Home
壽司
Latest

壽司

新界沙田區

【傳統九州の味！九州直送海鮮】

最近沙田開咗間以九州市場為主題嘅壽司店，店內設計以九州魚市場為設計靈感，大部分魚鮮刺身從九州直送，除咗有精選壽司、浜燒、海鮮丼、九州料理，仲有出面少有嘅蟹湯拉麵，配上新鮮蟹膏所製成嘅蟹膏醬有淡淡蟹香，極盡鮮味！價錢亦走親民路綫，18件壽司盛合只不過$298，用日本傳統木盒盛載，真係好似去咗日本咁！ ▲18件壽司盛合只不過HK$298，用日本傳統木盒盛載。 ▲蟹湯拉麵，配上新鮮蟹膏所製成嘅蟹膏醬。 ▲大部分魚鮮刺身從九州直送。 ▲店面以九州魚市場為設計靈感。 寿司九州市場 地址：沙田新城市廣場3期2樓A236號舖電話：27917100時間：12:00 – 22:30 文字來源：香港人.遊香港／圖片來源：寿司九州市場...
中西區香港

【北海道大廚主理！低調食Omakase】

高級壽司店開完一間又一間，而呢間壽司店由札幌頂尖壽司店嘅前大廚佐瀨聰主理，最近就低調搬咗去另一個位置，裝修仍然以木做設計，簡單樸素，大廳由日籍及本地師傅負責，壽司店沿用江戶前做法，用料嚴謹。魚鮮多來自北海道的野生或手釣貨色，質素絕佳，Omakase由前菜到刺身壽司，再到甜品，食咩一切都會由廚師發辦。師傅手握功夫爐火純青，呈扇形，不鬆不緊，醋味溫度適中。想食正宗日本壽司，一流推介。 ▲壽司店沿用江戶前做法，用料嚴謹。 ▲魚鮮多來自北海道的野生或手釣貨色，質素絕佳。 ▲師父手握功夫爐火純青，呈扇形，不鬆不緊。 ▲壽司店由札幌頂尖壽司店壽司善前大廚佐瀨聰主理。 鮨佐瀨 地址：中環雪廠街22號樂成行地下G2鋪電話：2815 0455時間：12:00 – 15:00，18:00 – 23:00 文字來源：香港人.遊香港／圖片來源：鮨佐瀨...
旺角油尖旺區

【#全港首間！精米壽司食堂】

旺角呢間壽司食堂開業以嚟，都有唔少朋友推介，佢哋喺香港首間以「當店精米」為主打嘅餐廳，門口特意設置兩部精米機，為咗客人提供最新鮮嘅白米。精米入口更有米香，粒粒分明！而佢哋嘅米飯漢堡非常受歡迎、兩邊米都煎到香脆，食落帶少少辣味，餡料由松葉蟹肉、三文魚、牛油果、生菜、芝士等組成，入口層次分明！另外手握壽司亦有好高水準！ ▲丸十壽司喺香港第一間「當店精米」餐廳，為客人提供最新鮮的白米 ▲海鮮配上當店精米，一試愛上！ ▲配埋新鮮嘅材料，整出嚟嘅丼飯非常讚。 ▲壽司師傅發辦為你整時令美味嘅海鮮壽司 丸十寿司 日本食堂 地址︰旺角亞皆老街8號朗豪坊12樓13號舖時間︰12:00-23:00電話︰31880978 文字來源：香港人.遊香港／圖片來源：丸十壽司日本食堂...
油尖旺區

【老牌壽司店見城重開】

位於尖沙咀嘅壽司名店見城之前係六月底結業，大家都紛紛覺得可惜，最近見城嘅一班高徒決定重組班底，繼承名師衣缽，喺原址重開壽司店，改名為「城八」，餐牌同價錢幾乎一樣，午餐時段嘅自選壽司依然保留了，必點嘅中拖羅同海膽水準依然屬於頂級，大家可以繼續幫襯啦！ ▲餐牌同價錢都冇咩變到，水準依然屬於頂級。 ▲各位壽司迷可以繼續幫襯。 ▲見城嘅徒弟重組班底，於原址重開壽司店。 ▲今年六月底見城師父決定退休告老還鄉，引起訂位熱。 城八 地址﹕尖沙咀棉登徑30號地下 文字來源：香港人.遊香港／圖片來源：WinsonAu@FB、AngelLi@FB、KitChan@FB...
元朗區新界

【元朗壽司店歎銀座式Omakase】

😍$300起12件手握壽司 元朗呢間日式料理店，主打銀座式Omakase，去得品嘗Omakase，當然師傅手勢同環境服務都係重點啦，呢道嘅師傅大部份都有超過10年經驗，手藝正宗！師傅會以獨特的刀工切法，令刺身口感更豐富，個個食過都讚正！食物方面都好有質素，海鮮全部都由日本每日直送到港，拍得住高級壽司店，佢哋亦有午餐供應，大約$300起就食到12件手握壽司，性價比超高！ ▲位於元朗這間食Omakase的店舖，海鮮全部都由日本每日直送到港 ▲天然野生既呑拿魚腩，油份重，魚味濃郁，相信係每一個食客既最愛。 ▲師傅平均擁有超過十八年或以上的日式料理店經驗。 ▲關鯖魚壽司油份比起普通鯖魚高，初秋更是關鯖魚特別肥美的時候。 壽司源 地址：元朗青山公路1號珍珠樓地下10號舖時間：12:00 – 15:00，18:30 – 22:30電話：2886 0811 文字來源：香港人.遊香港／圖片來源：壽司源...
觀塘區

【#鮪壽司盛！坑口新店】

入口溶化😍最近呢間日式壽司店新開張，主打築地新鮮直送壽司，入面嘅壽司全部即叫即握，每日新鮮製造，而必食一定係拖羅！大拖羅入口即溶，充滿油香。中拖羅嘅筋同脂肪比例啱啱好，好鮮味！想抵食嘅可以揀特選本鮪壽司盛，一份有四件拖羅壽司，筋同脂肪比例啱啱好，好鮮味！ ▲厚切拖羅鮮甜，入口亦溶化! ▲壽司全部即叫即握，每日新鮮製造! ▲特選本鮪壽司盛(HKD108) ▲一份有四件包括中拖羅、大拖羅等嘅壽司! 鮪世市場 地址：將軍澳TKO Gateway東翼地下EF09號舖電話：23273368時間：12:00 – 22:00 文字來源：香港人.遊香港／圖片來源：互聯網...
旺角油尖旺區

【#美登利香港店 地址確認！#唔駛飛日本！】

🔥涉谷人氣壽司店！ 去日本食壽司，不少人第一時間都會想到美登利，官方最近公佈將於今年第四季，在香港開設首間海外分店，選址旺角雅蘭中心。香港店係全球首間海外分店！美登利壽司店主打經濟實惠而且高質素嘅魚生，，材料大部分都由築地直送，又選用山形縣飯粒及瀨戶內紫菜，平時係日本一般一要至少排半小時！唔知道到時香港舖頭嘅定價，又會唔會好似日本分店一樣呢？ ▲首間香港分店預計在2018年第4季開業，壽司迷可以期待一下！ ▲香港店會源用日本美登利総本店的營運方式，以套餐或單點壽司為主。 ▲師傅會在壽司吧即整壽司，每日到築地市場挑選食材，保證新鮮。 ▲雅蘭中心日前就發佈，美登利香港店的開幕預告。 梅丘壽司の美登利 地址：旺角雅蘭中心預計開幕日期：2018年11月 文字來源：香港人.遊香港／圖片來源：美登利...
尖沙咀油尖旺區

【米芝蓮壽司名店Sushiyoshi！香港開業】

好想快啲試吓！大阪嘅米芝蓮星級壽司名店Sushiyoshi，將會喺香港設首間海外分店，店鋪將會提供17至21道Omakase菜單，將日本料理同法國食材混為一體，名店由Hiroki嘅唯一入室弟子Sugawara師傅主理，風格夠哂大膽創新，消費就唔算低，不過好多日本朋友試過都話係值！ ▲大阪壽司名店Sushiyosh首間海外分店將會設喺香港。 ▲店鋪以法國食材融入日本料理。 ▲Sushiyoshi由Chef Hiroki唯一入室弟子Sugawara師傅主理。 ▲消費唔算低，但日本朋友都話能夠值回票價。 Sushiyoshi寿し芳 地址：尖沙咀金馬倫道8號The Otto酒店1樓時間：12:00 – 15:00，18:00 – 22:30電話：26570280 文字來源：香港人.遊香港／圖片來源：Sushiyoshi寿し芳...
壽司壽司店日本美登利

【涉谷人氣壽司店！#美登利総本店 香港開店！】

#唔駛飛日本！好多朋友每次去日本都要食嘅梅丘寿司の美登利総本店，最近宣佈咗暫定於今年第四季於香港開業，香港店係全球首間海外分店！美登利壽司店主打經濟實惠而且高質素嘅魚生，平時係日本一般一要至少排半小時！繼「Gram」班戟、「名代宇奈」饅魚飯後，又有日本過江龍在2018年到香港開分店！好興奮呀！ ▲香港店會源用日本美登利総本店的營運方式，以套餐或單點壽司為主。 ▲首間香港分店預計在2018年第4季開業，壽司迷可以期待一下！ ▲師傅會在壽司吧即整壽司，每日到築地市場挑選食材，保證新鮮。 ▲梅丘寿司の美登利総本店銀座店。 美登利総本店 – 香港店 日期：2018年第四季地點：待定 文字來源：香港人.遊香港／圖片來源：美登利...