屯門景峰有間日式屋台特色和風小店,店鋪細細,掛滿日本動漫人物畫,彷如置身東京街小店。呢間小店主打玉子燒同其它日式料理好似咖喱蛋包飯、滑蛋吉列飯呢d學生恩物,全部都即叫即整。必食當然有流心拉絲芝士玉子燒,加入芝士烹煮既玉子燒,層層煎香,口感拉絲而且富淡淡芝士香,仲有爆漿芝士蝦波相當邪惡非常吸引,都係必encore既小食黎!小店星期六日都會開到12點,係出面行完街返黎食宵夜都冇問題! ▲拉絲芝士玉子燒($24)拉絲可以拉到勁長,視覺效果好邪惡! ▲爆漿芝士蝦波($20/5粒)一定要趁熱食,一咬開啲芝士汁好似熔岩流出黎! ▲滑蛋吉列豬柳飯+可樂($46)半生熟蛋炒至嫩滑,吉列豬柳已經預先切好一件件,方便食用。 ▲咖哩蛋包飯($45)滑蛋加入洋蔥比平時既更香。日式咖哩口味微辣中帶甘甜,加入牛肉、蘿蔔、薯仔。 ▲咖哩豬柳飯($45)咖哩汁濃稠香滑,份量都好多,撈飯食係一流! ▲小店採用和風設計 黑山食堂 地址:屯門青翠徑7號金邦大廈地下高層7號舖 電話:60720900 營業時間:星期一至五 12:00 – 14:00/18:00 – 00:00 星期六至日18:00 – 00:00 文字來源:香港人.遊香港/圖片來源:@kuroyama_shokudo、@smalldoraemon...