中環美食2023|摩洛哥百年咖啡店Bacha Coffee登陸中環IFC 來自百年歷史的摩洛哥精品咖啡品牌Bacha Coffee終於登陸中環,是主打精品茶的Tea WG姊妹店。店內裝修揉合阿拉伯馬賽克、木雕家具和東方青花瓷等元素,變成女生們最愛的打卡點!而新店發售超過200不同的咖啡,採用100%純正Arabica咖啡豆,亦有無咖啡因選擇,非常體貼。食物方面提供輕食甜品,包括自家製忌廉圓蛋糕、牛油蛋糕、開心果味牛角包以及注入100%Arabica咖啡的雲石蛋糕,種類豐富。快啲趁假日約定閨蜜去享受一個靚靚下午茶! ▲香港Bacha Coffee的現代裝潢融合了Art Deco風格,店內裝修揉合阿拉伯馬賽克、木雕家具同東方青花瓷等元素,顯示皇家風範。 ▲品牌採用100%純正Arabica咖啡豆,由咖啡師親自駐場沖調。新店提供超過200種不同口味的咖啡,而每杯咖啡同時亦附有天然蔗糖棒供客人加入甜度。 ▲食物方面提供烘培輕食,例如紅莓肉桂/開心果/咖央醬牛角包,仲有自家製忌廉圓蛋糕、牛油蛋糕,以及注入100%Arabica咖啡的雲石蛋糕,種類豐富。 ▲旁邊是販賣咖啡,客人除了在店裡品嚐,亦可買咖啡豆回家親自沖調。 Bacha Coffee 地址: 香港中環金融街八號國際金融中心商場1樓1063號舖營業時間:08:00 – 22:00 圖片來源:Facebook @Bacha Coffee...
NOC Coffee Co. 咖啡店 登陸大圍全新商場圍方The Wai 本地精品咖啡品牌NOC 登陸大圍全新商場「圍方」The Wai,新店佔地3,000多呎,以簡約美學作設計。店內設有逾22米寬的大型落地玻璃窗,望住遼闊山郊景觀Chill住歎咖啡,打卡一流!為慶祝新店開幕,更特別推出大圍店NOC推出新店限定特飲「椰子斑蘭咖啡(Iced Pandan Cocoffee)」,以椰青水為基底,加入經典拼配豆No.18濃縮咖啡及斑蘭汁,面層鋪蓋着濃郁綿滑的奶泡並綴以斑蘭葉,飲落清爽宜人,最啱夏天。除此之外,之前人氣的「珍寶蟹肉蛋白多士」同時回歸,用多大大粒珍寶蟹肌肉,以蛋白炒香,嫩滑而不油膩,酸種麵包烘得香脆,伴有菠菜及沙律,充滿優質蛋白而口感輕盈。 ▲新店特意在一列大型落地玻璃窗前提供矮身長椅,配合窗外療癒的景色,客人身心靈同時得以放鬆。 ▲新店限定特飲「椰子斑蘭咖啡(Iced Pandan Cocoffee)」($50):以椰青水為基底,加入經典拼配豆No.18濃縮咖啡及斑蘭汁,面層鋪蓋着濃郁綿滑的奶泡並綴以斑蘭葉,為顧客帶來一絲夏日風情。新飲品在視覺上層次分明,十分IG-able之餘,口感亦清爽宜人。 ▲珍寶蟹肉蛋白多士($138):用多大大粒珍寶蟹肌肉,以蛋白炒香,嫩滑而不油膩,酸種麵包烘得香脆,伴有菠菜及沙律,充滿優質蛋白而口感輕盈。 ▲牛油果多士 ▲香煎雞胸肉米形粉沙律($148) ▲海鮮意式雲吞伴龍蝦汁($148) ▲新店推廣期間,顧客可以優惠價($65)享受特飲與特選自家烘焙輕食。自家烘焙輕食用上法國牛油及日本麵粉為原材料,烘焙品每日在自家工房新鮮製作。...
想找間隱世打卡靚café嘆咖啡、食好嘢和打卡,就一定要到呢間位於饒宗頤文化館內的咖啡店。餐廳提供西式主食、輕食、甜品及飲品,意粉的份量十分豐富,性價比好高。肉醬意粉以全牛肉煮成,濃濃的蕃茄⋯⋯
這間於2019年在土瓜灣成立的人氣cafe,繼上年年尾在北角開設分店後,最近再下一城進駐牛頭角開設第三間分店。Cafe以簡約日系淺色風格作設計,店內主打近年新興嘅咖啡-Dirty。咖啡師於凍奶表面加上咖啡,讓咖啡慢慢流落下面嘅凍奶,形成「污糟」嘅感覺,飲用時亦唔會攪勻讓咖啡色與奶白色分明,比起走冰的Ice Latte更注重層次感,吸引不少咖啡愛好者。牛頭角分店只有飲品,而其他分店除了咖啡外,亦有不同甜品供應,例如:自家製的「老闆絕不妥協的Cheesecake」、Tiramisu、蘋果批等,但大家要留意,不同分店提供嘅甜品都有機會唔同。店主特意為不同分店採購不同的咖啡豆,如果想試勻唔同嘅express blend就可能要走多幾轉喇。 ▲Deluxe Dirty: 招牌咖啡 “Deluxe Dirty”,奶底選取濃縮奶代替普通奶,此豪華版Dirty於牛頭角店亦有供應,不過數量則有限,售完即罄。 ▲ 對於未必鐘意飲咖啡嘅人,呢杯連造型都別具心思嘅Hot Choco實在適合不過,特別喺天氣凍嘅時候飲番杯真係暖入心。 ▲ Cafe會不定時為咖啡轉換唔同咖啡豆,嚟一杯Hand Drip Coffee就可以試真啲啦。 ▲ 老闆絕不妥協的Cheese cake:沿用店主獨家配方製作,另一款暢銷甜品Tiramisu亦採用了與坊間不同的自家製咖啡酒製作,從名字到做法都突顯店主用心。 ▲Tiramisu:用上逾130年的歷史專注於釀製燒酎的宮崎縣日本老店製做的燒酎製作,非常有誠意。(只限北角分店提供) 文字:香港人遊香港/圖片來源:@onthehill_coffeebar、@mee.2day、@iam_oldladies...
銅鑼灣新開一間英倫風的咖啡店,店內以湖水藍色外墻設計,戶外配上藤椅和植物,絕對係打卡之選!店舖提供多款創意輕食和咖啡,菜式非常有特色,包括英式蘇格蘭蛋餐蛋飯、印式牛油炸雞配以黃薑粉窩夫和牛丼溏心蛋,咖啡店更提供多款冬日限定特濃咖啡,例如GujiShakisso特濃咖啡,入面有茉莉、橙、蜂蜜的香氣。 ▲英式蘇格蘭蛋呈現的港式餐蛋飯,蘇格蘭蛋以攪碎的餐肉再包雞蛋新鮮炸起。 ▲牛油炸雞配以黃薑粉窩夫款式,菜式新穎特別之餘,又不失印度風味。炸雞有雞胸和雞髀,窩夫則以黃薑粉做,帶有陣陣香料味,口感外脆內軟。 ▲日式焙茶朱古力蛋糕,配上紅絲絨朱古力碎碎。 ▲經典玉桂包,每日早上9點新鮮出爐 ▲冬日限定嘅GujiShakisso特濃咖啡,入面有茉莉、橙、蜂蜜的香氣。 文字來源:香港人遊香港/圖片來源:@passepartoutcoffee...
呢間位於元朗的咖啡店外牆用了超吸睛的經典綠色配白色,面積不大但環境舒適光猛,還帶點東南亞小店感覺而且好有優閒文青感打卡一流。小店主打手工咖啡,當中一杯名為The Boom的咖啡,用了薑味啤酒、新鮮青檸和double espresso咖啡調配,當倒入espresso 時會形成兩層的層次,視覺享受一流,入口啖啖都有薑味感覺好清新。咖啡之外還會提供幾款班戟,好似藍莓、班尼狄、煙肉蛋等,邊食邊飲享受慢活生活。 ▲標誌性的經典綠色配少量白色的外牆,有少少東南亞小店感覺。 ▲The Boom($50):用了薑味啤酒、新鮮青檸和double espresso咖啡調配,當倒入espresso 時會形成兩層的層次。入口啖啖都有薑味感覺好清新。 ▲班尼狄班戟(上)($110):流心蛋黃配上煙三文魚。煙肉蛋班戟(下)($80):班戟口感帶少少煙韌不會太軟淋,流心蛋和煙肉中間還有炸薯餅令到口感更豐富。 ▲藍莓班戟:新鮮藍莓加上果醬果仁,感覺健康。 文字:香港人遊香港 / 圖片來源:i_am_bubblefatfat、trealfoodie、thethird.hk...
呢間人氣咖啡店近日喺黃埔開咗第八間分店,坐落海旁,無論客人選擇坐喺室內或戶外都可以欣賞到海景,過一個好放鬆嘅日子。而同之前唔同嘅係它設有360度咖啡吧枱,方便客人可以喺唔同角度觀賞到咖啡師調配咖啡嘅過程。呢同提供煙燻三文魚烤面包、雞肉沙律、yogurt,仲有特別為素食者提供嘅素食早午餐。 ▲ 一大片落地玻璃,陽光照射入店,寫意得嚟又溫暖。 ▲ 可以一邊等候餐飲一邊望住咖啡師沖咖啡,未拎到杯咖啡就已經聞到濃濃嘅咖啡香。 ▲ 店鋪提供自家烘焙咖啡,例如black、white等等,飲唔慣咖啡嘅小朋友都可以揀朱古力或者抺茶。 ▲ Avocado Smash($94),鬆脆嘅麵包鋪上一層牛油果,配合埋番石榴籽同菲達cheese,食落去清新而又唔膩。 ▲ Apple toast ($52),最近新加入嘅菜式,喺黑麥奇亞籽麵包上加入芝士同燒過嘅焦糖蘋果,望落去已經好吸引。 ▲ Scrambled egg white crab toast...
Colour brown一以往係西貢開業,今次同本地時裝品牌Phvlo Hatch合作,打造左間復古越南風咖啡店,取地設計生雲集既深水埗,餐廳設計分上下3層,下層係咖啡店,上2層就係時裝店既天下。不過黎過既朋友一定會係內裡綠色旋轉樓梯打卡打到夠,樓梯旁邊仲有綠色植物,影出黎好有feel!而店裡有濃濃工業風、復古風,天花板正中央掛著復古吊扇,其它環境都好chill架! ▲ Colour brown呢個咖啡品牌好受歡迎,近月佢地同本地時裝品牌Phvlo Hatch合作開店,店鋪設有半戶外開放位置,方便顧客帶埋狗狗前來。 ▲綠色彷鐵皮同水泥既組合,好多人買完咖啡都會坐一陣hea下 ▲店內呢個綠色旋轉樓梯打卡位,假日時有好多排住影! ▲一級級水泥楷梯散發出文青風味道。 ▲Flat White、piccolo及抹茶紅豆蛋糕 ▲Golden Kiwi Cheesecake ($48):蛋糕中間夾雜杏桃味果醬,加上金奇異果口味微酸,非常開胃。Caffe Latte($38):口感絲滑 Colour Brown x...
經過呢間隱身於長沙灣工廠區既cafe,好可能會忽略左佢!門口既販賣機賣既其實唔只係咖啡,裡面仲係一間有賣其他主食既cafe。門口既黑白販賣機夠晒型格,但其實店主仲係個拉花高手,可以拉出好多唔同圖案,咖啡質素甚高!咖啡師用出神入化既拉花技術幫香港人打氣:「香港加油」。呢度既All Day Breakfast 都製作認真,仲有意粉等等都味道唔錯! ▲Cafe門口有一部黑白型格既販賣機,都非常搶眼! ▲販賣機設計精緻可愛,重點係咖啡質素都好高,打卡亦一流! ▲咖啡質素有保證外,拉花技術都一流,可以拉出好多複雜或比較少見既圖案。 ▲更可愛的是呢間黃店,更拉出了「香港加油」幫香港人打氣,係唔係應該要多多幫襯先? ▲佢地既all day breakfast都唔貴而且好好心思,份量亦十足! ▲小店仲養左隻好可愛既狗狗叫Coffee,更添小店溫情。 Coffee Question 地址:長沙灣褔華街588 號地下B舖 電話:6111 9384 營業時間:08:00-19:00 (星期六: 10:00-18:00) 文字來源:香港人遊香港 / 圖片來源:@skeatravelife、@coffeequestion、@hkhipstercafe...