今日元宵節大家點過呢?不如試下去銅鑼灣元宵節週末市集,一連3日的利園市集「Sky of Lanterns 利園元宵節市集」,逾20間本地特色小店攤位,多間小店為大家帶來各式各樣的精選貨品,例如香港本地原創設計的首飾配件、純天然有機的護膚品、人手縫製的刺繡配飾小物、手工果仁醬、精品咖啡等等,每間小店匯聚都別具特色創意,大家元宵節不妨過嚟揀番件心水禮物! ▲手作班房 Handmade Art Room- 提供手工材料包,如皮具製作,大家可自己DIY皮革彩色玫瑰或粉色玫瑰,為摯愛送上獨一無二的禮品。 ▲毛鬙鬙 Mosssunsun- 主打香港原創的玻璃配飾設計,以手工火熔細工燒製玻璃,製成每件獨一無二的玻璃小首飾。 ▲Badges Story-本地創作品牌,主要售賣高品質男士皮鞋及各類型男士配件,如襟章和頸巾等。 ▲KANO-主打有機天然和無添加的護膚產品,香港新鮮製造, 送給愛美的另一半就最perfect~ ▲The Nutter Company- 香港原創手工果仁醬專門店,例如杏仁醬、花生醬、腰果醬。 文字來源:香港人遊香港...
相信各位文青或者愛陶藝之人都會留意盛產有田燒既佐賀,每年4月底到5月初都會舉行「有田燒陶器市集」,市集內有超過400個攤位,去年參觀人次高達100萬人!但今年因日本已全國進入緊急狀態,今年有田燒陶器市集活動都要延期!有田燒係日本三大陶器之一,以純白搭配藍色「吳須」顏料為主,近年多左好多唔同既花紋設計,令愛陶藝既文青都愛不釋手! ▶ CRAFT陶器市-佐賀県の有田焼傳送門(2020年4月10-30日):craft-store.jp/pottery-markets/aritayaki-2020▶ Web有田陶器市傳送門(2020年4月29日開始):arita-toukiichi-web.jp/ ▲「有田陶瓷市集」往常係日本黃金週期間舉行,每年都吸引多人前往! ▲市集有多達400個攤位,好多朋友都藉此尋獲心頭好。 ▲因疫情緣故,所有市集都被逼取消。 CRAFT陶器市-佐賀県の有田焼 「CRAFT陶器市」企劃其實早已在2019年11月開始,每個月都有唔同都市陶器上線,平日係3日限定,因疫情關係特別延長為20天。日本瓷器有田燒共經歷了500多年歷史,燒瓷行業在不斷地發展,技術也在不斷地進步,日本瓷器、畫面顏色比較明快,包括日本茶杯、酒杯、碗、碟子食用器。 ▲「CRAFT陶器市」企劃已經舉行到第6次。 ▲有田燒係指佐賀縣有田町周邊地區燒製瓷器,擁有400年的歷史,作為在日本第一次燒製瓷器之地也非常有名。有田燒漸漸地因其優美造型,在海外各國也吸引了眾多人氣。 ▲線上市集有好多款式選擇,不過暫時唔接受寄海外,大家想買,可能要委託日本朋友幫手喇! ▲「有田燒代表著日本傳統手工藝無與倫比既精湛技藝,有唔同顏色同花紋。 Web有田陶器市 另一個有田陶器市亦以線上售賣呈現,好多作品以有田燒加上現代花紋,不過未知呢個網上市集是否接受海外寄送。 ▲另一個網上陶器市集4月29日就開始喇! ▲佐賀有田燒擁有現代風格元素,以優美花紋、色澤為主。 文字來源:香港人遊香港 / 圖片來源:佐賀縣觀光聯盟、@kouyougama.arita、@craftstore.jp...
聖誕岩岩先過去,迎接農曆新年,銅鑼灣呢個商場搞左Sanrio characters新春市集,有得打卡又有得買野!Hello Kitty、Melody、布甸狗一眾卡通公仔一早企定定係商場唔同角落等緊大家!市集包羅萬有,都有Sanrio 角色主題,必掃新年限定福袋、爆谷同曲奇,仲有打氣字句布甸燒岩哂新年買黎食!精品仲有Sanrio 角色利是包、揮春、Hello Kitty 造型招財貓等。以任何消費可換購1蚊賀年禮品,手快有手慢冇! ▲賣萌Sanrio characters打卡位,穿過燈籠入口,就有好多攤檔既市集。 ▲Hello Kitty 換上新裝同大家一齊迎接新年。 ▲Melody 拎住花束 ▲Sanrio角色太鼓 ▲吹氣Hello Kitty ▲四周圍都係sanrio角色! ▲各個打卡位都好濃郁既新年氣息! ▲Hello Kitty化成大吉! ▲巨型布甸狗全盒! ▲於利園區電子消費,就可以換張$1換領券,其中一樣$1產品就係CK拖鞋 ▲$1換領券可換領摺凳 ▲$1換領券可換領Hello Kitty 杯 ▲$1換領券可換領Hello Kitty 暖手枕 ▲$1換領券可換領大口仔U型枕 ▲2020新春推出既利是包包 ▲Sanrio版花開富貴全盒 ▲黃金招財貓Hello Kitty及蛋黃哥財神 ▲半立體Hello Kitty & Little Twin Star揮春 ▲蛋黃哥糖果盤 ▲Hello Kitty 招財貓錢罌 ▲Hello Kitty 巨大利是封 ▲購物加$16.8就可以換購風車一個! ▲Sanrio 馬卡龍 ▲Sanrio 馬卡龍 ▲Sanrio 紙杯爆谷 ▲Sanrio 罐裝爆谷 ▲Sanrio - hello kitty 銅鑼燒 ▲Sanrio -打氣字句布甸燒 ▲Sanrio -刻名木盒曲奇 ▲Sanrio -木製全盒 ▲Sanrio -Cup Cake ▲Sanrio -蝴蝶酥 福氣滿載迎新春 日期:即日至2020年1月24日時間:早上10時至晚上10時地點:銅鑼灣利園一期希慎道33號 圖片及文字來源:香港人遊香港...
有無試過對日復一日嘅生活厭倦,每日渾渾噩噩咁過日子呢?呢位喺上環自成一角嘅書店店主Sharon就曾經試過,佢突然有一日覺得唔可以再係咁過落去,就辭咗任職十年高薪厚職嘅管理層,然後開咗一間小書店。喺呢到你幾乎唔會見到暢銷小說,因為身為愛書之人嘅店主每一本都好用心挑選,絕對唔係求其放啲暢談小說吸引人嚟。喺呢個步伐咁急速嘅石屎森林,竟然有一間書店生存著,給予香港人一個放低腳步嘅空間。你有幾耐無試過放低部手機,拎起一本書閱讀?不彷自己一個嚟呢到過一日,睇下書、飲下咖啡,俾一個藉口自己喺呢個城市裏休息喇。 ▲ 書店有調理咁排放大量書籍,花少少時間係到尋寶,一定可以帶到一本啱自己嘅書。 ▲ 店主在玻璃貼上文宣,仲自製「讀行俠」tote bag,亦有出售相關書籍。 ▲ 書店收集來自唔同地方嘅書,全部都係由店自親自挑選! ▲店內除咗書仲會出售不少有格調嘅小物。 ▲店主會不時邀請嘉賓舉辦讀書會或者係小型市集。 ▲ 唔起眼嘅小書店,但係係一個治癒人心嘅好地方。 ▲ 呢到仲有輕食提供,過上一日都無問題。 見山書店 地址:上環太平山街 6 號 C 鋪時間:11:00 – 18:00 (星期一至五)、12:00 – 18:30 (星期六至日) 文字來源:香港人遊香港/圖片來源:@mountzerobooks、@bleakhousebookshk、@alreadytomorrowinhongkong...
呢個商場打造左蠟筆小新主題市集,根據小新抵死搞笑既造型,場內有小新3大打卡位,3個都係搞笑既表情!粉絲必黎到掂小新主題用品同精品,仲要食埋主題打卡美食先夠本!打卡美食包括糯米糍、曲奇、雞皮、爆谷、布丁燒等,真係要逐樣試哂佢,而食飽飽緊係要掃貨啦,今次小新主題用品重點有旅行箱、床單套裝、充電器等。場內主題市集仲有其它新春年貨比大家買! ▲呢個商場最近主辦小新主題市集,當中包括小新美食、精品同3大打卡位 ▲位於中庭既小新以美食達人姿態比大家打卡! ▲小新同大家跳舞! ▲小新呢個膠玫瑰花造型唔知係咪某陳天王呢? ▲場內茶古道杯套都換上小新主題! ▲小新主題cup cake ▲小新主題馬卡龍 ▲小新主題布甸燒 ▲小新主題曲奇 ▲小新主題曲奇罐仲可以當作收納罐 ▲場內仲有小新主題環保袋換購 ▲小新糯米糍 ▲小新床上用品 ▲小新床上單人被 ▲小新數碼相機 ▲小新充電插頭 ▲小新鏡盒連USB充電器 ▲小新行李帶 ▲小新行李箱 國際美食市集@YOHO MALL 日期:即日起時間:10:00 – 22:00地點:新界元朗朗日路8-9號及元龍街YOHO MALL I 及II中庭 文字來源:香港人遊香港/ 圖片來源:Yoho Mall...
尖沙咀商場聖誕活動即將開始喇!今次佢地帶黎德國聖誕市集,雖然地方冇咁大,但精心細選左6大聖誕主題pop up store,當中包括聖誕禮品同埋歐陸美食!呢個聖誕市集現場設有7米高巨型聖誕風車塔!遇岩時間,你仲可以欣賞到Lights of Dresden聖誕光影匯演! ▲中間必影的聖誕風車係德國聖誕市集既象徵,現場仲有好多閃耀既小燈泡,氣氛濃厚。 ▲Mike’s Chicken總廚Michael Franco係葡萄牙皇族後人,為大家帶來葡萄牙聖誕蛋糕,蛋糕表面佈滿五顏六色糖果,好似王冠上寶石咁!另外仲有30年葡萄牙砵酒等一系列特色食品及飲品等緊大家。 ▲Mike’s Chicken另一款家鄉橙味蛋糕 ▲ motto carpe diem係傳統皮革手縫工藝品牌,今次期間限定店更會帶來多款3D皮革聖誕卡同可壓名聖誕皮革行李牌! ▲ motto carpe diem仲可以即場自定印字! ▲Dreamcatcher – 以聖誕花環及花藝產品為大家帶來一個綠色小清新的浪漫聖誕。 ▲Dreamcatcher – 乾花化妝掃真頭係令女士愛不釋手! ▲ 茶棒Sticksology源自於英國,篩選全球優質茶源,有來自斯里蘭卡優質紅茶,於比利時生產,加上獨有的茶棒設計,愛英茶及時尚女仕都非常喜愛。 ▲ 茶棒Sticksology推出聖誕gift set ,包括2盒茶棒及4件Cocoron 曲巧奇 ▲PARC Antique & Lifestyle 以7個單元Magazine Pop Up Store為概念,每期均以不同的主題為大家帶來不同的購買及生活體驗,包括可刻名聖誕露營杯等特色精品! ▲Caliu為大家準備各式各樣的佳餚、特選葡萄酒,包括法國鴨肝及鴨肉醬、罕有的意大利清甜松露蜜糖、60個月西班牙伊比利亞黑毛豬火腿及由品酒師揀選配搭以上佳餚的美酒。 ▲香料熱紅酒Mulled Wine,煮過既熱紅酒酒精度冇咁高,加入糖同香橙,易入口又暖身! DRESDEN X’MAS MARKET @ Mira Place 地址:尖沙咀彌敦道與金巴利道 限定日期:2019年11月7日至2020年1月1日...
各位啡迷最期待既Coffee Agenda又返黎喇!今個weekend以「咖啡X旅遊」為題既咖啡市集,今次邀請超過25間本地特色咖啡/生活小店,以及6間海外人氣咖啡店黎擺檔!除左特色咖啡之外,仲有重點活動「啡我莫屬」互動體驗活動,以「望聞問切」四部曲學習咖啡知識,大家仲可以報名參加手沖咖啡、咖啡鑑定、咖啡渣手工皂、拉花workshop,今次仲會有旅行咖啡主題既分享會!市集有咖啡飲,有咖啡精品買,仲有各種workshop可以參加,真係可以玩足成日! ▲海外咖啡品牌:Homeground Coffee Roasters推行「家」既概念,品牌推廣在家沖煮咖啡的文化、抱著「最好的沖煮就是由自己沖煮」 ▲海外咖啡品牌:Graph Coffee co 100%來自泰國,左:Overland 右:Monochrome ▲維他奶攤位亦係今次咖啡市集其中一個重點,佢係今次大會指定植物奶贊助商,推出多款植物奶咖啡。 ▲維他奶攤位-前:粉紅岩鹽黑糖豆奶咖啡;後:草莓豆乳特飲 ▲維他奶攤位- 左:紅菜頭朱古力豆奶;右:日本抹茶豆奶,一紅一綠相當吸引。 ▲宜蘭粉圓拿鐵:採用台灣宜蘭直送粉圓,加上台灣高雄既咖啡,好有台式地道風味! ▲gin cocktail ▲除左有得現場飲咖啡,亦有咖啡產品及精品Cool Brew 咖啡旅行裝。 ▲少爺Jin IPA ▲各式糕點 ▲Ton’s 素食蛋糕 ▲Ton’s 素食蛋糕 ▲咖啡杯 ▲陶瓷杯 ▲Bagel ▲玫瑰金咖啡壺 ▲生活用品市集-魔法皂 PMQ The Coffee Agenda咖啡生活市集 日期:2019年10月4日至10月7日 時間:11:00 – 20:00 地點:中環PMQ 元創方地面廣場 費用:免費入場 圖片及文字來源:香港人遊香港...