好多香港人放工都鍾意飲番兩杯放鬆下,呢間位於黃竹坑既人氣天台酒吧ABOVE by Kömune,地段優越,環境清幽,而家仲推出左Sunset Hour時段比大家暢飲,供應多款以香港為主題既雞尾酒,並設有免費小食吧,比大家可以邊歎美酒,邊居高臨下欣賞港島靚景!多款雞尾雞充滿香港特式,好似「Ma Hang」就以赤柱馬坑公園為靈感,用鮮榨蔬菜汁、檸檬汁代表公園翠綠繁密既植物;「Rock Island」就以石澳美景為靈感,以Alipus mezcal、Cimarron龍舌蘭、菠蘿糖漿及純朱古力調製而成。酒吧亦推出多款清爽解渴、適合夏天飲既雞尾酒,例如「Summer Solstice」就用左涼茶葉浸泡過的氈酒、金桔汁、青檸汁、柑桔汁及新鮮熱情果調製;「Ward of Kömune」就用威士忌、綠茶、莓子酒等調製而成,酸甜又清新!邊歎住如此美酒美食,邊欣賞港島靚景,好療癒啊! ▲多款雞尾酒靈感都自來香港!Chinese Ink (中) 靈感來自黃竹坑充滿藝術氛圍既一面;Rock Island (左) 靈感亦來自石澳,將石澳優美一面重現! ▲「Ma Hang」靈感來自赤柱馬坑公園,以伏特加、鮮榨蔬菜汁、檸檬汁和純糖漿調製而成(HK$108) ▲「Longevity Tree Sap」靈感來自象徵長壽既華山松,以Bulleit bourbon威士忌、自家製松樹紅茶糖漿及草本蒲公英調製而成!(HK$138) ▲酒吧地理優置優越,可以居高臨下欣賞南港島美景,令人輕鬆 ▲酒吧無論室內定戶外位置,都設計用心,環境非常舒適! ▲入夜後,環境更添一份輕鬆,遠眺南港島既夜晚,別有一番風味! ABOVE by Kömune 地址:黃竹坑黃竹坑道64號Ovolo 奧華 ∙ 南岸電話:3460 8157供應時間: Sunset Hour 逢星期三至星期五下午5點至晚上8點 文字來源:香港人遊香港/圖片來源:ABOVE by Kömune...
呢間新開既酒吧🍸,唔會有好嘈雜既搖滾音樂,反而似置身係另一個魔幻時空,先感受到英倫地下鐵風既Graffti,走入去又係另一個世界,巨樹乾花森林呢個空間最岩三五知己相聚!呢度既cocktail 同小食都別具心思,小編至like低溫慢煮半生牛叉燒,食入口係叉燒味,但其實係牛肉黎,口感特別! ▲味道富有海水味及鮮甜味愛爾蘭生蠔 ▲三式時令分子料理卷($98):以時令3款水果用分子料理方式整成,口感清甜! ▲低溫慢煮半生牛叉燒配米型粉,甜豉油汁($198),以澳洲穀飼黑安格斯牛肉來做叉燒,牛肉以玫瑰露和叉燒醬醃製再煎香,配上意大利米型粉 ▲低溫慢煮雞配中式腐乳意大利飯($158) ▲煎北海道帶子配臘腸、菜莆及粟米蓉($108) ▲日本豉油魚子、吞拿魚他他及意式薄切生牛肉片($98) ▲香辣海膽汁配三文魚子豉油漬及闊條墨魚($88):闊條麵大家食過,用墨魚整成既闊條麵加上海膽汁鮮味濃郁! ▲自家製蟹肉脆燒賣($68):改以越南春卷皮炸成燒賣皮,蟹肉、蛋黃醬、日本的魚子漬等作餡料,是香脆可口的開胃小吃。 ▲Green Ball($118):主要係由啤酒同綠茶,都幾甘甜清新! ▲Snow Elf($88):驟眼睇以為係甜品! ▲Gold Smoke,在冰球和Rum酒中,可自行用膠試管唧入適量的橙酒,客人倒入試管瓶的蘋果汁時,更會散發出幽幽的蘋果木煙霧和煙燻香氣 ▲purple Rain($88):有紫薯及Oreo ▲森林區便參照了這個概念,有種時空被扭曲的錯覺,脫離現實世界的煩囂 ▲酒吧老闆係室內設計師,對座位、燈光、擺設都非常講究。 Time Park 地址:尖沙咀棉登徑13-15號棉登大廈地庫電話:3590 8273營業時間:星期一至日3pm-3am 圖片及文字來源: 香港人.遊香港...
最近大館開咗間新酒吧,由型男設計大師Ashley Sutton出品,之前幾間大熱酒吧Dear Lilly、Ophelia、Iron Fairies和都係經自佢手!今次Dragonfly走波希米亞風格,以蜻蜓做主題,天花板散發熒光綠的顔色,而且唔少燈飾佈滿蜻蜓。雞尾酒由調酒師Brent主理,全部都以藝術家而命名,最特別係珍珠奶茶雞尾酒Dragon’s Pearl,以茉香珍珠奶茶做底,加入蜜柑,白蘭地等,酒味微甜且帶清新! ▲Dragonfly糅合波希米亞風、歐洲新藝術和蜻蜓裝飾 ▲巨大人形蜻蜓置於酒吧當眼處,充滿Ashley Sutton的設計影子。 ▲每杯設計的雞尾酒各有故事,且代表了世界各地不同元素,引人入勝。 ▲南非籍的Brent Flowers,曾於「世界最佳五十大酒吧」之一Asoka任職調酒師,及後來到香港 Dragonfly 地址︰中環荷李活道10號大館10座地下時間︰17:00 – 00:00電話︰2777 2633 文字來源:香港人.遊香港/圖片來源:Dragonfly...