台式「 過江龍 」甜品店——鮮芋仙日前宣佈將於十月進駐黃埔!自從上年度登陸香港,鮮芋仙已經成爲好多芋圓控同甜品控嘅愛店,今次紅磡區嘅朋友有口福喇!鮮芋仙堅持用純手藝製作,主打各款芋圓、仙草、雪花冰等台式甜品,當中最有人氣嘅芋圓4號除咗有芋圓同番薯圓外,仲有刨冰、芋頭、珍珠、紅豆,勁豐富! ▲芋圓四號($45): 除咗有芋圓同番薯圓外,仲有刨冰、芋頭、珍珠、紅豆,勁豐富! ▲芋薯圓Q麻糬牛奶冰($52):小編覺得呢個係3-4人share必食!外型好震撼,牛奶雪糕加上牛奶口味刨冰,仲有小芋圓、芋薯圓、冬瓜凍一齊食。 ▲ 右:芋頭西米露鮮奶/左:紫米西米露鮮奶: 除左用碗裝既甜品,相信更多人喜愛呢款杯裝飲品,入面有好多芋圓! ▲佢地最近都新推出夏日限定檸檬愛玉系列同埋全新鮮芋仙大滿貫 。檸檬愛玉系列酸甜清新,鮮芋仙大滿貫飲落淡淡配料,簡直大滿足啊! 文字來源:香港人遊香港 / 圖片來源: 香港鮮芋仙Facebook、@heygoeat...
呢間旺角小店推出外區直送外賣服務,除了旺角街坊,其他區的支持者都可以上網訂餐啦。雖然不是區區送,但絕大部份的區例如觀塘區、沙田區、荃灣區、港島區、元朗屯門、將軍澳區都有。上網落單方便快捷,即叫即做即call車送到客人手上,首次落單仲有85折優惠。唔洗去排隊都可以輕鬆食到招牌台式肉蛋多士、芋圓、地瓜球、黑松露芝士飛驒牛竹炭漢堡等。 ▲招牌芝士肉蛋三文治,芝士溶晒和蛋汁多到爆晒出嚟。 ▲自家製三色圓糖水包括有芋圓、地瓜圓、紫薯圓,煙煙靭靱有咬口。 ▲手工芋泥球,即叫即炸熱辣辣,有多款餡料選擇包括鹹蛋黃、豬肉鬆。 ▲黑松露大啡菇意粉,大大個啡菇厚切多汁。 送貨地區參考:https://m.facebook.com/HakPoAlley/ 訂餐網址:https://hakpoalley.boutir.com/?fbclid=IwAR3UeM8iwVz9KbpB7H-Bogg9JZ0gas-Ws86udwMU0dTVjG6VxuloApI_4w8 文字來源: 香港人.遊香港/圖片來源:黑布小巷...
呢間位於天后既甜品係恩愛夫婦打理,開店契機源自太太既一場大病,令兩位更愛惜同大家相處既時間,老闆更放棄原有高薪厚職,由零開始去學習做甜品,開糖水店主打台式手工芋圓,手工芋圓係用人手手搓製成,唔係入貨機製,特別有人情味,而且仲可以搭配各款自家煲中式糖水如腐竹薏米糖水、蕃薯糖水,女士最愛既3.6牛乳燉蛋白都可以加入手工芋圓令口感更為豐富! ▲ 仙草八寶:材料好豐富,包括:仙草凍、芋圓、番薯圓、西米、紅豆、蓮子、珍珠、洋薏米等。 ▲呢度另一個好特別既地方係會用屋村紙皮石做枱,影出黎效果懷舊風,ig打卡係一流! ▲芒果忘年戀($45)芒果控一定要試呢個!係芒果雪糕配上芒果刨冰、芒果肉同芒果味爆珠。 ▲燒棉花糖朱古力夾餅($20/2件)燒過既棉花糖會變得軟綿綿,加上甜入心朱古力,食落會有種幸福感! ▲呢度亦有賣中式甜品,最近佢地既單都打上香港人加油字句同大家打氣! 陪著你走甜品 地址:天后興發街62-64號美城花園大廈地下KL3號舖 電話:57211250 營業時間:星期一至四、日 16:00 – 00:00/星期五至六16:00 – 01:00 文字來源:香港人遊香港/圖片來源:@cheroniat、@josehkguide、@quincymak、@standbyyoudessert、@foodiary_hkg...
鮮芋仙係台灣芋圓品牌,係台灣大陸周圍都有!芋圓一直採用天然健康新鮮食材,芋圓做到好煙韌,芋泥同芋頭都係用新鮮食材,仙草芋圓組合眾多,鮮嫩仙草、滑嫩傳統豆花呢d都係招牌食品!鮮芋仙店提供台式傳統甜品,好似手工芋圓、滑嫩仙草、地瓜圓、紅豆、傳統豆花、紫米、薏仁、冰沙等,有成150種的創新搭配,4月頭就會係銅鑼灣V POINT開業,真係好期待! ▲鮮芋仙係台灣芋圓品牌係傅氏姊弟係台中豐原的創立,佢地本身係務農家庭,因此純手工製作芋圓甜品、鮮嫩仙草與滑嫩傳統豆花。招牌仙草冰沙($45)最下層係看仙草冰沙,中間係仙草凍,最上層就係芋圓。 ▲芋圓4號($45)有芋頭、紅豆、珍珠。鮮芋仙芋頭綿密細緻,每每嚴選當季鮮芋,手工精心熬煮,味道唔會太甜。 ▲除左用碗裝既甜品,相信更多人喜愛呢款杯裝飲品,右:芋頭西米露鮮奶/左:紫米西米露鮮奶,入面仲有好多芋圓! ▲圓紫米粥、紅豆麻糬湯、紅豆白玉湯圓:紅豆湯同紫米粥都係女生最愛 ▲豆花2號($42)地瓜、薏仁 ▲小編覺得呢個係3-4人share必食!芋薯圓Q麻糬牛奶冰($52)外型好震撼,牛奶雪糕加上牛奶口味刨冰,仲有小芋圓、芋薯圓、冬瓜凍一齊食。 ▲小芋圓冬瓜茶($29)冬瓜茶有D偏甜,不過好在小芋圓超多,可以邊走邊飲! ▲綠豆糕麻糬拼盤($38)呢個係台灣冇既menu 鮮芋仙 地址:銅鑼灣登龍街18號地下1號店鋪開業日期:2019年4月1日 文字來源: 香港人.遊香港/圖片來源:evawang1973、@cloud_foodie527、@its_myfoodie_life、@tong_intw...
呢間台式芋圓小店爆紅,大陸版既ig小紅書都有好多人介紹佢,全因為佢性價比真係好高!除左有甜品食,仲會有滷肉飯、香酥排骨飯呢d熱食。招牌綜合剉冰好有台北Feel,入面有齊有齊地瓜圓、芋圓、西米、薏米、珍珠、小丸子、紅豆同仙草,蕃薯味地瓜圓、芋頭味芋圓食落煙煙韌韌。 ▲招牌綜合剉冰 ($35)西米、紅豆、芋圓、地瓜圓、大紅豆、芋頭、珍珠、小圓子、薏米。超多配料配埋牛奶冰底 ! ▲嫩仙芋奶凍($30)芋圓味濃,珍珠彈牙 ▲香酥排骨飯,排骨表面炸到熱辣辣 ▲滷肉飯個汁夠味,油香十足 甜圓坊 地址:深水埗基隆街205號地下電話:23679555營業時間:12:00-23:00(星期二休息) 文字來源: 香港人.遊香港/圖片來源: kosan_hkfoodjournal、alicebelle_31、eatmorechu、dino1004...
之前呢個位係大家都好喜愛既木子甜品,食完飯想食糖水都會行過黎,依家新開呢間芋圓新店唔知啱唔啱你口味呢?招牌大甲芋圓就乜都有d,一次過吃到仙草,芋泥、地瓜圓、芋圓、包餡芋圓同大甲芋頭雪糕,全部味道都幾天然,芋圓同地瓜圓亦煙韌無比,芋圓控又要出黎喇! ▲店名同招牌菜都叫大甲芋圓,唔知同台灣有咩關係呢?招牌大甲芋圓($28)就岩哂選擇困難既朋友,一碗就有齊仙草、芋泥、地瓜圓、芋圓、包餡芋圓同大甲芋頭雪糕 ▲大甲芋頭雪糕有芋頭香味,有超多芋泥係其中! ▲芋圓地瓜圓都有十幾粒,咬落煙韌自然!大粒就有包餡芋圓,入面係芋頭蓉或蕃薯蓉 ▲抺茶牛乳芋圓 大甲芋圓 地址:天水圍天瑞商場地下G2E號舖 文字來源:香港人.遊香港/圖片來源:@moon_usako、@s_bb_sarah、@yin_hin...
鐘意食台灣野既朋友唔可以錯過呀!荃灣呢間台食店又有芋圓甜品食,好多人食完肉燥飯都會叫返個黑糖芋圓仙草凍2號share食!黑糖芋圓甜品有齊仙草、芋圓、紫米、綠豆,糖水底更加入左鮮奶同涼粉,甜而唔膩,而芋圓同珍珠口感都非常煙韌,令整個糖水的口感大大提升! ▲主廚紅燒牛肉麵$68 紅燒牛肉湯底濃郁,牛肉鮮味十足,麵條掛上湯超好味!牛肉亦煮得超稔,而且份量不少 ▲台式肉燥飯$35 肉燥飯肉汁好味,肉香味濃,肉粒肥美,明顯烹煮時加左紅蔥頭爆香! ▲黑糖芋圓仙草凍2號$38,有仙草、芋圓、紫米、綠豆及黃蕃薯芋圓、紫薯芋圓同芋頭芋圓。無論仙草或芋圓,都煮得岩岩好呀! ▲黑糖芋圓鮮草凍$33 滿滿一大碗好足料!除配料之外,黑色都係仙草黎,食哂一碗都好飽。 叁茶陸飯 地址:荃灣青山公路388號中國染廠大廈中染新城1樓117號舖電話:23501638營業時間:11:00 – 23:00 文字來源:香港人.遊香港/圖片來源:@nyukshan、@lybosa、@daniel_yu、@oovikioo...