可以上田下山睇!布袋澳位於香港新界的一個美麗海灣,因其三面環山,而出海口相對狹窄,遠看彷如一個大大的布袋,而被稱為“布袋澳”。至於要俯瞰整個布袋澳,最佳位置就一定係田下山。田下山位於清水灣半島南部,高273米,田下山近頂部有一個小平原,可以見到田下山著名的石林區,同時可以睇到布袋澳日出。 田下山 路線:清水灣 – 田下山 – 大廟 – 清水灣路程:5公里需時:2小時30分鐘交通::乘搭16、103、103M小巴或91號巴士在清水灣下車,沿釣魚翁郊遊徑前往 文字來源:香港人.遊香港/圖片來源:hellorick、leoshop...
[駐場博客 @及時行·樂] 蓮花山屬大嶼山第三高山,雖然高度和名氣不及鳳凰山和大東山,但其景色卻有過之而無不及。蓮花山頂不單視野極致開闊,還有奇岩怪石遍布山頭,當中有一塊巨石猶如天然石床橫臥路中,能同時睡臥數人,被譽為『天帝之床』;還有『華表石』『鷹咀石』等等不能一一盡述。趁住秋高氣爽,今個假日就約埋三五好友gogogo啦! ▲登薄刀屻回望東涌警署 ▲行走在薄刀屻上一邊可看著香港國際機場飛機繁忙的起降景象 ▲前望薄刀屻標高柱,婆髻山 ▲薄刀屻下望東涌 ▲途徑北龍順遊『天書壁』 ▲鴨腳瀝回望三起三落的薄刀屻,婆髻山 ▲蓮花山標高柱 ▲蓮花山頂奇岩怪石 ▲蓮花山華表石群...
[駐場博客 @ 小牛牛快樂行山郊遊相集by Chan Keung]又到咗11月啦,又係拍攝芒草好時機, 拍攝芒草首選一定係大東山啦!點解拍攝芒草一定要上大東山呢?原因好簡單,因為大東山和二東山成個山頭都佈滿曬芒草,好似一幅金黃色嘅巨型地氈一樣!!氣勢磅礡!加上大東山樹木較少,視野遼闊,一望無際,所以一到十ㄧ月都有大批攝影發燒友嚟潮拜ㄧ番。曾經有好多歌星都前來拍攝mv,更有好多 yama girl 山系女神都嚟拍攝,所以吸引到好多少男少女前來打打卡,post上facebook,instagram比朋友Like吓!大東山除咗芒草靚之外 黃昏日落,夕陽拍攝 ,更有另一番風味。 兩年多前,小編在網上見到 大東山芒草咁靚,所以決定踏出第一步~第一次行山,自此每年十ㄧ月都會上嚟朝拜一次! ▲黄龍坑郊遊徑起步 ▲由黄龍坑郊遊徑上大東山-需要踏上數百級石板路-相當吃力 ▲每年十ㄧ月秋季是正芒草最茂盛期 ▲芒草遍佈整個大東山頭-好似一幅金黃色巨型大地氈 ▲大東山芒草 ▲拍攝芒草最佳嘅時間就是黃昏日落前-拍出嚟嘅效果更為美麗動人 ▲黄昏拍攝-別有一番風味 ▲十ㄧ月黄昏日落最佳拍攝時段為16-00-17-30 ▲大東山對面就是鳳凰山-是看日出聖地 大東山 路線: 東涌> 赤鱲角新村>黃龍坑郊遊徑>二東山>爛頭營>大東山>伯公坳 全程約9公里交通: 伯公㘭巴士站 有多條巴士線返回東涌站 3M 11 11A...
俯瞰屯門全境! 小編住左新界西咁多年,都係第一次行青山,相信大部分人對青山認識只局限於青山醫院,其實屯門青山係行山界都算係響噹噹,原來青山係香港三尖之一,上斜十分陡峭,唔容易handle,但屬於行山初哥既小編選擇由良景邨上良田坳反其道而行,上山坡手腳並用似乎不是太吃力。反觀迎面而來的行山人士,落山坡要克服泥沙碎石,行時唔容易搵落地點,缺乏經驗行山人士要特別要注意喇! ▲其實今次青山之旅係一個騙局,話說同行友人聲稱會帶我去屯門大峽谷,點知去到良田坳平台同大隊分道揚鑣,我先驚訝地發現將要登上香港三尖之一-青山。 ▲行得愈高,景緻愈清晰,由良田坳出發,路況唔算難行。 ▲沿路都係沙石山坡,小編成日都問「乜有路咩?」其實小心D慢慢上都勉強應付到。 ▲上得更高唔難發現芒草蹤影 ▲綠茸茸既野草同藍天互相輝映。 ▲好彩小編係由良田上山,否則上完萬千樓梯之後要落呢D沙石山坡… ▲上到其中一個高點,若當日天朗氣清,就可以俯瞰屯門全境 ▲呢個時候已經望見家鄉,青山發電站已經近在咫尺 ▲行多一兩個山頭,已經到左青山發電站,時間唔容許我再登上發電站。呢個時候都差不多日落西山,沿青山寺樓梯直奔山腳。 ▲最後當然要歎埋個日落先走!...
[駐場博客 @ 小牛牛快樂行山郊遊相集by Chan Keung] 燈塔超靚!! 差不多又到中秋節, 亦都是暑期水上活動尾聲, 趁天氣未轉涼,來個獨木舟遊橋咀洲。橋咀洲又名~橋咀島,橋咀島是西貢海峽其中一個旅遊熱點, 亦都是世界地質公園景點之一 。 遊客可從西貢碼頭乘搭街渡,大約20分鐘可到達。...
[駐場博客 @ 小牛牛快樂行山郊遊相集by Chan Keung]今次介紹ㄧ條3星路線給各位。由北潭凹作為起點, 沿麥理浩徑2段走到赤徑,觀賞小碼頭美麗景色,再走住赤徑口石灘, 面對海岸美景,吹吹海風,真的令人心曠神怡, 如果幸運的話,有機會遇上牛羣,這裡是很多野生牛隻聚集休息地方,牠們都好友善,小朋友見到都會心情興奮,必定會走到跟前餵飼野草呢! 不過由於漁護署正進行遷徙西貢流浪牛往創興水上活動中心,所以牛群出沒已經寥寥可數了。 經過小休後,左邊山路,開始進入北坑山徑,沿途有許多不同品種動/植物/小昆蟲聚居。泥路上不難發現ㄧ種,喜歡棲息在枯木上的小紅蟹,又有ㄧ種全身通紅的小蜻蜓飛舞呵! 北坑山俓與北坑石澗有幾處互相交錯點,更有幾個小瀑布,小水潭,可以在此洗洗手,擦擦面清涼ㄧ吓。欣賞小瀑布是必須小心,當日小編正走往瀑布前端拍攝, 一不小心跌進水潭中, 水潭傾斜度甚高, 跌前ㄧ小步就已經水浸到頸部,幸好立即爬返上岸, 所以必須要小心。 沿山徑ㄧ直上,呢ㄧ段比較吃力啊! 走至山上較高處, 有幾條分叉路線,右轉進入鹿湖郊遊徑, 有幾處隱蔽小徑可轉入秋風石澗(有絲帶引路)但必需極小心,該路段比較崎嶇。不入秋風石澗可沿鹿湖郊遊徑ㄧ直走, 到下山末段會見到水務署小水霸, 直入也可進入秋風石澗的~ㄧ線瀑。不進入就ㄧ直下山,到達北潭路,完成今次旅程。 ▲從北潭凹起步-沿途風景優美景觀開揚 ▲沿麥理浩徑二段一路直走 ▲到達赤徑其中一個小碼頭 ▲赤徑口石灘-鄰近赤徑碼頭-有渡輪通往黃石碼頭途經灣仔南風灣 ▲路旁常見的小花 ▲小休之後正式進入北坑山徑 ▲泥路枯木上有小蟹歡迎 ▲北坑石澗其中一個小瀑布 ▲小瀑布形態優美-景色怡人...
[駐場博客 @ 小牛牛快樂行山郊遊相集by Chan Keung]天氣炎熱都係搵一條上落坡幅小, 輕鬆又易走的路線。元荃古道可能係其中ㄧ個不錯的選擇。元荃古道~ 元荃古道是昔日古代村民由元朗至荃灣的古時通道。經過多返修復,現今已成為郊遊熱門山徑。起點/終點 為荃灣柴灣角遊樂場旁邊的山坡,走到下花山,再由下花山經石龍拱、田夫仔,再過吉慶橋,經東白虎凹出大棠止,全程大約14公里, 沿途亦有多條支路,可以通住多個地點。例如:大欖郊野公園,大欖自然教育徑 ,大㰖生態園,大欖涌水塘, 圓墩郊遊俓,大棠楓香林..等等,此外沿途有多條絲帶路(由經驗行山人仕自行開發路線)今次會由大棠燒烤場起步, 逆走元荃古道郊遊徑, 再經吉慶橋, 大欖涌水塘, 再落返清快塘,往汀九,屯門公路撤退(有部份絲帶路線,可通住蟠龍飛瀑和石龍飛瀑)。 注意事項:⚠沿途沒有補給,請帶備足夠食水和補充食物⚠ 有部分路段並非政府管轄郊野山俓範圍,需要穿林而過⚠自己垃圾自己帶走,保護大自然生態,你我有責。⚠不應採摘 野生植物,部分帶有劇毒 要小心 ▲先去屏山食早餐途經小水潭 ▲大棠燒烤場起步 ▲今日天氣非常炎熱 ▲元荃古道郊遊徑部份路段無樹蔭必需做好防曬措施 ▲美麗的小蜻蜓不要打擾 ▲沿途美麗小花朵不要採摘呵 ▲藍天白雲 ▲元荃古道郊遊徑部份路段崎嶇建議帶備合適行山裝置 ▲路邊有毒野菌 ▲小花-色彩艷麗 ▲美麗風景令行人忘掉困倦...