觀塘美食2024|觀塘手工Gelato雪糕店 有一樣甜品無論春夏秋冬都一樣咁受歡迎,答案就係雪糕啦!而觀塘一向有好多隱世美食,今次介紹呢間觀塘嘅樓上舖主打手工意式雪糕,全部都係新鮮自家製,總共12款口味,每個月各有不同主題雪糕及固定的大熱口味雪糕,例如西西里開心果味、tiramisu、法式焦糖燉蛋味等等都係常駐口味雪糕,另外一些限定口味則有新年限定龍井茶、芝麻湯圓、鹹花生、奶油話梅、楊枝甘露味等,充滿港式傳統風味!好期待下個月新口味主題啊~ ▲雪糕店每個月都會轉換雪糕口味,2月限定的新年主題必試芝麻湯丸、楊枝甘露、明前龍井味、鹹花生、奶油鹹話梅、砂糖桔雪葩味,令人眼前一亮。 ▲最平$25單球就食到,龍年一定要食龍井味添添運氣~ ▲西西里開心果味、tiramisu、法式焦糖燉蛋味等等都係固定的口味雪糕。 ▲此外,一月份主題茶祭雪糕由於反應熱烈因此亦會回歸,包括有香濃帶回甘的3級濃度抹茶雪糕、焙茶、玄米茶味,還有帶佛手柑清香的伯爵茶味,不過當日會隨機供應一款口味。 Ganto HK 地址:觀塘成業街19-21號成業工業大廈13樓1326室WhatsApp: 6090 5848*可留意Ganto HK IG專頁公佈的每週開放時間 圖片來源: @gantohk 文字:香港人遊香港...
284 結果
觀塘
香港好去處2024|觀塘新開貓貓互動體驗館 想瘋狂吸貓去邊度好?最近觀塘就新開咗間貓貓互動體驗館,有多達20隻貓咪出沒,絕對係貓奴的幸福天堂!新舖擁有過千呎的寬敞空間,裝潢以大自然和工業風格為主,創造出一個舒適而富有特色的環境。而為了慶祝開業亦特別推出了一系列的優惠活動,只要消費滿兩小時就會送自家製冷泡茶或水沖果茶,俾你舒舒服服同貓咪互動! ▲新舖擁有過千呎的寬敞空間,裝潢以大自然和工業風格為主。所有貓貓都是由慈善團體合作救助,成為新家,亦有提供領養服務。 ▲大人可以帶著孩子來到體驗館,讓孩子們在與貓咪的互動中,學習到愛心和責任感的重要性。不但有各種有趣的互動活動,還有專業的工作人員引導,確保每一個小朋友都能在安全和愉快的環境中學習。 ▲多達20幾隻貓咪同你互動!貓貓種類有齊港短、異短、英短、緬因貓、布偶貓、英長、挪威森林貓等等,係呢度可以捕捉勁多超萌表情包! ▲為了慶祝開業亦特別推出了一系列的優惠活動,只要消費滿兩小時就會送自家製冷泡茶或水沖果茶。 Kelly and Meows 地址:偉業街221號美德工業大廈C座5樓C室營業時間 : 星期一至日 12:00 – 22:00查詢及訂座熱線:3188 8991/ WhatsApp +852 31888991 圖片來源:...
香港好去處2024|觀塘國際級大型商場今年開幕 依家觀塘除咗APM,又多咗個商場好去處啦!全新大型商業項目「The Millennity」依家正式落成,鄰近港鐵觀塘站及牛頭角站,商場樓高10層,佔地約50萬平方呎規模完全媲美APM商場,而當中配備電動汽車充電系統,鄰近亦有約300間餐廳、20間健身中心、5間酒店共提供約1,500間客房,坐擁完善的生活配套及交通便利!另外兩座大樓各提供20層甲級寫字樓,總樓面約65萬平方呎,真係好期待開幕啊! ▲全新九龍東大型商業項目「The Millennity」現已落成,位於觀塘巧明街98號、毗鄰港鐵觀塘站及牛頭角站,致力打造集頂級辦公大樓、環保綠化設施及多用途活動空間於一身的新地標。 ▲「The Millennity」兩座大樓各提供20層甲級寫字樓,總樓面約65萬平方呎。 ▲設有10層高商場,佔地約500,000平方呎,規模與APM相若,另設有綠意盎然的休憩空間。鄰近亦有約300間餐廳、20間健身中心、5間酒店共提供約1,500間客房。坐擁完善的生活配套。 ▲此外,項目地庫4層停車場共設有近400個車位,當中配備電動汽車充電系統。 The Millennity 地址:觀塘巧明街98號 文字:香港人遊香港...
親子好去處2024|觀塘市中心遊樂場正式開放 早前市建局申請將觀塘市中心重建項目範圍內的土地用作臨時及短期活動用途,而依家轉化為創新兒童遊樂場,場內設計美觀,分別用藍、綠、橙色為主色調,給人活力歡樂的氛圍,而場內設有4層高的大型游樂設施,其中包括玩樂架、旋轉滑梯等,亦有兩個3×3嘅半邊籃球場,適合12歲以上小朋友玩樂,做到社區融洽及活力的一面。臨時遊樂場離地鐵站非常近,交通方便。如果家長想帶小朋友放電同打卡,呢度絕對係最佳好去處! ▲觀塘市中心臨時遊樂區喺港鐵出口旁邊舊健康院位置,遊樂園設計具美學,分別用藍、綠、橙色為主色調,給人活力的一面。 ▲場內有一個大型遊樂設施,包括玩樂架、旋轉滑梯等,休憩空間亦唔少。 ▲絕對係小朋友放電好去處。而遊樂場平日人流不算多,周末及假日則相當熱鬧。 ▲亦有兩個3×3嘅半邊籃球場,適合12歲以上小朋友玩樂。 觀塘市中心臨時遊樂區 地址:觀塘觀塘站交通:港鐵觀塘站C3出口步行1分鐘開放時間:每天10:00至20:00 圖片來源: @asheryuen2019 文字:香港人遊香港...
香港好去處2024|觀塘波希米亞風Party Room 放假想約朋友但唔想周圍行?Party Room就啱曬大家!一大班人可以一齊聚餐、玩遊戲唱K,甚至打卡影相都得!而觀塘有間Party Room佔地1300呎,走波希米亞風格,所有傢俬裝潢都以大地色調,還有罕有45呎環迴落地格仔玻璃窗,採光度十足,打卡一流,亦是不少廣告MV的拍攝熱點之一。而且Party Room除了有得唱K、打麻雀外,其他設施齊全,有長檯、沙發、100吋特大螢幕和投影機,亦有廚房如電磁爐、雪櫃俾大家簡單煮飯仔,旁邊更有鋼琴俾大家展現身手。趁放假約一大班朋友去呢度聚會啦! ▲Party Room佔地1300呎,室內佈置走南歐波希米亞風格,全部採用大地色系,還有罕有45呎環迴落地格仔玻璃窗,採光度十足,日光灑落打卡一流。 ▲場內設施十分齊全,有大長檯、44張椅子、2張沙發、100吋特大螢幕和投影機。亦擺放鋼琴,是不少廣告MV的拍攝熱點,曾經Mirror亦在這裡拍攝。 ▲Party Room仲有得唱K、打麻雀、玩遊戲。 ▲亦有廚房如電磁爐、雪櫃、小型焗爐、微波爐、碗筷俾大家簡單煮飯仔,不過煮完記得收拾整齊喔! GLASS CUBE 地址:觀塘鴻圖道1號Whatsapp:6323 2482 圖片來源: @glasscubehk 文字:香港人遊香港...
觀塘美食2023|觀塘新開煙韌波堤冬甩專門店 觀塘美食雲集,今次新開本地品牌波堤冬甩專門店,室內走美式Y2K復古風,連冬甩造型都非常用心,打卡一流!冬甩麻糬系列分別有多款口味,如斑蘭麻糬、Lotus海鹽朱古力、曲奇忌廉、芋頭、生日蛋糕味等等,口感比一般冬甩更煙韌Q軟,而且每日新鮮製造,甜品愛好者想試就要提早一日預定啦! ▲室內裝潢走美式Y2K復古風,整體藍白色格調,個性鮮明。 ▲主打波堤冬甩,煙韌麻糬口感,而口味共7款分別有斑蘭麻糬、Lotus海鹽朱古力、曲奇忌廉、芋頭、生日蛋糕味、士多啤梨、海鹽雲呢拿味。 ▲No.1招牌Lotus海鹽朱古力包括鹹牛奶朱古力配著名比利時品牌Lotus餅乾碎。而曲奇忌廉加入粒粒Oreo碎。 ▲特別口味海鹽雲呢拿味加入海鹽藍香草,而港人最愛的斑蘭味則加入烤榛子豐富口感。 Donut Demo 地址:觀塘開源道55號開聯工業中心A座9樓904室Whatsapp訂購:9097 1138網上訂購:https://donutdemo.com/ 圖片來源: @donutdemo 文字:香港人遊香港...
觀塘好去處2023|觀塘貓咪瑜伽Studio 貓奴們注意!觀塘有一間瑜伽Studio以貓咪做主題,領養了好多貓貓同大家一齊愉快做瑜伽,總共有12位貓店長坐鎮,懶得做運動嘅朋友仔今次有藉口做運動啦!Studio會提供基礎瑜伽班,除左一邊做瑜伽嘅時候有貓貓圍住,下課之後更可以免費留多30分鐘同佢哋玩,課堂會提供飲品供應,不過面對咁可愛嘅喵星人,小編我可能會專心唔到做運動~ ▲觀塘呢間瑜伽教室除了做yoga,仲係貓貓共享空間。 ▲店內有12隻貓店長,全部都係領養返嚟嘅貓貓。 ▲Studio提供基礎瑜伽班,依家仲開設雙人班,凡報名上堂都會有貓貓陪你一齊做瑜伽,下課之後更可以免費留多30分鐘同貓貓玩,被貓貓圍住感覺超好! ▲貓貓共享空間環境舒適,提供飲品同Board Game,想去的朋友可以walk-in或上網預約,同時也有提供租場服務。 Namaoste 貓伽 營業時間:12:30-20:30 (最後入場時間19:30)地址:觀塘駱駝漆大廈三座8樓L星期一休息(其他休息日請留意公佈)電話:95934557網站預約:https://namaoste.simplybook.asia/ 圖片來源: @namaoste 文字:香港人遊香港...
觀塘美食2023|日式木系校園風Cafe 觀塘工廠區有非常多隱世餐廳,「日作食堂Hibi Cafe」是新開業的日系餐廳,結合古物、植栽、咖啡、茶室的日作食堂,好似係繁華鬧市中進入另一個世界。從日本中學的學生椅、體育室的小鞍馬、回收日式古董櫃、懷舊可樂珍藏等獨一無二的選物,都帶領著客人重返學生時代的美好回憶。食物方面主打定食和丼物,推介鹽燒安格斯牛小排定食,五成熟肉色澤粉嫩,入口油香豐富,係用心之作。餐廳亦推出優惠,逢星期一免費送100杯北海道牛乳雪糕,派完即止! ▲結合古物、植栽、咖啡、茶室的日作食堂,從日本中學的學生椅、體育室的小鞍馬、回收日式古董櫃、懷舊可樂珍藏等獨一無二的選物,都帶領著客人重返學生時代的美好回憶。 ▲日式西京燒比目魚定食,魚皮煎得香脆,濃甜醬汁配上紅薑絲,非常有驚喜。 ▲鹽燒安格斯牛小排定食是必食之一,牛小排口感軟嫩,另外配上小炒包括芽菜、木耳、秋葵,非常豐富。 ▲逢星期一,只要在Instagram上傳日作食堂照片再標記@hibicafehk,即可獲送北海道牛乳雪糕一杯 日作 Hibi 地址:觀塘鴻圖道鴻運工廠大廈地下(入口近開源道)營業時間:星期一至日 11:00-22:00 圖片來源:@hibicafehk 文字:香港人遊香港...
觀塘好去處2023|茶果嶺海濱公園正式開幕 香港終於有新公園!位於觀塘海濱的茶果嶺海濱公園已在8月尾正式開幕!公園佔地約1.8公頃,設有涼亭、園景區、草坪、以及超過60組兒童遊樂設施和健體設施,以及加設「寵物共享公園」。如果想打卡仲有觀景台比大家盡情影相,可以眺望維港及啟德郵輪碼頭,無論大人細路、閨蜜情侶都多一個休閒地方選擇。兒童遊樂方面公園新增了比較刺激的玩樂設施,例如攀爬活動、渠管迷宮、超長滑梯等,小朋友點玩都唔會悶! ▲公園佔地約1.8公頃,設有涼亭、園景區、草坪、以及超過60組兒童遊樂設施和健體設施,以及加設「寵物共享公園」。 ▲兒童遊樂方面公園新增了比較刺激的玩樂設施,如攀爬地貌、鞦韆、風車、兒童跑步徑、渠管迷宮、滑梯和樹屋,鼓勵小朋友探索大自然。 ▲採用「好玩自然」為設計概念,設有五個主題區,融合空氣、大地、天空、陽光及水五個自然元素。 ▲場地設有海景座位及桌子,供市民欣賞維港景色。天橋柱身上色彩鮮明的彩繪玻璃展示翠屏河不同年代的特色。 茶果嶺海濱公園 地址:茶果嶺偉樂街西北面交通方法:從觀塘渡輪碼頭步行約5分鐘;從觀塘港鐵站B1出口步行約13分鐘;或從藍田港鐵站D1出口步行約15分鐘 圖片來源:香港政府新聞處 文字:香港人遊香港...
觀塘美食|露營主題打卡Cafe 車中泊VIP房+户外花園 觀塘餐廳|位於觀塘鴻圖道一間以露營為主題的西式Cafe,佔地4400呎,用餐椅桌均用上露營椅、露營桌,室內木系裝潢搭配綠色植物裝飾,打造出舒適的野外露營用餐環境。餐廳也用上露營用的生鐵製鍋具、不鏽鋼杯等。餐廳更參考近期好hit的「車中泊」概念,於場內設美食餐車。露營又怎可以只留在室內!Cafe的戶外花園可享受陽光之外,還可大歎多款露營美食,包括流心芝士begal漢堡及自家品牌IPA啤酒等。正在找觀塘美食的朋友不妨試試啦! ▲全場佔地4400呎,室外、內共有110多個座位。用餐椅桌均用上露營椅、露營桌,好有氣氛。以木質色調為主,加黑白色岩石牆身,仲有好多綠色植物同花,營造出野外露營又舒適的環境。 ▲「營足四季」從外地重金購入美食餐車重新改造成VIP房,是可以容納8-10人的VIP房,放置餐廳正中位置,讓食客感受「車中泊」概念。 ▲户外花園座位可以眺望户外植物牆,輕易地在都市感受大自然的氣息。戶外座位提供Shisha服務,最適合年輕人聚會! ▲Happy Hour Set 串燒拼盤($328):多種肉類和蔬菜包括燒雞皮、燒雞軟骨、燒雞腎、粟米、菠蘿、秋葵等。配撘兩種自家製他他醬、黑椒汁及蕃茄汁。Happy Hour套餐可任選2杯紅白酒或啤酒。啤酒是選用自家品牌「露啤」的IPA啤酒。 ▲流心芝士洋蔥牛肉漢堡貝果包($188):用Bagel取代常見的漢堡,以手打牛肉包裹洋蔥圈,再用以4種芝士(車打芝士、巴馬臣芝士、Mozzarella、忌廉芝士)製成的芝士醬倒在洞口位,營造澎湃流心效果! ▲Happy Hour Set 墨西哥脆片($248):薄脆片再配上特調的蕃茄肉碎醬汁和新鮮的牛油果蓉,口感清爽酥脆,適合一班朋友分享滋味。 ▲燒無激素自然雞仔大拼盤($368):無激素的自然雞隻更健康!先用白酒、蘋果、蒜頭、香草醃製12小時至入味,再開邊焗,皮脆肉嫩。 ▲法式香草檸檬牛油蜆配酸種包($158):使用本地新鮮蜆,先以新鮮蜆肉熬煮出濃郁湯汁,再加入香草、法國牛油及檸檬皮提味,配上酸種麵包食,湯汁滲透入包中。 ▲烤杏仁金文畢芝士配酸種包($138):金文畢芝士烤焗至微溶狀態再加入蜜糖及撒上杏仁片,將酸種包切成薄條後抹上奶油,放入烤箱中烤至金黃色,賣相同味道都好吸引。 ▲口水多個浪花($58):青檸梳打加入原粒荔枝肉,頂層是薄荷葉榨汁而成的薄荷葉汁,入口酸醒開胃。半透明綠色漸層望落都覺得清爽!...
位於觀塘的文青復古台式Cafe,外圍以墨綠色為主,内裏充滿台灣風味,餐具、餐牌以至食物都讓食客感覺置身於台灣一樣!今次必試的一定是Cafe的主打甜品提拉米蘇牛角包窩夫配石板街雪糕,倒轉擺設的雪糕讓整個甜品增添了新穎感。