呢間冰室完美示範左咩係「錯就要認」,早前有網友話佢地播tvb扮黃,好快老闆都出黎認錯播返Viu TV,此舉被網民不斷「懲罰」!雖然佢係近年先開,不過裝修就重現當年懷舊風格,而食物佢地就一直佢地係以大大份既食物做主打,打工仔都超鐘意!其中既三眼太陽蛋豬扒飯,就最飽肚最受歡迎, 嫩香既豬扒加上三隻水汪汪既太陽蛋黃汁,確係送飯一流既!除左碟頭飯之外,呢度一年四季都有得食煲仔飯,大家未入冬都食到,最近店主仲逆市係荃灣同深井開鋪,等多d唔同區既網民可以懲罰佢地。 ▲三眼太陽蛋豬扒飯($52),三隻靚靚煎蛋加上煎得香嫩既豬扒,再淋上甜醬油,係午飯補充元氣既好選擇! ▲三眼太陽蛋豬扒飯($52),雞蛋上面淋上甜豉油,當蛋黃汁液、甜豉油、豬扒3樣邪惡之最撈埋一齊,食落真係會令人好滿足! ▲蔥油雞扒飯($45)雞扒係用油炸,外皮脆而內肉嫩滑,蔥油將炸雞扒時逼出黎既油溶為一體。 ▲滑蛋叉燒飯($45)採用蛋味濃既湖北雞蛋,半熟蛋炒得好滑溜。 ▲窩蛋牛肉煲仔飯($72)呢度其中一大特色係一年4季都有得食煲仔飯,而且仲有好多款! 光榮冰室(尖沙咀) 地址:尖沙咀厚福街5-6號地下6號鋪 電話:24226555 光榮冰室(深井) 地址:深井深井村54-55號地舖 電話:24919550 光榮冰室(荃灣) 地址:荃灣兆和街18號地下 文字來源:香港人遊香港 / 圖片來源:@stephanie_caoo、@num.the.foodie、@hoeunice、@kikiwong918、@blossomhongkonglennonwalls、@bonaquawong...
仲要叫佢地既樽仔奶茶!深水埗呢間冰廳奶茶由第一代沖到依家第三代,不過講到食物,一定要數印尼炒飯同焗豬,前者炒飯必配巨型蝦片,炒出嚟飯粒乾身,仲有水汪汪既煎成燶邊既太陽蛋,將蛋黃破開,蛋汁撈微辣炒飯就岩岩好! ▲印尼炒飯($52)印尼炒飯粒粒分明,撈埋蛋黃汁食係一流! ▲焗豬扒飯($52)豬扒超級厚切,份量真係唔少,豬扒唔係用太多嘅鬆肉粉,食落肉味及口感俱全,番茄醬汁、芝士嘅比例剛剛好! ▲特餐檳城叻沙摻摻($46)摻摻即係油麵+米粉,油麵不會煮得太腍,幾彈牙,米粉就較為硬身。湯底則滿滿椰香。 ▲樽仔奶茶($10)冰廳使用三重奶茶茶底,雖然係凍飲,但係由於冇加到冰,奶茶芳香絲滑。 雪山冰廳 地址:深水埗青山道62D號地下電話:2386 5025 文字來源:香港人.遊香港/圖片來源:jasonnario、i_philip、franco6220、hkaskforfood...