位於尖沙咀既三餐冰室,「三餐」顧名思義就係香港人最基本既三餐溫飽,呢度既經典常餐、焗飯、扒餐、西多等等選擇多多,份量出名大件夾抵食,夠晒每日解決三餐需要,同時能夠重拾香港懷舊之味!呢度既頹飯一D都唔頹,升級成三餐肉三蛋,食完一定好滿足!新鮮出爐既焗飯份量亦驚人,「招牌牛魔王焗飯」係牛仔骨拼咖喱牛腩,份量足之餘,D汁滿到瀉晒出黎!鐵板餐同樣具視覺衝擊,大大塊又厚又多汁既肉扒,配以薯條雜菜,仲有羅宋湯,係最經典既港式晚餐!而冰室既裝修都好有特式,牆上壁畫出自本地插畫師之手,畫出香港70,80年代既屋邨生活,仲有香港人最熟悉既路牌等等,充滿香港人情味! ▲牆上既壁畫來自香港本土插畫師,呈現香港70,80年代既屋村,同埋以經典路牌帶出冰室既地點,創意十足! ▲被稱為頹飯既餐蛋飯,有成三塊餐肉、三隻雞蛋,雖然唔係好健康,但間中食下都好滿足! ▲招牌牛魔王焗飯,即係黑椒牛仔骨拼咖喱牛腩,分量夠大又多汁,滿足晒食肉獸! ▲招牌海南雞飯都絕不欺場,雞肉嫩滑配炒飯,晚餐時段都只係$56,仲配有中湯+熱飲 ▲冰室又點少得經典常餐,沙嗲牛麵大家由細食到大,仲有火腿炒蛋、牛油多士、港式奶茶,少一樣都唔得! ▲下午茶叫個「香葱厚蛋咸牛三文治烘底」,只係$38仲包熱飲,蛋味同葱完美配合,加埋鹹牛肉既口感,滋味十足! ▲經典鐵板餐一定係好多香港人至愛,招牌鐵板牛柳餐 $128,有黑椒汁、洋葱汁、燒汁或蒜蓉汁可以選擇,仲配餐湯、多士、薯菜、熱飲,非常抵! 三餐冰室 地址: 尖沙咀漆咸道南115號 (漆咸圍交界)電話: 2130 9302營業時間:11:30-22:30 文字來源:香港人遊香港 / 圖片來源:三餐冰室...
係半山區街邊嘅茶記,佢地提供露天座位,夏天黎會好辛苦,餐廳係家庭式經營,佢地小朋友放左學都會幫手,場面溫馨。佢地咖哩炒飯,炒飯乾身尤其出色!飯炒到粒粒分明,唔算油膩,好多人都專程為咖喱炒飯而去,小編提你記得加煎蛋先最好食呀! ▲咖喱炒飯($44)炒飯夠鑊氣! ▲記得加隻太陽蛋撈飯一流! ▲咖哩炒飯同印尼炒飯有異曲同工之妙,雞蛋、火腿同蝦仁、炒飯中味道發揮得宜。 ▲呢度係露天茶座,天氣熱d都頂唔順,不過都係好多街坊過黎食! 郁健快餐 營業時間:周一至周六 7:00-18:00(周日休息)️地址: 上環太平山街6號寶灣大廈地下A鋪 文字來源:香港人.遊香港/圖片來源:@ frankfung、@hkhipstercafe...
荃灣新村街擁有兩間荃灣最具名氣的茶餐廳,除左嘉樂冰廳,仲有呢間茶餐廳,好多人黎呢度都會叫常餐食,所配既火腿燴意粉或叉燒意粉,番茄汁甜酸度都剛好,汁唔算多勝在夠濃,燴既係粗意粉,同平時食有d唔同! ▲抵食午餐包括牛油多士、叉燒意粉同火腿煎蛋($35) ▲特餐($36)有牛油多士、餐肉通粉、火腿奄列,而餐肉通粉用上圓罐餐肉切上一整片。 ▲秘密食法仲有用常餐既半生熟荷包蛋拌入燴意粉,意粉除左掛上番茄汁外,仲有包上一層薄薄蛋漿! ▲鮮茄牛飯($45) 蘭香茶餐廳  地址 :荃灣新村街36號地下電話:24987509 文字來源:香港人.遊香港/圖片來源:@bbuunnnnyy、@gniyuis、、@wahdiu_lasing、@foodie_corgi...
赤柱有間茶檔已經開左好耐,十居其九都要對物西多士朝聖,講明唔需要加糖漿,原來係佢地夾左咖央餡料,唔會太甜。外面亦做到蛋香味香濃、麵包十分鬆軟,總之無過多複雜的食材,簡單先係美味。 ▲西多士預先切開了四份,上面牛油雖然邪惡但有畫龍點睛之效。 ▲西多士製作需時,加上茶檔唔係日日開,無冷氣供應底下,客如輪轉,唔少人就轉戰外賣,對住南中國海一片大海食呢個神級西多,有另一番寫意。 ▲咖央西多士($24)麵包超級鬆軟,麵包夾咖央及牛油,沾上滿滿蛋漿,炸成金黃色。 ▲泗益已有數十年歷史,大牌檔格局,位置隱蔽,但不少識食之人仍然慕西多士之名而來。 泗益  地址 :赤柱市場道2號電話:28130507逢星期二休息營業時間:06:00 – 14:00 文字來源:香港人.遊香港/圖片來源:@shannamok、@wongeatfood、@vinswan、@worldintummy...
呢間古色古香既茶餐廳,有上下兩層,平日係街坊買麵包蛋撻好地方,菠蘿包同蛋撻好食就不在話下,原來茶餐沙嗲牛麵都係首屈一指既!茶餐廳既沙爹牛肉以新鮮牛肉煮成,味道香濃,而且牛肉亦唔會醃得過火,食落都食到鮮甜牛肉味! ▲沙嗲牛肉麵($37) 用新鮮牛肉寧舍唔同既,肉全部厚切,以潮州沙嗲醬爆炒。牛肉沾上沙嗲醬,香濃微辣 ▲沙嗲牛肉麵($37)湯底唔會落好多味粉,味道完全來自沙嗲牛肉 ▲蛋撻($6)外酥內軟,內餡有半熟蛋的口感,吃完一個唔會覺得膩 ▲老店多年不倒原因係因為係自己舖,少左租金壓力,做落去成本就冇咁大 新華茶餐廳 地址: 長沙灣青山道334號營業時間: 06:00–22:30電話: 2387 3698 文字來源:香港人.遊香港/圖片來源:bbeennhk、waichakchong、allmytrivia、sylvia_jumpingfitness...
焗肉醬意粉就食得多,焗肉醬公仔麵你又食過未?呢間冰室一室懷舊,裝潢走舊冰室路線搭配懷舊地板, 形做一種舊香港風味,絕無花巧!焗肉醬公仔麵沿用焗意粉既做法,估唔到有另一番風味!叫得佢做變奏版澳牛,點少得炒滑蛋,呢度師傅功架十足,炒滑蛋唔會溝水溝牛奶,仲炒得又滑又厚!無論係芝士炒蛋,定係撈麵餐麵一樣咁受歡迎! ▲焗肉醬公仔麵同焗肉醬意粉做法如出一轍,面層肉醬有微燶,正好焗香公仔麵,肉醬咸香適中、味道唔錯,芝士軟綿濃香。 ▲叉燒番茄湯螺絲粉餐 ($39)番茄湯底系列亦係必食之選,原來呢度番茄湯底最少煲 4 個鐘,之後故意放過夜令番茄味道沉澱,茄味香濃。 ▲多士脆內軟,厚度啱啱好!配上既軟綿綿炒蛋又香滑又可口,無溝水或奶,爐火控制得宜,食落唔覺油膩! ▲瑞士汁撈得頂麵系列-豬扒撈丁、瑞士雞翼撈丁($41)嘅瑞士汁份量夠多,撈公仔麵一流,麵身夠淋而且夠入哂味! 牧牛冰室 地址:大角咀中匯街7號地下電話:27862666營業時間:07:00 – 18:00 文字:香港人.遊香港/圖片來源:@yumyum_foodie、@bluethy211、@sven___hkg 、@yencycheung...