食放題最忌就係趕頭趕命,呢間位於灣仔嘅半自助日式放題,晚市設4小時無限時任食,超過80款食物,好似厚切刺身、和牛串燒、海膽壽司、多款精美甜品等等,仲有吟釀清酒同日本梅酒任飲添,好吸引呀! ▲灣仔浪人日本料理每晚6:30pm至10:30pm無分時段、無限時任食,包括刺身、壽司、燒物、各式料理同多款甜品等等。 ▲刺身總共有七款,分別係甜蝦、北寄貝、希靈魚、帆立貝、劍魚腩、油甘魚同三文魚,件件都勁厚切。 ▲任食嘅海膽壽司一啲都唔孤寒,放得滿滿,味道亦夠鮮甜,另外仲有大大塊嘅燒鵝肝壽司添! ▲燒烤吧有即燒串燒,可以見到師傅密密燒無停手,款式有熊本和牛、福岡華味雞、羊架、海蝦、帆立貝同香草豬肉腸等等。 ▲吟釀清酒同日本梅酒任飲。 ▲另外仲有其他天婦羅、燒魚、燒物及日式料理等等。 ▲出面有自助區可以拎一啲沙律冷盤小食同埋湯。 ▲甜品吧有多款選擇,仲有即點即製嘅焦糖燉蛋同埋班㦸。 總括嚟講,呢度嘅食物款式真係幾多,而且有唔少都係出面少見!但最重要梗係無限時任食,不論你係大食積定係吹水怪都非常適合! 晚市半自助美食放題收費:– 星期日至四 $328 (小童及長者優惠價 $188)– 星期五、六、公眾假期及前夕 $348 (小童及長者優惠價 $208) 浪人日本料理電話: 6541 3666地址: 灣仔駱克道181號京城大廈商場2樓營業時間: 星期一至日 11:30am – 3pm;6:30pm – 10:30pm 文字/圖片來源:香港人.遊香港...
最近呢間中環高級扒房搞咗個新推廣,逢星期日至二嘅晚巿,都可以去到佢哋扒房任點任食5款牛扒,5款扒包括有牛大腿內側、牛胸腩、牛側腹扒、牛臀肉同埋黑安格斯西冷牛扒,菜單除咗任食牛扒牛肉,仲包括法式牛肉清湯、三選一嘅前菜同埋清新雪葩,埋單都係500幾蚊,平時人均消費都上千元,抵食呀! ▲星期日至星期二晚市時段推出「BEEF-IT-UP」任點任食優惠!呢個任食menu 包括牛大腿內側、牛胸腩、牛側腹扒製而成經典烤牛扒;以上乘牛臀肉。可以任食五款靚牛扒,600蚊有找,可謂性價比超高。 ▲來自意大利的Marango-牛肉擁有獨特的嫩滑肉質,今次亦係任食清單。 ▲今次大廚特別選取了5款特別部位,平日相對少吃得到,而所有扒類都係即叫即烤。 ▲一片又一片牛肉肉質鮮嫩,睇到都令人食指大動。 Porterhouse 地址:香港中環蘭桂坊德己立街30-36號加洲大廈7樓電話:2522 6366時間:12:00 – 15:00、17:30 – 23:00 文字來源:香港人.遊香港/圖片來源:Porterhouse...
今次加推晚上雞翼放題!雞翼呢樣野真係人見人愛,講到雞翼都出放題,小編直頭想雞翼當飯食!呢度cafe小店雞翼放題有4個口味-蒜香、香草、蜜糖、鹽香4隻味,全部雞翼即叫即炸,食足成個下午都係80蚊!雞翼控快d約埋一齊去! ▲有雞翼放題雞翼又好食真係好難得,真係要約埋雞翼控一齊食先得! ▲雞翼放題你估下你自己可以食到幾多隻? ▲係小編最愛既蜜糖雞翼,味道甜而不膩! ▲香草雞翼 ▲鹽香雞翼 ▲蒜香雞翼勁多炸蒜,又香口又惹味 龍華軒咖啡室 電話:6823 2525 / 2651 8033地址:九龍旺角登打士街36號恆威商業中心17樓*享用雞翼放題每日2pm-6pm、6pm-8pm、8pm-10pm供應,請預先訂位 文字來源:香港人.遊香港/圖片來源:@user369、@rossy_sees_the_world、@liquecheng...
呢間位於尖沙咀嘅中餐館主打精緻點心同埋巧手小菜,之前都推出過優惠下午茶放題,大受歡迎,今次再度回歸推出限定期間點心放題,有30多款精緻點心供應,今次仲會加碼送出燕窩蛋撻及三式小食拼盤,招牌嘅黑蟹子小籠包、鮮蝦燒賣、瑤柱鮮蝦白菜餃,全部都可以任點任食!快啲約埋朋友一齊去歎點心! ▲這麼多點心種類,如何選擇好?全部都要就可以啦! ▲瑤柱鮮蝦菜苗餃、胡椒蘿蔔爽肚、掛爐叉燒包。 ▲點一龍下午茶點心放題。 ▲黑蟹子小籠包。 點一龍 地址:尖沙咀海港城港威商場地下G103店電話︰2175 3100下午茶點心放題價錢︰成人每位$178、小童每位$158時間︰逢星期一至四下午2時30分至5時30分期間供應(公眾假期除外,限時2小時)日期︰即日起至10月31日 文字來源:香港人.遊香港/圖片來源:點一龍...
位於荃灣呢間Cafe小店,售賣既係日式梳乎厘甜品等,聽日開始就會推出一小時下午茶甜品放題,連皇牌梳乎厘pancake都有得任食,其他選擇包括班戟、心太軟、窩夫、燉蛋、火焰雪山、芭菲、梳乎里,飲品仲可以飲勁邪惡既奶蓋特飲! ▲楓糖吐司盒(士多啤梨配雜莓)。 ▲即叫即整雜果梳乎里Pancake-,軟綿綿既厚pancak加上花香味濃玫瑰花醬,很是特別。 ▲抹茶紅豆窩夫,抹茶唔算好甜有回甘之感,加上甘甜紅豆蓉。 ▲聽聞店主由18歲開始學整餅,曾經去酒店擔任餅師。此為朱古力香蕉窩夫。 Aroma Dessert Cafe 一小時下午茶甜品放題日期:9月19日 至 10月 (暫定)供應時間:星期二至五 15:00pm-18:30pm限時:60分鐘(每次一人只可以叫一款甜品/飲品)地址:荃灣鱟地坊38-46號祐強樓42號地舖營業時間:15:00pm-18:30pm,19:30pm-23:00pm (星期一休息) 文字來源:香港人.遊香港/圖片來源:@sam_lau、@willingaccessories、@happinessfromfood、@priscilla.travelandfood...
燒味呢d咁貼地既食物係香港人都食過,食到放題玩到咁大?深水埗一間燒味店大大隻寫住快靚正,最近仲出左$68下午茶放題,唔夠食仲可升級任食燒鵝、乳豬、西多士!真係好有gimmick,食到你唔食為止!不過燒味呢家野唔健康,都係少食為妙喇! ▲$68放題任食燒味包括燒肉、叉燒、油雞、切雞、燒鴨及燒排骨。 ▲14:30-18:30,一小時內可以任食各款燒味及白飯粉麵,附送一杯飲品。早放工既黎食個early dinner 都抵呀! ▲平時20幾蚊既飯都好大碟 ▲燒肉皮非常酥脆,肉質肥瘦平均! ▲加$20可升級任食燒鵝、乳豬、西多士及炒粉麵。 快靚正燒味粉麵茶餐廳 地址:九龍深水埗基隆街383-385號電話:2728 3009優惠期:至2018年10月09日一至五14:30-18:30,一小時內可以任食各款燒味及白飯粉麵,附送一杯飲品。條款及細則:* 優惠適用於星期一至五14:30-18:30(公眾假期/中秋節會暫停放題),最後下單時間為17:30* 優惠須受有關條款及細則約束* 詳情請與店舖職員查詢 文字來源:香港人.遊香港/圖片來源:@mjqueen7e、@supersupergirlhk、@moonmoonsin...
今次呢間日本過江龍一連11日,推出沾麵放題活動,點任何一款沾麵,都可以免費添加沾麵,無時間同次數限制。食到1300g或以上,仲可以參加8月「終極沾麵王大賽」,拉麵店招牌有三款沾湯,分別是豚骨魚介、咖喱豚骨魚介及辛辣豚骨魚介湯,而特製嘅麵條都好有彈性,今次放題啱哂大胃王啦! ▲免費添加沾麵,無時間同次數限制! ▲「風雲丸」係日本過江龍,主打即席磨魚介豬骨湯底。 ▲風雲丸將在七月底推出「沾麵放題」 ▲環境比大部分拉麵店寬敞! 風雲丸 放題優惠日期:7月21日至31日地址:灣仔軒尼詩道314-324號W Square地下B鋪電話︰3188 1472時間︰11:00 – 23:00 文字來源:香港人.遊香港/圖片來源:風雲丸...
呢間小店原本主打外賣三文魚刺身,最近就決定推出$88蚊90分鐘任食甜蝦刺身,甜蝦鮮甜爽口,好新鮮!加$30就可以升級放題,,任食赤蝦刺身,口感更加爽口,因為老闆曾經做過海鮮供應商,所以攞到又平又靚嘅貨源,$88任食90分鐘到底最高紀錄可以食到幾多隻呢? ▲$88可以任攞任食甜蝦刺身 ▲老闆曾經做過海鮮供應商,所以攞到又平又靚嘅貨源 ▲到底最高紀錄可以食到幾多隻? ▲甜蝦味道鮮甜,加$30就可以升級放題 御品·千之味 地址:深水埗荔枝角道390號C號地舖電話:37047177時間:12:00 – 23:00 文字來源:香港人.遊香港/圖片來源:御品·千之味...
一人一鍋日產黑毛和牛火鍋放題! 唔洗同人爭! 火鍋的主角一定係牛肉! 呢間火鍋放題就提供不同級數的牛肉選擇係90分鐘內任你食。最興奮係有日本產特選黑毛和牛,油花散佈均勻,色澤粉嫩,而且肉質柔嫩,只需輕涮三至五秒就食得,口感大滿足! 仲有五款不同湯底選擇,小編個人推介藥善麻辣,雖說辣味不大但有少少麻和帶麻辣香,越打越惹味! ▲日本產特選黑毛和牛,油花散佈均勻,有入口即化的極致口感,而且分量多。 ▲豚肉肉味不錯,脂肪不多不會過肥。 ▲藥膳麻辣鍋,先辣後麻,帶點藥材味。 ▲美肌湯,味道不太濃味,內有雞、薑、杞子。 ▲自助bar選擇都不少,有丸類、蔬菜、麵食、醬油、飲品、雪糕自由選擇一應俱全。仲有比較少見的羽衣甘藍,秋葵和蟲草花,火鍋都可以好健康! ▲另外,仲可以加$16飲Asahi ▲Haagen-Dazs雪糕有4款不同味道。 ▲放題價錢由$179 (嚴選牛肉)至$329 (日本產特選黑毛和牛),90分鐘任飲任食。 但馬屋 地址: 觀塘觀塘道418號創紀之城五期(apm)4樓22號舖電話: 27931232營業時間: 12:00-23:00 文字/圖片來源:香港人.遊香港...
一打蠔唔該! 灣仔嘅水產巿場最近推出咗個90分鐘嘅生蠔放題,每人惠顧滿$200或以上,就可以加$188升級「超蠔盛宴」,放題選用北海道岩蠔,每隻都接近手掌大小。主廚會加秘製酸汁、辣蘿蔔蓉、香蔥調味,岩蠔尺寸較真蠔大,肉厚肥美,在踏入炎熱夏天之際,岩蠔正值當造,全部岩蠔都係日本直送,大家可以盡情任食! ▲大大隻冰鎮岩蠔配上鮮味配料,絕對令人身心大滿足 ▲岩蠔尺寸較真蠔大,肉厚肥美。 ▲客人可以每人惠顧滿$200或以上,就可每位加$188享用90分鐘日本蠔放題 ▲嘆住刺身,品嚐大吟釀,望住維港無敵海景都幾chill 築地 • 山貴水產市場 日期︰即日至6月30日時間︰12:00 – 22:30地點︰灣仔渡輪碼頭2樓電話︰39745609 文字來源:香港人.遊香港/圖片來源:築地 • 山貴水產市場...