景觀優美! 最近好多人都去龍脊、大東山,真係多人到一個點。但小編話你知,如果想避開人潮又想行山既,可以諗諗由梅窩行到愉景灣。呢條郊遊徑大部份都係北大嶼山郊野公園擴建部份,難度適中,沿海路線可以飽覽海岸美景。從梅窩出發穿過林蔭小徑,按指示途經神樂院、可入聖堂及聖母亭參觀,稍作休息,再前行經稔樹灣,到達愉景灣。 北大嶼山郊野公園 行山路線:梅窩 > 神樂院 > 稔樹灣 > 愉景灣 (全程約2小時30分) 文字來源:香港人.遊香港/圖片來源:stevennws、藍淼...
連島沙洲風景優美! 小編依家先知道,原來香港島果邊連島沙洲,風景仲要係好靚,不過要欣賞就要登上玉桂山同鴨脷排,要注意呢條路十分陡峭難行,需要手腳並用,冇乜行山經驗既,真係要做足心理準備。捱過艱難路段,之後就好平坦喇!呢個方位可俯瞰深灣、黃竹坑、海洋公園一帶,天氣好仲可以見對面的南丫島。 玉桂山行山路線: 利東邨巴士站→玉桂山→鴨脷排(行至盡頭見到一片茂密樹林,就沿路折返)→玉桂山→巴士站 文字來源:香港人.遊香港/圖片來源:flkf currycarrie05 marcokwong1010 iljimaw...