相信好多人對八天堂既認識可能只係佢地既忌廉包,未必好多人知道原來呢間日式Cafe有咁多款日式主菜+甜品可以食。餐廳提供既主菜有好多款,淨係睇餐牌諗食咩都要揀好耐!呢度唔係得忌廉包好食,覺得呢度既主菜仲出色過啲甜品,會為左啲咸點想再黎多次! ▲八天堂西多士($58): 西多士其實就係呢度既原味忌廉包,加上焦糖脆皮係面,而入面既吉士醬都好多,但唔會勁甜同流!另外仲有啲水果伴菜,有焦糖香蕉、草莓! ▲牛肉眼排配蘑菇多蜜醬汁($298): 牛肉眼排份量都大,一個人食完全會食唔晒!醬汁都好濃味,仲有好多蘑菇粒! ▲日式鍋燒烏冬($148): 呢個烏冬望落去一啲都唔吸引,食落去每條烏冬都勁入味,湯底係鰹魚汁,有天掃羅蝦、腐皮、溫泉蛋。 ▲明太子忌廉意粉($128): 呢個意粉好多汁,唔會好乾,明太子份量都多,因為加上有忌廉,食落唔會偏咸,意粉好有味好食! ▲吉列豬排蛋包飯($128): 呢款對比另外食果幾款相對上遜色左啲,不過咖哩汁係夠既,滑蛋都炒到好滑,如果個吉列整列鬆脆啲會更吸引! 八天堂...
尖沙咀K-11 Musea 呢個新商場開左好多新餐廳,好多都各有特色同裝修好靚,今次想介紹呢間充滿粉紅少女心既Cafe。餐廳係一間以山茶花做主題,有一個以9999朵山茶花砌成既粉紅花牆,岩晒一班閨密係店內打卡影相!餐廳無論野食定飲品都好夢幻好靚,飲品好多都係整到一杯杯夢幻色既飲料。餐廳亦會係每日3PM-5PM 提供「紅寶石朱古力下午茶」,而其他時間都有主食、小食、甜品提供。 ▲紅寶石朱古力下午茶套餐($398二人): 呢款下午餐套餐係限定既,一般都要先預訂,供應時段係每日下午三時至五時半。茶點放晒係一個高貴既首飾盒入面,入面有煙三文魚三文治、黑松露芝士魚籽Tart、迷你蝦脆卷,同埋六款甜點。個下午茶外形都絕對好吸引到一班閨密去食! ▲香烤比目魚($168): 用燒汁烤比目魚,魚好滑同無骨,皮又烤到好脆皮,平時怕食魚驚有骨呢個岩晒你食! ▲明太子素麵($148): 好香明太子味,配料有溫泉蛋、櫻花蝦、蟹肉薯餅。呢度既素麵係用日本小豆島素麵,食落去好彈牙,同埋唔會覺得好油。 ▲明太子釀雞翼($98): 份量有4隻,呢款雞翼都係會起晒骨,然後釀明太子加肉入去,個皮用燒汁黎焗,食落去雞皮甜甜地同好脆,好惹味!...
今次想介紹既Cafe係有成4間分店,而每間分店食既野都唔太一樣,但都係專飲咖啡既。呢間分店食物都好出名嫁,有好多招牌菜,而唔少食物均加入左一啲咖啡元素係入面,例如醬汁。呢度既裝修係開放式設計,主題偏向工業風格,擺放左一大部咖啡機同有兩大個木桶作裝飾。最值得一提既係呢間店主係擁有專業咖啡認可資格,將唔同產地同品種嘅咖啡豆進行評級,所以呢度既咖啡豆都係佢揀選最好既豆同埋自己炒製嫁,身為咖啡迷既你絕對值得一試! ▲雞柳漢堡配自家製咖啡燒烤醬($108):呢款漢堡係加入左咖啡元素,燒烤醬係加入左咖啡粉黎煮,醬汁濃得黎又有啲咖啡香味。雞排份量都好多,仲有大量薯角伴菜。 ▲蟹肉味噌扁麵($123):呢個意粉係由忌廉加上芝士整成,食落去口感會覺得好creamy,有好多碎蟹肉,食落去好香蟹味。 ▲All Day Breakfast($128): 全日早餐配料好豐富,分別有炒蛋、焗薯仔、煙三文魚、腸仔、牛角包、咖啡白朱古力西多士、仲有牛油果醬。如果想試下咖啡白朱古力西多士可以考慮叫呢個! ▲咖啡白朱古力西多士($58):入面夾住既朱古力份量岩岩好,唔會太流,配合埋咖啡味食落仲唔會咁甜添,而碟旁邊都有果醬伴碟,可點果醬來吃。 ▲冷泡咖啡($):用個冰樽裝住咖啡,而放係杯入面粒冰係球體,呢度既咖啡飲落去唔係好苦,畢竟呢度係一間咖啡店。 Espresso Alchemy 地址: 尖沙咀彌敦道132號美麗華商場B1層B116號舖 營業時間: 10:30 – 21:30 電話: 26741838 文字來源:香港人.遊香港/圖片來源:@foodlifewithks、@my.cloudyblue、@misskatrinaky...
呢間冰室完美示範左咩係「錯就要認」,早前有網友話佢地播tvb扮黃,好快老闆都出黎認錯播返Viu TV,此舉被網民不斷「懲罰」!雖然佢係近年先開,不過裝修就重現當年懷舊風格,而食物佢地就一直佢地係以大大份既食物做主打,打工仔都超鐘意!其中既三眼太陽蛋豬扒飯,就最飽肚最受歡迎, 嫩香既豬扒加上三隻水汪汪既太陽蛋黃汁,確係送飯一流既!除左碟頭飯之外,呢度一年四季都有得食煲仔飯,大家未入冬都食到,最近店主仲逆市係荃灣同深井開鋪,等多d唔同區既網民可以懲罰佢地。 ▲三眼太陽蛋豬扒飯($52),三隻靚靚煎蛋加上煎得香嫩既豬扒,再淋上甜醬油,係午飯補充元氣既好選擇! ▲三眼太陽蛋豬扒飯($52),雞蛋上面淋上甜豉油,當蛋黃汁液、甜豉油、豬扒3樣邪惡之最撈埋一齊,食落真係會令人好滿足! ▲蔥油雞扒飯($45)雞扒係用油炸,外皮脆而內肉嫩滑,蔥油將炸雞扒時逼出黎既油溶為一體。 ▲滑蛋叉燒飯($45)採用蛋味濃既湖北雞蛋,半熟蛋炒得好滑溜。 ▲窩蛋牛肉煲仔飯($72)呢度其中一大特色係一年4季都有得食煲仔飯,而且仲有好多款! 光榮冰室(尖沙咀) 地址:尖沙咀厚福街5-6號地下6號鋪 電話:24226555 光榮冰室(深井)...
呢間主題點心店不嬲都搞作多多,自上次小新主題大受歡迎之後,今次又引入得意又搞笑既熊本熊主題!配合熊本縣比人天然資既印象,今次取材既點心都主打天然健康,部份更以日本進口的蔬菜、水果、五穀雜糧為食材,小編至like cute 到爆既熊本熊灌湯餃,餡料又多又豐富,而且湯底係加入原粒瑤柱既高湯,真心正!一黎到餐廳門口,各位就忍唔住同佢既裝修陳設打卡,連餐具印上熊本熊圖案,真係好想帶埋佢地返屋企呀! ▲一黎到店鋪門口,就比佢地以紅黑分明既圖案裝飾吸引!每張台都配備打卡專用既紙牌! ▲出面既卡位位置就更醒神,大大隻既熊本熊同你一齊食點心! ▲今次既餐具都加入今次主題元素,真係好cute呀! ▲熊本熊奶皇流沙包 ($39)烘培後咸蛋黃加入好立克粉、煉奶同植物牛油,一咬開肯定流心十足! ▲微笑紫芋流沙包 ($49/2個) 由紫芋混合好立克粉、煉奶、植物牛油做成﹐迷幻紫色既威力,肯定吸引唔少香芋控! ▲黑松露潮州粉果 ($49/3隻) 透薄水晶外皮包裹著豬肉碎、蝦米、花生、法國黑松露等餡料。 ▲日本原隻鮑魚燒賣 ($79/2隻) 使用日本原隻鮑魚、本地鮮豬肉及越南大蝦,上面仲有形象可愛既熊本熊! ▲黑金流沙包 ($49/3個) 黑芝麻混合花生醬做出流沙效果,竹炭麵包有金色,貴氣十足! ▲熊本蜂蜜流心西多士 ($69)外層麵包炸至金黃鬆脆,使用中式奶黃流沙餡,手工糖霜餅乾超可愛!仲有不得不提加上既熊本縣進口香甜蜂蜜。 ▲咸牛肉芝士西多士 ($69)餡料用上咸牛肉、芝士同鮮嫩多汁澳洲安格斯牛肉 ▲金箔墨汁蝦餃 ($59/3隻) 以越南原隻大蝦、手切本地鮮豬肉混入秘製豬油渣製成,而黑色既外皮就係墨魚汁整成,同熊本熊相映成趣。 ▲日本原粒瑤柱灌湯餃($69)餃子皮裹著鮮豬肉、蝦肉等餡料。 ▲香煎熊本芋絲餅 ($49/3件) 用上日本芋頭,加入蝦米、臘腸等煎至金黃,有豐富膳食纖維。切到成個政府總部咁! ▲黑松露鮮雜菌燴飯...
有時一大班人諗唔到食咩,可以考慮下食私房菜,今次介紹呢間私房菜位於尖沙咀,位置絕對有利。呢間私房菜係一棟大廈入面,在客廳放左三張大圓檯,而另外有兩間獨立房間,呢度既座位同菜式都需要預先預訂同埋落$500訂金。呢間一共有五個套餐提供,得套餐A係無海鮮,另外四個套餐都係有海鮮。今次小編食既係套餐C,六位客人份量。 ▲冬菇鵝掌花膠燴鮑魚:份量好多,鮑魚同花膠煮到好林身,而冬菇係勁入味! ▲當紅炸子雞:雞炸到個皮好脆,但肉質都幾滑! ▲花雕蛋白蒸蟹:呢個小編認為最好食,蟹肉多同好鮮甜,而蛋白蒸到好滑! ▲黃金大蝦: 每隻蝦都好大隻,蝦殻好濃咸蛋黃味,好惹味! ▲金銀蒜粉絲蒸元貝: 粉絲勁入味,好多蒜,每粒帶子都好大粒! ▲瑤柱西蘭花球: 去到尾聲先有呢個菜式,醬汁好多瑤柱絲,食落去有啲流。 ▲餐廳得呢5款套餐,有啲套餐要4位或6位起,套餐價錢是實價,不用再額外加一和茶錢。 薈萃軒...
呢間英國倫敦SuperFood人氣餐廳,過江龍嚟咗香港開店,主打牛油果創新菜式,有牛油果醬配多士,牛油果特色漢堡,將半隻牛油果取代傳統麵包,餡料用龍蝦鉗肉和其他蔬菜配合。另外係香港店限定嘅香煎鱈魚蘑菇意大利飯私心推介,加入咗黑松露和白蘑菇令粒粒飯好香濃,件件鱈魚經過香煎,魚肉鮮味提升。 ▲牛油果蕃薯撻,用黃心蕃薯做餅底,配自家特製嘅牛油果醬,加咗小小辣椒,食到甜嘅蕃薯後帶出微微辣味 ▲招牌Avo  Toast,醬料非常豐富,有牛油果青檸醬、牛油果醬、牛油果片,小編大讚最好食係牛油果青檸醬 ▲香煎鱈魚蘑菇意大利飯 ▲加入黑松露和白蘑菇,啖啖鱈魚經過微微香煎過,食落肉質好滑,飯粒更creamy ▲牛油果特色漢堡,餡料係炸紅扁豆蕃薯餅,配埋蕃茄和紅菜頭 ▲牛油果龍蝦特色漢堡,用原隻牛油果取代傳統麵包,夾住龍蝦肉,仲有其他配菜夾埋一齊食好清新,唔會有罪惡感 ▲呢款菜式一早放咗芝士汁一齊上檯,唔夠味道可以加 ▲抹茶班戟,表面放咗原條焦糖香蕉,班戟口感好軟棉棉,散出陣陣抹茶香氣 Avobar 地址:尖沙咀梳士巴利道18號K11...
呢間尖東性價比高嘅Cafe除咗多咖啡種類,食物菜式多選擇,價錢都合理。除咗眾所週知嘅All Day Full Breakfast之外,有香港少有嘅貝果和手沖Dirty Milk。貝果嘅配料搭配多,有牛油果、啡菇、芝士、煙肉、蔬菜、三文魚、煎烚蛋選擇,份量十足,可以做早午茶或下午茶都正。有多款美食飲品,店外更有文青打卡位 ▲想食得大滿足有All Day Full Breakfast ▲貝果配煙肉芝士火腿太陽蛋田園蔬菜($63),貝果口感超煙韌,一份足夠E飽肚 ▲牛油果水波蛋($83),最頂嘅水煮蛋煮到恰處,蛋汁向下層流,成個餅充斥蛋香味,Juicy感十足 ▲店內拉花咖啡選擇都多,其中有抹茶拿鐵、玫瑰拿鐵和黑咖啡等等 ▲香港Cafe少有嘅Dirty ($38),呢杯牛奶唔駛用冰都飲到Cool,咖啡做底,飲到微微堅果味 ▲店外有霓虹燈英文語錄,意思指只要你有勇氣追求,夢想可以成真 ▲係反送中運動期間,呢間小店樂意請有需要嘅手足食飯,響應罷工休市 Courage Eighteen 地址:尖沙咀麼地道63號好時中心地下55號舖 電話:2682 0665 營業時間:7:30 – 19:30 (星期一至五);9:00-19:00 (星期六日及公眾假期) 文字來源:香港人.遊香港/圖片來源:@breadaholicx_x、sweetjessc、bhzsny、nataliehon114、jacquelinewong97、summermok、courageeighteen...
尖沙咀酒店推出西班牙風味菜式,款款菜式經複雜考功力嘅烹調而成,有主打菜式之稱嘅西班牙海鮮飯,選用經蒜蓉牛油烤香嘅美國龍蝦尾、西班牙青口、蜆、炸魷魚圈及西班牙香腸粒。香煎松露雞肝釀雞卷更係表現出廚師功力,廚師先將大烤菇、雞肝及洋蔥切碎,用白蘭地酒炒熟,將打成蓉嘅黑松露醬釀入雞柳中製成雞卷,再攝氏67度慢煮45分鐘,最後煎香而成,雞肉同黑松露味道融合,帶出啖啖雞肉鮮味。 ▲烤龍蝦尾配西班牙海鮮飯,選用美國龍蝦尾,用蒜蓉牛油烤香,另外有西班牙青口、蜆、炸魷魚圈及西班牙香腸粒的番紅花海鮮飯 ▲西班牙焗龍脷柳配蒜片蝦,龍脷柳表面舖滿芝士、番茄醬及黑橄欖後焗8分鐘,令魚肉夾雜醬汁,鮮味十足 ▲西班牙炸油條配黑朱古力醬及黑朱古力雪糕 ▲鮮莓窩夫配雜莓乳酪雪糕 ▲烤伊比利亞豬架,選用黑毛豬架,用58度慢煮2小時再烤香,肉質鮮嫩又多汁 ▲加利西亞雜菜湯,廚師用咗西班牙香腸、馬鈴薯、白豆、白蘿蔔及椰菜等材料連同豬骨熬,味道清爽不油膩,味道清甜 ▲烤肉眼扒配帕德龍椒,選用厚切美國肉眼扒,客人可以選烤扒的生熟程度,醬汁特別用西班牙里奥哈區紅酒及香茅煮成 ▲水果紅酒特飲及水果白酒特飲 ▲香煎蟹餅配熱情果蛋黃醬,用上新鮮蟹肉,混入雞蛋、芥末、麵包糠及紅椒粒製成蟹餅再煎香,淋上熱情果蓉及橙汁製成嘅醬汁,微酸的味道令人胃口大開 ▲香煎松露雞肝釀雞卷,烹調步驟繁複,將大烤菇、雞肝及洋蔥切碎,用白蘭地酒炒熟,加入黑松露醬打成蓉再釀入雞柳中製成雞卷。雞卷以慢煮45分鐘,上碟前再煎香,令肉質鮮美 Uptop...
尖沙咀有好多日本餐廳,有時想同朋友生日想同佢食番餐高質日本菜,都唔知揀邊間好,今次小編介紹呢間性價比高既居酒屋。呢間裝修好日式,掛住唔少日式燈籠,仲有榻榻米房間比客人體驗下日式風味。呢間居酒屋菜式好多,除左有日式串燒、炸物、刺身、壽局等日式食物之外,仲會有唔少自家創新諗既特色菜式添!呢間餐廳每晚都係FULL BOOKING,有興趣去試記得早啲去扲位或者訂位啦! ▲煙肉芝士奶油意大利面($128):入面有煙肉、蟹柳、蝦好多配料,仲會用原個芝士係上面整撈意粉。 ▲蟹肉蟹膏甲羅燒($78): 店員會係旁邊開火整,加啲酒落去調味,燒4-5分鐘之後就可以再撈埋鵪鶉蛋、蟹肉加蟹膏黎食。 ▲明太子牛油燒烏賊($62):魷魚鬚用牛油加埋明太子黎炒,炒到好香口唔乾身。 ▲明太子雞蛋卷($78): 雞蛋卷食落去好滑,有好多明太子,多到有啲偏鹹。 ▲稻草烤醬油三文魚刺身($98): 呢個係招牌菜之一,有唔少客人特登為左呢個菜式去幫襯,但成日都會好早賣晒。 ▲香酥雞軟骨($52): 份量好多,炸到好脆口岩晒黎送酒食!...