食埋先減!唔係咩老字號,不過門面同裝修都係走懷舊風,醒目既彩藍色為主調。食物就以成吋厚西多士最為吸睛!將兩塊厚切麵包,沾蛋漿再落油鑊炸,上台中間呈黃金色,當然仲有最邪惡花生醬做餡,小編都係食埋今餐先減! ▲Show me your love,粟米肉粒飯($48)係經典茶仔碟頭飯,勝在穩陣! ▲常餐($48)炒蛋非常嫩滑,蒜蓉多士夠蒜香! ▲以彩藍色為主調既冰室係蘇杭街上好sharp醒,附近返工既朋友都會過黎食! 蘇杭冰室 地址:上環蘇杭街3號地舖電話:23527778/28697228營業時間:07:00 – 18:00 文字來源:香港人.遊香港/圖片來源:@cc1212chan、@purplekui、@pudding_icecream、@hongkongunchiku...
唔通依家介紹一間配鎖店嗎? 🔒🔑晚上上環這條古董街經過,絕對以為是一家已經打烊配鎖店! 想入去睇下佢真面目?你在店前來回走幾百次門也不會開!然而在咁多鎖內,有一個神秘開關,按下去門就隨之打開! ▲浪漫愛情故事就係沿自50年代-Mrs.-Pound-為愛放棄舞蹈遠渡重洋隻身前來香港,丈夫-Mr.-Ming-超感動將印鑑店送給了她,也希望藉由印章店讓-Mrs.-Pound-可以在上環安心生活。 ▲門面櫥窗滿滿傳統印鑑圖章同配鎖既「磅太太」,外觀猶如上環那些真正專賣圖章或現匙小店一樣,入左去就知道別有洞天。 ▲食客最愛呢度Avocado-fries,將牛油果切條,上面放蜜糖、芝麻、麵包糠及椰糖一齊炸。 ▲餐廳一邊粉色,掛滿了粉餅盒、花花筷子,還有梳妝台,代表Mrs.Pound。餐廳另一邊綠色調,用運動(紅皮帶和圓形燈是不是很像體操吊環呢?)代表男性粗獷的一面,是Mr.Ming。 磅太太 Mrs. Pound 地址︰上環磅巷 6 號地舖電話︰3426 3949營業時間︰星期日至四 12nn-11pm﹔星期五及六 12nn-12mn 文字來源:香港人.遊香港/圖片來源:xiaohongshu...
呢間位於上環多國料理西餐廳除咗以中西菜式為主打外,仲有泰式和日式加入Menu當中,菜式種類選擇多,啱曬選擇困難症的朋友。老闆對餐廳的食物質素非常重視,堅持和大廚親自到市場選購各種原料,保持菜餚以新鮮食材亮相,貫徹充滿內涵與心思呢個飲食原則。 ▲ 頭盤菜式 : 白酒煮藍青口配法式蒜香麵包 ($68) ▲ 配合白酒煮法,味道香濃,令青口嘅惹味有提升。想食嘅朋友,建議配一杯酸味飲品。 ▲黑松露帶子意大利飯 ($118),味道香濃,黑松露和淡忌廉煮成的茨汁味道干衡,黑松露唔會搶味。 ▲秘製五花肉叉燒飯 ($78),叉燒香味豐富又不會太肥,口感嫩口。 ▲叉燒飯的醬汁係自家秘製,製叉燒的豬肉堅持使用本地五花腩。負責人每日到市場親自取貨,回到店面再進行烤製,每日只限售20多份。 ▲ 麻辣蒜片雞粒炒意粉 ($80),用了四川香料再加上小量辣椒去炒,即叫即炒,鑊氣十足。 ▲ 辣度剛剛好,唔太食辣嘅朋友可以試下。 ▲ 白汁鮮蝦燴意粉 ($108),採用自家改良的煮法。用蝦與奶煮成白汁,最後再煮意粉,一入口淡出香濃出的白汁和鮮味。 ▲ 餐廳還提供各式台式飲品,其中特飲推薦西柚乳酸椰果綠茶(左: $25)和蜂蜜蘆薈綠茶(右:$22冷/熱) 老爹 Daddy’s Kitchen 地址: 上環皇后大道西2-12號聯發商業中心1樓A區電話: 3102 3269營業時間: 11:30-22:00 文字來源:香港人.遊香港/圖片來源:老爹 Daddy’s Kitchen...
呢度既米線湯底係用真.魚肉熬出來的!每日使用超過 60 斤唔同種類魚熬製4小時,完全冇加味精,飲哂都唔會覺得口渴,其湯底鮮味十足!順德魚腐魚湯米線同鮮鯪魚滑米線都好受食客歡迎,黎個雙併就perfect 喇! ▲嫌乳白色魚湯太寡,可以加埋蕃茄,令湯式更鮮美。 ▲腩肉泡飯,腩肉香口,肥瘦恰到好處! ▲雙併魚湯米線($47) 順德魚腐魚同鮮鯪魚滑配合個乳白色魚湯,好多骨膠原呀!鮮鯪魚滑打到起晒膠,一點都唔腥! ▲位於上環生記系列既麵家、粥店其實屬於同一個老闆! 生記鮮魚湯米線 地址:上環禧利街10號地下電話:25415099營業時間:11:00 – 20:00 文字來源:香港人.遊香港/圖片來源:互聯網...
發現週末好去處! 位於上環永樂街嘅貘記,隱身唐樓中,有時會邀請小店一起舉辦市集擺檔,呢度放滿店主搜集返黎古董器物、杯盤碗碟,仲有特色雜貨小物。不時仲飲到咖啡,同店主朋友烘焙既蛋糕,似乎店主不定時會係ig發放「店長請客清單」,有咩食全睇店主心情。 ▲貘記並非食店,所有食物不作發售。假如喜歡這空間,店主鼓勵客人以捐助方式支持繼續營運,店主樂意請你吃甜喝咖啡,作為答謝 ▲海鹽焦糖朱古力撻: Dark Chocolate嘅濃郁加海鹽嘅咸,配合得好好,入口前帶有一陣玫瑰花嘅清香,而且又滑又香。 ▲呢度除咗可以食手作蛋糕之外,都有好多小物件買,常見嘅有杯、碟、手帕等,設計文青復古,每樣貨量都售完即止,鍾意尋寶嘅朋友仔快啲去買啦。 ▲浮花: 呢個係60年代法國茶色玻璃碟,造型有深度,質料纖薄堅硬,而雕飾由底部凸現。 ▲來自芬蘭嘅茶色玻璃雪糕杯,杯顏色跟形態都很好看,比平常雪糕杯大一啲,自家製整雪糕都幾好。 貘記 Makee 地址:4/F, 65 Wing Lok Street, Sheung wan, Hongkong營業時間: 星期三至六 : 13:00 – 19:00 文字來源:香港人.遊香港/圖片來源:hellomakee...