店來自台灣,飲品少女味十足 ▲夢幻飲品店主打唔同氣泡飲品 BABO the DRINK SHOP HK 地址:旺角豉油街60-102號鴻都大廈地下A舖電話:5337 8801 文字來源:香港人.遊香港/圖片來源:BABO the DRINK SHOP HK...
近排一打開FB、IG,就不停見到唔同茶飲店嘅打卡!呢間元朗嘅人氣店就主打奶蓋,除咗有一般嘅海鹽芝士奶蓋之外,仲好創新咁推出咗用果肉打成嘅奶蓋!其中包括菠蘿、芒果等等,新鮮果肉酸酸甜甜嘅味道,同略略帶鹹香嘅芝士奶蓋好夾🤤!最好仲出咗 #限量供應 嘅榴槤芝士四季春,將榴槤打入芝士奶蓋到,味道好濃郁! ▲Oreo芝士奶蓋撞香醇紅茶都幾唔錯,剩係個外觀都非常吸引 ▲芝士巨峰雪沙完美展示出巨峰提子的天然顏色,口感清爽 ▲芝士菠蘿雪沙採用新鮮菠蘿打出綿綿雪沙,酸甜適中,加上海鹽濃芝士 ▲榴槤季節當然唔少得榴槤奶蓋,上等榴槤打入芝士入面,肉厚味甜,飲到芝士又食到榴槤肉 夏茶 HaCha 地址:元朗康樂路8號康樂廣場地下3號舖電話:2803 0887時間:11:00 – 20:00 文字來源:香港人.遊香港/圖片來源:夏茶 HaCha...
台灣飲品店真係開完一間又一間,最新係黑糖飲品名店「珍煮丹」,小編有好多台灣朋友都特別推介呢間名店,珍煮丹是台灣自創品牌,以前台北士林夜時裡面以攤位默默經營,珍煮丹用黑糖熬煮過珍珠,咬落有濃濃黑糖香氣,珍珠煙煙韌韌好有口感,比起其他店更加值得一試,預計銅鑼灣新店開張左喇,要試嘅可能又要早少少排定隊啦! ▲又一台灣過江龍 ▲台灣黑糖飲品名店「珍煮丹」即將登陸! ▲佢哋嘅珍珠煙煙韌韌好有口感 ▲珍煮丹喺台北有20多間分店,今次加入香港銅鑼灣呢個戰場唔知又帶黎幾耐既熱潮? ▲黑糖珍珠鮮奶、紅豆宇治抹茶等都係招牌之作。 ▲黑糖珍珠鮮奶 ▲黑糖布丁鮮奶 ▲黑糖冬瓜檸檬 ▲宇治抹茶珍珠 珍煮丹 地址:銅鑼灣利園山道15號開幕日期:2018年8月3日(星期五) 文字來源:香港人.遊香港/圖片來源:珍煮丹...
#文青必飲! 萬眾期待嘅台灣品牌「花甜果室」終於登陸香港啦,呢間台飲店被台灣網民熱捧,而佢哋嘅七彩漸層飲品超吸睛,味道仲要有驚喜!果汁店以新鮮水果、蔬菜加燕麥或蜂蜜打成蔬果汁,啱晒夏天飲,而佢地嘅飲品全部都係新鮮生果,現場即叫即打,打出黎味道酸酸甜甜,顏色仲要超夢幻! ▲台灣靚靚文青系飲品店「花甜果室」,嚟香港開店喇! ▲佢地嘅飲品全部都係新鮮生果,現場即叫即打! ▲花甜果室香港分店設立於熱鬧尖沙咀商圈,將延續台灣的各種風味繽紛飲品 ▲漸層飲品超吸睛,看到大家開心笑了 花甜果室(已結業) 地址:尖沙咀加連威老道52&52A地下C號電話:6276 4280時間:12:00 – 22:00 文字來源:香港人.遊香港/圖片來源:花甜果室...