好多人都鍾意食牛扒,愈大份就愈正。呢間佐敦嘅西餐廳絕對可以滿足到一眾牛魔王,佢嘅粉紅岩鹽安格斯T骨牛扒足足有十四安士咁大塊,肉厚多汁,食完包你滿足!特別嘅係,好多人都會去佢呢到慶祝生日,為嘅就係佢提供嘅星期蛋糕,外形非常精美,絕對可以為人帶嚟一個難忘嘅生日! ▲粉紅岩鹽安格斯T骨牛扒($398),大大份又夠Juicy。 ▲星球蛋糕($288),比較大個,最少兩位人先食得哂。 ▲仲附有小燈炮,更加有氣氛。 ▲除咗蛋糕版之外,仲有爆朱古力版,勁多朱古力,食返夠本! ▲原條慢煮豬肋骨($288/1條;$168/半份),豬肋骨上面鋪咗一層肉鬆,非常惹味。 ▲呢間餐廳都非常貼地! ▲芝士焗墨西哥脆片($68),適合素食人士,份量都好足。 ▲地獄雞翼($68),比較辣,適合鍾意食辣嘅朋友。 Tony’s Hell 地址:佐敦文苑街38號地舖電話:57244537 (WhatsApp)營業時間:17:00 – 23:00,星期三休息 文字來源:香港人遊香港/圖片來源:@hkbanker.foodie.oldsion、tonys_hell、natyuen19...
買蛋糕送畀人嘅話,好多人都唔想就咁送一啲已經整定嘅蛋糕,而係想送啲夠特別、又唔容易喺大型連鎖店見到嘅款式。因此,而家有好多IG蛋糕店專幫人訂製蛋糕。呢間Miff.i Bakery就有兩款好特別嘅蛋糕,分別係麻雀蛋糕同埋星球蛋糕,前者啱哂鍾意打麻雀嘅香港人,後者就每一件完成品都係獨一無二,無論係星球嘅顏色同紋理都會同其他同款蛋糕有所不同。 ▲星球蛋糕(5吋:$438;6吋:$588),有幾種口味選擇,分別係朱古力味、抹茶味、阿華田味、Oreo味、榛子醬、蜂蜜味同奶茶味,顏色方面就可以自選1色主色加2色配色,非常獨特。 ▲麻雀蛋糕(6吋:$388;7吋:$498),分別有原味、抹茶味、朱古力味同伯爵味,夾心可以揀Oreo、阿華田餅、蜂蜜同水果。 ▲雲石紋芝士凍餅(5吋:$208;6吋:$308;7吋:$408),可以揀朱古力味同抹茶味,紋理非常優美。 ▲朱古力糖果戚風蛋糕(5吋:$248;6吋:$358;7吋:$468),可以自由加一塊自己鍾意嘅朱古力牌。 ▲除咗定製蛋糕之外,呢間IG店仲有開蛋糕製作班嫁! ▲彩虹乾花戚風(5吋:$318;6吋:$468;7吋:$628),有原味、朱古力味同伯爵茶味可以揀,夾心就可以揀Oreo、阿華田餅同隨機水果,另外乾花蛋糕仲可以訂造雙層款式。 Miff.i Bakery 網址:http://bit.ly/36Bvi81 文字來源:香港人遊香港/ 圖片來源:@miff.i...