201 結果
過江龍
呢間來自日本既餃子店,餃子花款多夠晒特別!招牌chaochao餃子皮薄又夠脆,比較細粒可以一啖一個,邊飲日本生啤就岩晒!「蟹肉海老特長豪華餃子棒」足足有18cm長,外型特別,內餡料有蟹腳肉同蝦肉,夠晒彈牙!仲有「雞肉芝士」都比較少見,外皮好脆,咬落去仲有拉絲效果,味道同顏值都一流!最特別既係將餃子當甜品食,配上朱古力雪糕口感煙韌,非常驚喜! ▲「招牌chao chao餃子」兩排有成16粒咁多,但細細粒一啖一倨岩岩好!外皮夠脆,不過略嫌難以將佢地夾開,令餡料容易跌出黎。 ▲「蟹肉海老特長豪華餃子棒」齋睇外型已經好吸引,蝦肉蟹肉夠陣牙,有少少似食緊蝦賣既感覺。 ▲雞肉芝士餃子炸得特別脆,餃子釀入左豐富雞肉同mozzarella芝士,每啖都食到拉絲效果! ▲「日本淡路島洋蔥 X 京都九条蔥」雙色餃子拼盤都好特別,日本既葱清甜多汁,尤其京都九条蔥比較矜貴,唔係周圍都食到架! 餃餃餃子 地址:紅磡黃埔天地百寶坊(第3期)地下G28號舖 (灣仔、鰂魚涌亦有分店)電話:2769 1308營業時間:星期日至四11:30-22:00 / 星期五、六 11:30-22:30 文字來源:香港人遊香港/圖片來源:@matcha.hts、@chaochaogyoza...
芫荽係一樣好神奇嘅食物,有啲人好唔鍾意,食麵嗰陣都要特登叫走芫荽,有啲人就好鍾意,可以一大碗咁食都得。鍾意食芫荽嘅你,不妨可以去呢間日本過江龍拉麵店,佢嘅招牌芫荽辣麻味噌拉麵有超多芫荽,保證芫荽控可以食返夠本。另外,因為呢間拉麵店主打麻辣拉麵,每款拉麵可以揀不辣、小辣、中辣、高級辣以至鬼增辣等5種辣度,同時亦可以揀小麻、中麻、高麻以至鬼增麻等4種麻度,絕對可以滿足到一眾鍾意食辣嘅人。 ▲芫荽辣麻味噌拉麵($110),揀鬼增辣嘅話仲需要加多$15,芫荽多到咁,味道亦都當然非常香,清新嘅芫荽配埋麻辣味噌,味道層次非常豐富。 ▲特製辣麻味噌拉麵($120),比其他款嘅拉麵更加辣,而且用代表鬼增辣嘅黑色碗裝住,鍾意食辣嘅人不妨挑戰一下。 ▲辣麻味噌拉麵($90),湯底夠濃郁,加埋肥厚多汁嘅叉燒,真係非常邪惡。 ▲紅色碗即係代表高級辣。 ▲炒豆芽菜辣麻味噌拉麵($100),白碗就係代表不辣、小辣或者中辣。 鬼金棒香港 地點:銅鑼灣謝斐道530號地舖電話:2481 3383營業時間:星期一至日 11:00 – 00:00 文字來源:香港人遊香港/ 圖片來源:@6neufff、masahkeats、geegeeeating、carmentsui、foodie_rainbow...
呢間英國倫敦SuperFood人氣餐廳,過江龍嚟咗香港開店,主打牛油果創新菜式,有牛油果醬配多士,牛油果特色漢堡,將半隻牛油果取代傳統麵包,餡料用龍蝦鉗肉和其他蔬菜配合。另外係香港店限定嘅香煎鱈魚蘑菇意大利飯私心推介,加入咗黑松露和白蘑菇令粒粒飯好香濃,件件鱈魚經過香煎,魚肉鮮味提升。 ▲牛油果蕃薯撻,用黃心蕃薯做餅底,配自家特製嘅牛油果醬,加咗小小辣椒,食到甜嘅蕃薯後帶出微微辣味 ▲招牌Avo Toast,醬料非常豐富,有牛油果青檸醬、牛油果醬、牛油果片,小編大讚最好食係牛油果青檸醬 ▲香煎鱈魚蘑菇意大利飯 ▲加入黑松露和白蘑菇,啖啖鱈魚經過微微香煎過,食落肉質好滑,飯粒更creamy ▲牛油果特色漢堡,餡料係炸紅扁豆蕃薯餅,配埋蕃茄和紅菜頭 ▲牛油果龍蝦特色漢堡,用原隻牛油果取代傳統麵包,夾住龍蝦肉,仲有其他配菜夾埋一齊食好清新,唔會有罪惡感 ▲呢款菜式一早放咗芝士汁一齊上檯,唔夠味道可以加 ▲抹茶班戟,表面放咗原條焦糖香蕉,班戟口感好軟棉棉,散出陣陣抹茶香氣 Avobar 地址:尖沙咀梳士巴利道18號K11 MUSEA B201-4號舖 營業時間:10:00 – 22:00 圖片及文字來源:香港人遊香港...
沙田新城市廣場近年開左好多過江龍餐廳,而今次介紹呢間係黎自九州宮崎縣,係日本有超過150家分店既人氣居酒屋塚田農場,主打美人火鍋同雞肉料理。呢間餐廳之前係九龍尖沙咀海港城開左第一間分店,而最近亦係新界區開埋第二間分店。呢間同尖沙咀分店相比既係少左個夜景,但係鋪頭門口位置已經見到開房式廚房入面放著美人鍋既火鍋配料,絕對可以吸引到路過既客人食。而沙田分店亦會係星期一至五做唔同優惠,星期一是美人鍋半價,分別有美人鍋(配雞肉)、美人牛肉鍋、美人辛辣鍋、美人蓄茄鍋四款均有半價優惠,價錢係沙田新城市廣場度食火鍋絕對係抵食之選! 另外,呢度除左火鍋係主打外,仲有壽司、炒飯、甜品、雞尾酒、雞肉料理等提供。 ▲店員會先把火鍋煲先送上,美人鍋湯底係黃金骨膠原雞湯,湯底係由日本空運到港並冷卻成一舊巨型奶白色啫喱,進食前需要前將膠原啫喱加熱溶化,而湯底精華源於用大量雞骨熬煮超過8小時並冷。當湯底水滾之後,店員會叫客人先試飲個湯底,湯底好濃味同埋鮮甜! ▲美人日本和牛火鍋($580 2人份量): 半價左食日本和牛火鍋絕對抵食! 日本和牛油分佈平均,牛味濃,絕對好食過美國牛! ▲呢個火鍋2人餐配料包括有豬肉丸、日本金菇、腐皮蔥卷、豆腐、日本大蔥和本菇。 ▲建議先把蔬菜先放到鍋內,這樣湯底會更加甜! ▲餐廳門外裝修,亦會擺放大餐牌在門外吸引客人。 ▲星期一至五有唔同既優惠,星期一、二既美人鍋半價係最抵! 塚田農場-沙田分店 地址:沙田沙田正街18號新城市廣場1樓105號舖營業時間: 11:30 – 23:00電話:24777266 文字來源/圖片來源:香港人.遊香港...
大阪名氣主打梳乎厘班戟已經登陸旺角!所有班戟都選用日本雞蛋、 麵粉和牛奶製作,佢哋招牌係瑞可塔芝士梳乎厘班戟,口感鬆軟綿密,入口即化,陣陣瑞可塔芝士香味,呢款更榮獲 Sarah Japan Menu Award 2018 最高級的三星評價,相對一般空氣感十足厘乎厘班戟唔同,食落口感似蛋糕 ▲招牌香軟瑞可塔芝士梳乎厘班戟,口感鬆軟綿密,入口即化,陣陣香濃芝士味,呢款甜品更榮獲 Sarah Japan Menu Award 2018 最高級的三星評價 ▲抹茶梳乎厘班戟,嚴選日本抹茶粉,抹茶濃度十足 ▲店內嘅班戟口感似食緊蛋糕,比起一般梳乎厘班戟嘅空氣感會較少 ▲京都風香辣茄汁意大利粉,加入自家製蕃茄醬和角煮汁,混合鯷魚、茄子、白飯魚及大葉等配料製作而成 ▲特製咖哩雞肉三文治,多士夾住蕃茄、青 瓜及口感嫩滑的咖哩煎雞 ▲明太子特製和丼定食,明太子配搭日本高湯糙米飯,配料有牛蒡、南瓜、蓮藕及手打雞肉丸,相當健康 Micasadeco & Café 地址: 九龍旺角亞皆老街 8 號朗豪坊地庫 2 層 26 – 27 號鋪營業時間: 8:00 – 23:00 (星期一至日) 圖片及文字來源:香港人遊香港...
倫敦同香港一樣,最近掀起食牛油果既健康浪潮,牛油果味道討好又健康,而呢間餐廳餐品全部都以牛油果為主題,幾乎所以的菜品、飲品、甜品都跟牛油果有關!例如有牛油果太陽蛋、牛油果漢堡啊、牛油果雪糕,依家佢竟然即將係香港開鋪,各位牛油果控,你地準備好未先? ▲Juicy pulled beef tacos ▲牛油果多士 ▲牛油果漢堡 ▲牛油果沙律 ▲牛油果pancake Avobar 地址:尖沙咀梳士巴利道18號Victoria Dockside K11 Musea B2樓B201-4號舖營業時間:10:00-22:00 (星期一至星期日) 文字來源:香港人.遊香港/圖片來源:@avobarlondon...
呢間黎自法國巴黎既過江龍,被華爾街日報評選係法國巴黎牛角包,2016年就係台灣開店,除左牛角包之外,仲有好多歐式/法式麵包、bagel、千層肉批、法國多士等。所用麵粉原料都係由法國空運到海外分店,去到日本更擁有史無前例既人氣,一日仲可以賣出1000個以上!呢個品牌大膽創新,佢地將法國傳統牛角包結合無比既創意,加入唔同形態、唔同口味,佢地即將登陸香港喇,到時唔知又要排幾耐隊喇! ▲作為品牌既皇者牛角包﹐隻隻呈金黃色澤,原來用左急速冷凍麵團技術,呈現出層層麵團完美口感。 ▲黑芝麻牛角包,香濃既芝麻內餡香氣滲透。 ▲雲呢拿牛角包 ▲紅莓牛角包 ▲綠茶紅豆牛角包 ▲多款期間限定產品 Gontran Cherrier 地址:尖沙咀梳士巴利道18號 K11 Musea 開幕日期:預計2019年9月中 文字來源:香港人.遊香港/圖片來源:@eaublue、@petite_foodie、@lefooding、@yushijujin0800、@oradidolce]]>...
After You Dessert Cafe 即將係今年第3季就會港開設首間海外特許經營店,真係令人好期待呀!