位於尖沙咀既三餐冰室,「三餐」顧名思義就係香港人最基本既三餐溫飽,呢度既經典常餐、焗飯、扒餐、西多等等選擇多多,份量出名大件夾抵食,夠晒每日解決三餐需要,同時能夠重拾香港懷舊之味!呢度既頹飯一D都唔頹,升級成三餐肉三蛋,食完一定好滿足!新鮮出爐既焗飯份量亦驚人,「招牌牛魔王焗飯」係牛仔骨拼咖喱牛腩,份量足之餘,D汁滿到瀉晒出黎!鐵板餐同樣具視覺衝擊,大大塊又厚又多汁既肉扒,配以薯條雜菜,仲有羅宋湯,係最經典既港式晚餐!而冰室既裝修都好有特式,牆上壁畫出自本地插畫師之手,畫出香港70,80年代既屋邨生活,仲有香港人最熟悉既路牌等等,充滿香港人情味! ▲牆上既壁畫來自香港本土插畫師,呈現香港70,80年代既屋村,同埋以經典路牌帶出冰室既地點,創意十足! ▲被稱為頹飯既餐蛋飯,有成三塊餐肉、三隻雞蛋,雖然唔係好健康,但間中食下都好滿足! ▲招牌牛魔王焗飯,即係黑椒牛仔骨拼咖喱牛腩,分量夠大又多汁,滿足晒食肉獸! ▲招牌海南雞飯都絕不欺場,雞肉嫩滑配炒飯,晚餐時段都只係$56,仲配有中湯+熱飲 ▲冰室又點少得經典常餐,沙嗲牛麵大家由細食到大,仲有火腿炒蛋、牛油多士、港式奶茶,少一樣都唔得! ▲下午茶叫個「香葱厚蛋咸牛三文治烘底」,只係$38仲包熱飲,蛋味同葱完美配合,加埋鹹牛肉既口感,滋味十足! ▲經典鐵板餐一定係好多香港人至愛,招牌鐵板牛柳餐 $128,有黑椒汁、洋葱汁、燒汁或蒜蓉汁可以選擇,仲配餐湯、多士、薯菜、熱飲,非常抵! 三餐冰室 地址: 尖沙咀漆咸道南115號 (漆咸圍交界)電話: 2130 9302營業時間:11:30-22:30 文字來源:香港人遊香港 / 圖片來源:三餐冰室...
大埔呢間良心冰室除左係學生打工仔嘅飯堂,更係有派過飯比長者食。店內嘅菜式中西式結合,有唔少係意大利飯、意粉和原塊扒餐。有好多港式茶記嘅茶式嘗試變成創意西餐,例如有西冷牛扒蛋包飯,牛扒仲要係長過大Mon手機,啱曬大胃口嘅朋友係中午或夜晚E肚仔。 ▲西冷牛扒蛋包飯($78/中午:$75),牛扒大大塊霸氣文係蛋包飯上,份量同IPHONE大Mon手機咁長 ▲除咗有牛扒選擇,可以轉脆香炸雞脾 ▲中午日精選系列飯,呢間冰室曾播放721事件,令食客知成件事來龍去脈 ▲軟殼蟹鹹蛋蘑菇意大利飯,粒粒飯每一啖好Creamy,軟殼蟹炸得好酥脆 鼎天茶室 地址:大埔安慈路3號 電話:3705 1486 營業時間:6:30 – 22:00 文字來源:香港人.遊香港/圖片來源:@hainovakeepfit、noelnoel815、followyellowme、laaamandy...
紅磡一間冰室有推出龍蝦鮑魚籠仔蒸飯,用荷葉佈底,將蒜蓉連海鮮和白飯一齊蒸,令每一啖飯有陣陣海鮮味,蟹鉗和原隻鮑魚都係新鮮。另外最值得一試係秘製牛乳滑蛋奄列叉燒飯,滑蛋烹調用咗冰室自家獨有秘方,令滑蛋表面光澤持久,滑蛋質感好juicy。唔想食飯嘅蛋控,可以叫個牛肉蛋蛋包,外表有滑蛋包住牛肉包,層次豐富。 ▲龍蝦鮑魚籠仔蒸飯($168),啖啖海鮮鮮味 ▲秘製牛乳滑蛋叉燒飯 ▲牛肉蛋蛋包 ▲朱古力棉花糖多士 ▲由金茶王沖製獨有港式奶茶 ▲88蚊港式手拉絲襪奶茶和鴛鴦 ▲除咗堂食有得飲,仲可以買樽裝奶茶 一仔冰室 地址:紅磡必嘉街92-112號紅磡灣中心地下9C號舖 營業時間:7:00 – 23:00 圖片及文字來源:香港人遊香港...
一間主打粵菜嘅餐館係深水埗開咗一間懷舊香江風嘅冰室,推出創新粵菜風味菜式,其中有香蔥朱古力汁豉油皇雞翼和即焗咖喱農夫包,農夫包嘅餡料有得揀大蝦、牛肋條或豬扒,咖喱醬汁更有馬來、印度、星洲、泰式及港式咖喱口味。傳統冰室嘅西多士加入西式風味,加入紅豆、朱古力及士多啤梨醬。 ▲香蔥朱古力豉油皇雞髀蒜茸包 ($40),味道充斥鹹甜之間,創新口味 ▲朱古力紅豆法蘭西多士 ($28) ▲朱古力吞拿魚卷($28),外皮蘇脆,內餡鎖有肉汁,加入些少朱古力醬更開胃 ▲皇牌馬來咖哩豬扒農夫包($68),有得揀大蝦或牛肋條。咖喱汁更係用料十足,研製出馬來、印度、星洲、泰式及港式等風味咖喱 ▲冰室裝橫以懷舊香江風為主 春蘭冰室 地址:深水埗福華街 188 號海峯地舖 營業時間:11:00-22:00 圖片及文字來源:香港人.遊香港...
呢間冰室原本開係觀塘,開左大受觀塘人歡迎,由裝修到食物,懷舊之餘又特顯新派氣質,環境寬敞,坐得都好舒服!Tea Time就必食瑞士雞翼撈公仔麵,由佢既色澤可見佢既惹味香甜,小編建議一定要叫多汁,咁樣每條麵條都掛上香甜既瑞士汁,主角瑞士雞翼,每碟有2隻全翼﹐當中精華醬汁以醬油加上冰糖烹製,令有彈性既雞翼皮都均衡咁吸收好哂,食落又惹味又嫩滑。 ▲瑞士雞翼撈公仔麵($43): 係呢度招牌美食!綿密既瑞士汁入侵雞翼,肉滑而皮彈雞翼都非常入味! ▲冰室脆炸大雞髀($35):呢個大雞髀肉食控必點!仲大過一隻手掌,外層炸至金黃色而且好香脆,真係好好吸引,入口啖啖肉! ▲芝士流心西多士($35)香濃芝士做內餡,切開即爆漿,糖漿、牛油和芝士一同流出來 ▲炒蛋吞拿魚三文治($19)炒蛋炒至半熟濕潤,同吞拿魚夾埋! 焗豬扒飯($51)上台仲係熱辣辣,豬扒、炒飯、蕃茄醬汁同配料都配合到好好! 龍城冰室 地址:觀塘駿業街56號中海日升中心地下A號舖電話:21111982營業時間:07:00 – 23:00 文字來源:香港人遊香港/圖片來源:@cheukeatout、@imenpang、@stellawhy、@elyse__nini、@eat.eat.everyday...
堅持呢兩個字對香港人黎講已經愈來愈陌生,人總要向現實低頭。呢間冰室80歲老師傅入行超過50年,每天堅持整沙翁比市民食,真係佩服佩服!雖然味道唔及之前介紹過既大澳沙翁,但係大過拳頭既沙翁,金黃色外層沾滿砂糖,已經好想食!你好彩既話,等到佢岩岩出爐係最好食! ▲百利冰室未入去已經見到有人排隊買沙翁($8)食! ▲一件沙翁、一杯奶茶係唔少街坊既下午茶之選! ▲呢間老冰室最吸引都係堆到一座小山丘高沙翁,沙翁做法係混合雞蛋同麵粉整成粉糰,放入滾油中炸成金黃色,再灑上砂糖,食落口感鬆化香軟,蛋香十足! ▲熱狗都係即叫即做,好有茶餐廳風味! 百利冰室 地址:西灣河筲箕灣道216號地下營業時間:06:00-18:00 (星期四休息) 文字來源:香港人遊香港 /圖片來源:@micazim、@foodicschoice、@jesszeli、@chankahocardi...