灣仔

呢間小店以飯堡作為招牌，高峰期曾經試過日賣二百個！當中最吸引嘅就係龍蝦飯堡選用加拿大龍蝦，蒸熟後再剝殼，龍蝦肉質飽滿，脆卜卜嘅紫菜配上煎香咗嘅飯堡，夾住蛋黃醬同漢堡汁，層次豐富，足料又好味！ ▲小店提供九款飯堡，分別為鹿兒島和牛飯堡、松葉蟹飯堡、豚角煮糖心蛋飯堡、燒汁赤雞飯堡、牛油果七味三文魚飯堡等，飯堡使用宮城縣嘅珍珠米製成，有單時會將預先壓模冷藏嘅飯糰沾上蛋漿同麵包糠，再落鍋炸到金黃色，再用紫菜包住，食落口感脆卜卜。 ▲龍蝦飯堡 ($118) 嚴選六百克重嘅加拿大龍蝦，蒸熟後剝殼，原隻龍蝦龍蝦肉質飽滿，啖啖肉感覺好爽，脆卜卜嘅紫菜配上煎香咗嘅飯堡，夾住蛋黃醬同漢堡汁，層次豐富，足料又好味！ ▲鹿兒島產和牛飯堡 ($68) 以日本和牛漢堡扒製作，油香豐富，入口啖啖肉，好Juicy，夾埋酸瓜同蕃茄食，好Match！ ▲除咗飯堡，店內亦有提供多款炸物，好似薯條、魷魚圈同洋蔥圈等等。 京．33 地址：灣仔活道1A號地鋪電話：2947 7333營業時間：星期一至日...

係灣仔區打滾左咁耐，呢間灣仔名物已經成為小編重點飯堂之一！雖然店鋪細細，只有兩張小圓檯，lunch time成日都好多人堂食！必食係呢度既鵝片飯，薄切鵝片，肉汁豐富、咬口軟嫩！ ▲黎呢度食飯，要搶盡先機！因為呢度成日坐滿人！鵝片飯($55)只見滷水鵝片肉紋條理分明，滷水上色均衡，油香十足。 ▲鵝片拼鵝腸飯($60)，鵝腸同樣入味，爽口彈牙。 ▲滷水雜錦飯 ($35)鐘意食滷水內臟就會好like，仲好邪惡！而且 滷水雜錦超級送飯！ ▲食唔到堂食，唯有買外賣返去，鵝肉拼墨魚飯($50)，飯量明顯比較少，墨魚唔係用橙色墨魚，非常欣賞！ 鴻記潮州滷鵝快餐 地址： 灣仔駱克道224號地下電話： 9302...

湯底勁鮮甜！ 發跡於北海道札幌嘅一幻拉麵🇯🇵，創始於2009年，最特別就係鮮蝦🦐熬製嘅湯頭，每一鍋湯頭用成15公斤嘅甜蝦蝦頭熬製🦐，將蝦頭內嘅蝦膏精華完美融入湯中，而家佢哋仲宣佈預計四月中左右會喺香港開店，地點會喺灣仔船街，今次唔駛飛日本都食到蝦味湯拉麵 ▲來自北海道札幌嘅一幻拉麵店宣佈四月開業。 ▲好多人都特登去試下佢嘅蝦湯底。 ▲每一碗一幻拉麵都需以中華炒鍋先爆香薑、蒜末，加入豬背油、蝦油後再將客人所點的「口味」來調味。 ▲位於台北嘅信義店經常都大排長龍。 一幻拉麵店 預計開業日期：4月20日地點：灣仔船街 文字來源：香港人.遊香港／圖片來源：互聯網...