記得幫襯之前留意下鋪頭既FACEBOOK睇下有咩食物已經售罄,免得去到時失望,不過除左主菜之外,呢度既甜品加咖啡都值得推介比大家嫁!鋪頭裝修主要行工業風格,門口牆身係水泥牆,有個霓虹燈店鋪「革」字LOGO掛係門口上面,經過望到都幾搶焦點嫁! 鋪頭雖然細細間,但係係菜式方面都落足心機嫁! 提供既種類款式好多,分別有供應沙律、全日早餐、多士、意粉、蛋糕、特式咖啡、沙冰等。 ▲經典卡邦尼意粉($90): 呢個意粉好出色!意粉係用粗身果款,食落去好有咬口。另外醬汁分量都足夠,配料仲加埋蛋黃、芝士碎、同埋香脆煙肉,絕對係一個飽肚既意粉。 ▲63.5度慢煮班尼迪蛋伴煙三文魚牛油果($98): 包身係用Bagel 做底,隻蛋做到好流心,咬一啖蛋黃就會湧晒出黎,而且牛油果同埋三文魚份量都好多,一個人食絕對飽肚! ▲青醬北海道帆立貝風乾蕃茄意粉($105): 呢個意粉食落較為濃味,因為有時青醬意粉係出面餐廳食到既味得好淡,而帆立貝都大大粒。 ▲自家制紅絲絨蛋糕($40): 蛋糕全自家製既,食落去唔算好甜好流! 蛋糕層次分明,用左忌廉、朱古力作三層隔開,仲鋪左玫瑰花乾碎。 ▲鋪頭咖啡吧果度會擺放數款咖啡豆比客人聞下,同埋擺左店主曾經得到既咖啡獎項添。開放式既沖咖啡地方仲可以令到客人睇住自己杯咖啡既沖製過程! Cafe REVOL 地址:佐敦德成街4-16號富裕臺地下5號舖營業時間:星期一至六08:00 – 19:00、星期日09:00 – 18:00電話:37020170 文字來源:香港人.遊香港/圖片來源:@lalabananafooood、@yingmanha、@lainga123、@strophotos...
對打工仔最好嘅保養就係湯水,網上外賣老火湯嘅本土品牌正式係佐敦酒店嘅美食廣場開首間實體店,當中有多款中式老火湯,仲有精華燉湯,食材份量好十足,其中有圓肉花膠燉雞湯,加入沙參玉竹,採用竹絲雞,有滋陰養顏功效。唔夠血氣可以飲川芎當歸香菇瘦肉湯 ▲川芎當歸香菇瘦肉湯,加入紅棗和瘦肉 ▲沙參玉竹圓肉花膠燉雞湯 ▲入面有竹絲雞,雞肉嘅精華你曬湯入面 ▲除咗飲靚湯,仲有得買飯食 靚湯廚房 地址 : 香港九龍彌敦道 380 號 Eaton HK LG 樓層4號舖...
佐敦酒店即日起推出咗高質蟹宴主題自助餐,引入5款品種頂級螃蟹,有貴妃、蜘蛛、松葉、麵包和花蟹輪流供應。配合高質蟹嘅鮮味,大廚仲秘製8款獨特醬汁蘸食,提升蟹肉嘅獨特風味。除咗食蟹肉,仲有即叫即開新鮮生蠔、青口和蝦等等。而蟹粥更係必食,次次好快就要fill,蟹肉嘅鮮味精華係粥水到,啖啖鮮味十足。 ▲新加坡辣椒蟹,辣度啱啱好,醬汁配啖啖鮮蟹肉食,味道一流 ▲松葉蟹喇沙,未放入口已經聞到奶香嘅喇沙味 ▲蟹肉墨汁意粉 ▲墨汁意粉有蕃茄肉醬配搭蟹肉 ▲海鮮冷盤有蜘珠蟹 ▲青口 ▲甜品區有細件切餅 ▲仲有綠茶味窩夫,有時會係朱古力味,旁旁有配料醬汁比人任加 ▲日本壽司和刺身 ▲場內面積都幾大 滋味蟹宴自助餐日期:即日起至8月31日價錢: 午市 12:00 – 14:30星期一至五:$308 (成人);$198(小童及長者)星期六、日及公眾假期:$378(成人) ;$278 (小童及長者) 晚市(18:30 – 21:30)星期一至五:$568 (成人);$398(小童及長者)星期六、日及公眾假期:$618(成人) ;$448 (小童及長者) 普慶餐廳地址:香港九龍彌敦道 380 號 Eaton HK B1 樓層電話:2710 1901網址:https://www.theastorhk.com;https://www.eatonworkshop.com 圖片及文字來源:香港人.遊香港...
記唔記得有一排好興去佐敦食咖哩?呢間一做就做左幾十年,秘製咖哩醬汁,加左唔少洋蔥同蕃茄蓉,口感有提升之效,不過呢度咖喱偏辣,係巴基斯坦風味,唔係個個都接受到!值得一提係每張桌上都放了一壺冰開水,令客人能及時解辣。 ▲咖哩蟹一樣有大、中、小辣揀! ▲咖哩牛腩飯($72)咖哩辣醬好獨特,加入大量勁香口既洋蔥蓉,食落除左辣仲好濃洋蔥,撈飯真係一流! ▲咖哩雞飯($70)有人話雞唔滑又唔新鮮,計小編話用汁撈已經食晒成碟飯。有人覺得呢度定價太高,其實勝在夠真材實料! ▲牛腩油脂甘香融入咖喱內,-牛腩炆得軟腍,唔怪得有網友話黎到只食牛腩! 亞龍咖喱 地址:佐敦吳松街93號A地下電話:27821635 文字來源:香港人.遊香港/圖片來源:@vivienchubi、@2chinkam、@siubachu、@agneslsm...
呢間位於銅鑼灣嘅日式丼飯店,雖然價錢稍高,但依然一直人龍不斷,皆因佢地採用嘅都係「日本空運食材」,食物非常高質,最近仲殺到入九龍區開分店,喜愛丼飯嘅朋友們係時候準備出動喇! ▲主打用「日本空運食材」做日式丼飯嘅Superdon,首家分店「SUPERDON EXPRESS 」已經進駐九龍逸東酒店地庫嘅全新Food Hall。 ▲火焰三色丼 ($188) 有三文魚、中拖羅同三文魚背,魚生燒得半熟,魚油味香濃,飯嘅醋酸味突出,整體黎講非常不錯! ▲丼飯本身份量偏少,男仔食怕唔夠飽的話也可加錢變set,會多份沙律同湯,店內亦有其他串燒小食供應(分店Menu可能有所不同) ▲如果怕貴,佢亦有其他比較平價嘅熟身丼飯可以選擇,如果想食豪小小,可以揀呢個北海道玉子黑松露和牛丼 ($268) 牛扒份量好多,肉質唔乾韌,入口有油香,旁邊仲有大量香蔥和生雞蛋、配埋醬汁撈飯超正! スーパー丼 Express 地址:佐敦彌敦道380號香港逸東酒店地庫1號舖營業時間:12:00 – 21:00 文字來源:香港人.遊香港/圖片來源:hkfoodbae、chewyest、alvinho1001...
好吸睛!呢間日式餐廳新開張,價錢走平民路線,食物以雙層爆丼為主,下層配以陣牙嘅蒟蒻麵,仲有海膽伴麵!其中龍蝦爆丼啲餸多到滿瀉,一碗有原隻波士頓龍蝦,配上唔同刺身都只係$268👍🏻,龍蝦肉質頗結實,而且爽口有肉汁。 ▲極盡華麗嘅爆丼杯HK$268。 ▲下層配以健康又好味的蒟蒻麵。 ▲五層丼亦係必點之選。 ▲呢個爆丼杯仲大過個頭呀! 丼瀛 J-City 地點:佐敦廟街188號地舖時間:12:00 – 15:00,18:00 – 23:00電話:28858077 文字來源:香港人.遊香港/圖片來源:香港人遊香港...
食日本野🇯🇵gathering好去處! 慶祝大時大節,食日本野其實都係唔錯既選擇,小編今日介紹呢度環境環寬敞清靜,適合三五知己食住傾下計,必食既刺身拼盤,取材自當地新鮮食材。而另一焦點推介就係天婦羅料理,係前葡京酒店主廚負責,質素緊係有返咁上下保證啦! ▲刺身拼盤,滿載日本漁民新鮮魚獲,每次食都有唔同驚喜!今次有甘香鮮甜既牡丹蝦、油甘魚、拖羅吞拿魚刺身等。 ▲拖羅吞拿魚刺身,油脂十分豐富,魚味亦非常濃 ▲牡丹蝦肉質爽脆有彈性,口感嫩滑! ▲肥美鮮甜海膽入口鮮甜柔滑,充滿海水味,係味覺一大享受。 ▲天婦羅料理係由以往何鴻燊旗下葡京酒店主廚,使用上自家調配脆漿,然後直接放冰箱, 特別好味 ▲除了幼細的蘿蔔蓉外,還有三色鹽(咖哩鹽,綠茶鹽,海鹽)供客人食天婦羅之用,客人可根據不同的天婦羅使用 風日本料理 地址:佐敦佐敦道39-39A號根德大廈地下及一樓電話:2882 2055 文字/圖片來源:香港人.遊香港...