天后清風街有間日式料理店,隱藏唔少美食。尤其係一口帆立貝,上台時發現帆立貝夾著海膽,即時變成心心眼!咬落豐富鮮美既帆立貝,連同濃郁海膽汁流出,鮮上加甜,真係冇改錯名,要一口食哂佢! ▲一口帆立貝-$58/2隻其實係帆立貝海膽三文治,外層微微灸燒,帆立貝鮮甜美味,中間海膽嫩滑且濃郁甘甜。 ▲紫菜包住食,可以食完脆口既紫菜同軟腍既帆立貝. ▲店家不斷研發新食材,好似呢個鵝肝漢堡月迷你飛驒牛漢堡🍔,前者配煎香鵝肝及巴馬火腿,鹹香非常;後者使用日本飛驒牛,牛肉味香濃無比。 ▲燒魂炸拼盤有香脆雞軟骨、蛋黃醬炸單骨雞中翼、口感特別炸鴨舌,樣樣都炸得非常香脆,食起來唔會好油膩。 海雲燒 地址:香港天后清風街 17號舖電話:2570 0018 文字來源:香港人.遊香港/圖片來源:cchakfungg、zia.njfoodieinhk、xothefoodie、higrillandbar...
位於尖沙咀嘅壽司名店見城之前係六月底結業,大家都紛紛覺得可惜,最近見城嘅一班高徒決定重組班底,繼承名師衣缽,喺原址重開壽司店,改名為「城八」,餐牌同價錢幾乎一樣,午餐時段嘅自選壽司依然保留了,必點嘅中拖羅同海膽水準依然屬於頂級,大家可以繼續幫襯啦! ▲餐牌同價錢都冇咩變到,水準依然屬於頂級。 ▲各位壽司迷可以繼續幫襯。 ▲見城嘅徒弟重組班底,於原址重開壽司店。 ▲今年六月底見城師父決定退休告老還鄉,引起訂位熱。 城八 地址﹕尖沙咀棉登徑30號地下 文字來源:香港人.遊香港/圖片來源:WinsonAu@FB、AngelLi@FB、KitChan@FB...
位於中環的日本菜餐廳推岀6道由廚師發辦嘅Omakase! 前菜已經滿有驚喜,芝麻豆腐配海膽和蝦,裡面仲有小編第一次食嘅蒪菜,食落爽口滑嫩,有豐富嘅膠質蛋白,算係貴價食材嚟㗎!而豆腐口感亦非常特別,有種寫𡁵蟹膏嘅感覺!後面仲有新鮮刺身、燒物、熱湯及甜品等!樣樣都有驚喜! ▲6 道菜($880),如果講究啲可以加$280,有埋sake pairing ▲先來一杯餐前酒,是有汽的那一種,比平日的Sake濁啲,但飲下去酸酸甜甜的,好開胃 ▲芝麻豆腐配海膽和蝦:內裡除了海膽和蝦外,豆腐口感亦非常特別,是厚實那種,食下去有種寫𡁵蟹膏嘅感覺 ▲蒪菜:食落爽口滑嫩,有豐富嘅膠質蛋白,算係貴價食材嚟㗎 ▲海鰻壽司 ▲刺身,分別有牛鰍、沙甸魚和拖羅。每款都好新鮮 ▲豬肩肉湯:湯頭好甜,而具豬肩肉好嫩 ▲燒魚:分魚頭和魚身,魚頭是炸的,炸到骨都可以食,而魚身是燒的,再配上甜甜的Sake,兩樣野好夾 ▲鯛魚茶漬飯:清清地可以解油膩,而味噌湯亦中和返魚嘅苦澀味 ▲綠茶蜜餞配綠茶雪糕:有紅豆容,小丸子、啫喱和香濃的綠茶雪糕 ▲最後有杯桃味嘅酒作結 FUMI 地址:中環德己立街30-32號加州大廈6樓電話:23283302 文字/圖片來源:香港人.遊香港...
韓食同日本野一次過滿足哂! 日本同韓國都係香港人去旅行熱點首選,兩者都有唔少美食,你話請唔到假去旅行,呢間酒店既自助餐幫到你!食自助餐點少得冰鎮海鮮,呢度既海鮮勁多選擇,美國波士頓龍蝦、加拿大雪花蟹腳、麵包蟹係必食item,生蠔控點可以錯過,呢度生蠔即叫即開,夠哂新鮮!除此之外,今次主題仲加入日式同韓式既經典美食,小編整理左呢個日韓自助餐攻略,跟住食唔會輸蝕! 自助餐攻略 1 -勁擦海鮮+生蠔! ▲美國波士頓龍蝦同加拿大雪花蟹腳都係勁受歡迎既海鮮,係buffet既台柱!前者肉質紮實口味甘甜蝦頭蝦膏滿滿,啖啖肉,而雪花蟹腳亦有濃味芳郁 ▲海鮮選擇多多,翡翠螺同藍青口都鮮味十足!海鮮愛好者一定非常滿足 ▲有d酒店buffet會限制每人份量,呢度就完全不設限,生蠔即叫即開,味道既鮮味又肥美,海水味濃,好有夏日海洋氣息 自助餐攻略 2 -星期五/六黎,海膽無限量供應! ▲除左三文魚、吞拿魚呢d大路選擇之外,仲有赤蝦、油甘魚、希靈魚、甜蝦、北寄貝,仲有小編極為欣賞又厚肥鮮甜帆立貝 ▲就到時間既,一定book星期五/六,因為呢2日海膽無限量供應!出面中等日本料理店都要over 200蚊,鐘意食海膽真係唔可以錯過!色澤橙黃既海膽真係人見人愛,入口猶如奶油滑不溜口 自助餐攻略 3 -必飲韓式燉湯! ▲講到養生既韓式燉湯,一定係人蔘雞湯無異!自助晚餐的每位饗客均可免費獲贈韓式人蔘雞湯乙客!紅棗、栗子蔘鬚、加上補身既老雞必定係養生人士最愛!而且呢度仿照足韓式傳統製法,會加埋糯米飯入去一齊煮,燉湯原盅燉製,飲落清香不膩口 自助餐攻略 4 -日韓熱葷! ▲韓式豬手同牛仔骨味道都非常入味,黎碗白飯就正 ▲雖然唔關日韓事,但聽人講佢地個星洲喇沙湯底粉麵都係一流 自助餐攻略 5 -必食Movenpiack雪糕! ▲12款口味Mövenpick雪糕 ▲甜品推介Pancake,要咩口味同配料,完全由你話事 自助餐攻略 6 -訂座攻略! 呢度訂最抵:https://bit.ly/2MhfBYO惠顧 1-6 位繳付全費之成人可享 7 折7 位或以上,優惠高達 65 折,於網上商店訂購更可獲最優惠價格保證 Harbour Grand Café 咖啡廳 訂座或查詢:2121 2689地址:港島海逸君綽酒店3樓 文字/圖片來源:香港人.遊香港...
呢度可以體驗到日本傳統立食文化,用料來自新鮮韓國馬糞膽,味道唔腥而清甜,一碗飯唔算好大碗,不過海膽比例都唔少,堆左個小山丘呀!呢度配既係赤醋壽司飯,食落酸酸地,真係特別令人開胃! ▲大滿足海膽特盛($98) 橙黃肥美韓國海膽,一片一片鋪滿飯面,賣相吸引,令人未食已經唾涎三呎! ▲除左海膽特盛之外,呢度都有其他款式壽司! ▲三文魚子壽司( $20) 三文魚子多到滿瀉,賣相亦晶瑩剔透、橙紅圓潤 ▲呢度係立食,翻台率都唔低,不過店主係擺設上都落足心機。 立鮨 地址:尖沙咀金馬倫道23D號地舖電話:2836 3830 文字來源:香港人.遊香港/圖片來源:lucytam, hcmemory0924, 90s_eatnplay, chong.ching.man...
海膽意粉! 平日要食工廈小店,好多人會立即聯想起觀塘、牛頭角等地,唔講未必會知黃竹坑一座工廠大廈都有間為食客每日製作出美味食物既小店。只見海膽意粉附上大大舊海膽,而每條意粉被醬汁包圍住,唔撈海膽食都好有蒜味,加埋海膽香另有風味! ▲加拿大海膽意大利麵($70),意粉先用蒜油炒香,超濃蒜蓉味!加上大大舊加拿大海膽,食落真係好滿足!而且海膽並冇搶去意粉味道,反而令其鮮甜度提高。 ▲All Day Breakfast($68)有滑蛋、雜菌、牛角包同黑醋沙律。 ▲野菌意大利飯:味道濃郁又creamy,雜菌香氣逼人,令人一口接一口地吃。 ▲簡單而沒有很誇張既裝修,反而令人更舒服。 糧心製作 地址:黃竹坑業勤街35號金來工業大廈第1座25樓N室電話:28896528 文字來源:香港人.遊香港/圖片來源:bbyuen888,im_miharu_angel,choiyanb...