呢間主打手打烏冬的日式家庭料理餐廳,由在港工作多年的日籍廚師親自主理,更加將港式車仔麵的特式融入烏冬,提供5款湯底(鰹魚醬油湯、濃厚豚骨湯、咖喱湯、鮮香麻辣湯和香濃蕃茄湯)再加30種配料自由配搭心水烏冬。當中有半熟流心蛋、櫻花蝦、日式叉燒、壽喜燒牛肉等等。另外更有日本便利店必叫的關東煮,用上正宗鰹魚做成高湯配12款心靈食物,必食吸收晒湯底精華的大根和年糕福袋。此外仲有鐵板飯、定食、小食超過20款,兒童餐都有真係多樣化價錢親民日式家庭餐廳。 ▲香濃蕃茄海鮮鍋燒烏冬($78) ▲自選關東煮:超過10款以上的關東煮可以俾大家自選,亦可以在麵食上自由加配。 ▲櫻花蝦牛肉燒汁鐵板飯($58) :櫻花蝦香味加上牛脂香配日本米超惹味。 ▲大阪燒串燒($28): 將大阪燒變成串燒,賣相吸引。 ▲和風鐵板一口牛 ▲日式煮蜆 文字 / 圖片:香港人遊香港...
68 結果
宵夜
呢間燒肉店位於大阪日本橋一條小巷,旺中帶靜咁,好多日本人收工都會過黎食,仲要好多都係熟客,同老闆有講有笑,氛圍超正,所以真係好地道架!依間店其中一個特色係使用上日本傳統炭火燒烤爐,放個爐在你面前,實行自己燒自己食!網友都紛紛大推必點牛臉頰肉,因為佢肉質爽嫩,稍微炙燒一下,再搭上一杯啤酒就已經好夾! ▲一到晚上用餐時間,由於呢間店源用較傳統排煙系統,有著濃濃炭火香氣,不過就有食客覺得別有番風味! ▲生拌牛肉,食落一d都唔腥,特調醬汁加上生牛肉、蛋液,放入口真係有有一種入口即化感覺 ▲牛肉三拼,烤完配d檸檬汁特別帶出鮮味,配料仲有蔥蒜、醬油等 ▲牛臉頰肉入口爽嫩、肉質有彈性,味道濃厚 ▲大腸一開始整條上,老闆會給你一把剪刀,唔燒多陣就好難剪斷! ▲烤大腸同烤小腸都十分惹味,但係內臟要燒需時較長,真係唔知要燒幾耐可以請老闆代勞。 ▲呢間店面都好有一種古色古香既舊日本氣氛。 ホルモン肉問屋 小川商店 (日本橋店) 地址:大阪府大阪市中央区日本橋1-14-13(近鉄日本橋車站9號出口 徒步3分鐘)預約電話:050-5868-3963查詢電話:06-6641-2941 文字來源:香港人.遊香港/圖片來源:xiaohongshu...
凌晨時分肚餓可以點做,好多長沙灣人都大推呢間小食店,老闆娘萍姐主打即叫即燒即炸小食、串燒,茄子、雞翼、雞軟骨、豬頸肉、台灣腸都係好多街坊最愛!雞髀扒皇更加係呢度既皇牌,內層又嫩又多汁,上台時仲有「滋滋」聲,而無骨雞髀肉外皮脆卜卜,真係雞皮燒得剛剛好,爽脆口感搭配肉質,惹味香口仲要係無骨啖啖肉。最岩叫返打啤酒,一路啤啤佢,一路食宵夜! ▲蒜蓉扇貝($32/隻)扇貝加上蒜蓉、淮鹽。扇貝燒完更入味鮮美,蒜蓉調起左個味道! ▲雞髀扒皇($28/隻)雞皮濃郁焦香同油香,食慾大增非常誘人! ▲雞髀扒皇($28/隻)上台時已經預先切好一件件,方便食用。 ▲二送車仔麵($30/碗) ▲自家蒜蓉醬豆苗,豆苗清香脆爽,配上色澤誘人、香味撲鼻既自家蒜蓉醬。 ▲原條燒茄子($26)將茄子對半切開,中間鋪上芬香既蒜蓉,茄子冇渣 萍姐美食 營業時間:18:00 – 04:00地址:長沙灣青山道380號和興大廈地舖電話:63313411/60373166 文字來源:香港人遊香港 / 圖片來源:@ragazinehk、@steven_kmk、@sukitsk...
黎大角咀食宵夜,好多街坊都推薦呢一間宵夜小食,一定要食佢地炸餃子,雖然談唔上新鮮即炸,無論係白菜餃定韭菜餃餡料十足!蠔仔粥蠔仔洗得好乾淨,選用蠔仔都大大粒,蠔仔帶出粥豐富鮮味道同獨特口感! ▲蠔仔粥($32):加入肉碎、葱粒、 芫茜同埋大大粒既蠔仔。 ▲夜媽媽想食炸物都ok!炸燒賣 ($5/4粒)、煎茄子辣椒($10/5件)、炸豆卜($10/6件) 、煎韭菜餃( $10/5 隻) ▲炸白菜餃、炸韭菜餃 ($10/5 隻),分別用新鮮白菜及韭菜,混入豬肉碎作餡,飽滿豐富,即使唔係即炸都好好味! ▲呢間小食店最岩車手同食宵夜,好多款唔同小食都有! 耀記餃子粥麵 地址:大角咀中匯街10號地舖電話:35654335營業時間:15:00 – 03:00 文字來源:香港人.遊香港/圖片來源:@wongwahing、@424_tl、@c.iiiiifiiiiil、@inthemoodforfood____...
屯門區呢間實力派小食店很得輝一向都是車友愛聚腳的深宵小食店。小食店主打有三款口味的雞髀。夜媽媽唔怕邪惡的話必定要試下佢地極Juicy的生炸雞髀。如果嫌生炸太熱氣的話,滷水髀或沙薑髀都相當入味架! 店主表示如果唔夠喉的話還有各式各樣的小食選擇,唔夠飽的話仲可配麵餐或自家製的磨菇飯添! ▲雞髀(生炸/滷水/沙薑)($30)店主堅持每隻雞髀都係即叫即整。生炸雞髀皮脆肉嫩勁JUICY,配上指天椒辣粉或香草辣粉,味道更上一層樓。 ▲店主表示有兩款究極級的辣粉可以俾好辣的食客挑戰。小編實試過,真係辣到噴火呀。 ▲滷水髀同沙薑髀名氣雖然不及炸脾大,但店主的自家秘方令到雞髀入味之餘又能保持肉質的嫩滑口感 ▲椒鹽雞軟骨($39)粒粒都炸到卜卜脆呀!! ▲蘑菇飯(跟餐$17)炸髀配菇飯應該不會陌生,但留意番呢個汁係自家調味架! ▲益力多沙冰($30)唔好誤會呢杯係雪糕,係沙冰黎架。 ▲菠蘿的海($25)呢杯其實係菠蘿味梳打加藍糖水,小編鍾意佢個名有詩意得黎又好靚。 「沒有最邪惡,只有更邪惡」就算食到肥過電單車,都要黎試下喇 !HAHA! 很得輝 地址:屯門仁愛堂街50號金滿閣地下C2號舖電話:91948386營業時間:星期二至日 18:00 – 02:00 文字/圖片來源:香港人.遊香港...
元朗近年開左好多間點心店,對於呢間宵夜點心店似乎有點淡忘,不過有好多人都默默支持呢度嘅盅飯同懷舊點心,不過最近店家宣佈,佢地只會做到2月尾,元朗街坊知道左都覺得好可惜! ▲呢間點心店係元朗已經30年有多,每日24小時營業。 ▲咸蛋肉餅飯($30)蒸飯好似好淋,澆上豉油熱辣辣真心正! ▲糯米雞、金錢肚、排骨($18)呢度唔分大中小點,全部劃一價錢,由朝到晚都有得食! ▲鵪鶉蛋燒賣($18)呢個膽固醇超標既點心真係又邪惡又好味! 嘴兒甜 地址: 元朗教育路37號5舖地下電話:24742207營業時間:24小時營業 文字來源: 香港人.遊香港/圖片來源: heliosobsidian、sorlo_otto、mingyu_1003、chwkakit...
呢間燒鳥店每日都由師傅將三黃雞拆肉去骨,每隻雞足足可以拆到20個唔同部位出黎燒,連雞心、雞甲狀腺呢D比較冷門嘅部份都可以試到。唔同部位嘅雞串都要用唔同時間同火喉去燒,所以真喺好考廚師嘅技術。必試推介係燒雞肉球,肉球非啖啖肉常Juicy,裏面有少少雞軟骨,食落有少少脆口,配埋蛋黃漿汁就更惹味! ▲各式各樣嘅雞肉串燒!雞腿、雞翼、雞頸、雞肝、雞尾、雞皮。所有串燒一律$45,作為前菜最適合不過,全部做到肉嫩多汁,完美無瑕。 ▲惹味燒雞翼($45)燒雞翼預先去骨,外皮脆肉滑 ▲即叫即燒嘅串燒,香噴噴、又多汁,真係人見人愛啊! Yardbird 地址︰上環永樂街154-158號地下時間︰18:00- 00:00,逢星期日休息電話︰25479273 文字來源:香港人.遊香港/圖片來源:Yardbird...
宵夜食串燒可以話係區區都有,但夠膽用海鮮做主打串燒,呢個都好少見!大埔呢間深宵限定燒海鮮串食得夠豪氣!時令鮑魚同帶子即叫即燒,小編最抵受唔住海鮮串燒到嗞嗞聲同埋佢地既鮮香氣味,再加埋醉蜆烏冬同埋初戀芝士撞棍真係冇得彈呀!店內6月開始已經貼有文宣,多次活動日子都開放俾同路人休息,係間區內良心小店! ▲燒鮑魚(市價)選用鮑魚好厚肉,上面鋪滿蒜容,食落鮮甜 ▲燒北寄貝60起一d都唔覺韌,而且仲爽口彈牙,燒香左北寄貝仲帶出海水鮮味! ▲初戀芝士撞棍($25/2件)其實即係芝士燒響鈴。響鈴本來就香脆無比,索埋燒汁加埋半溶芝士,食落幾juicy! ▲燒芝士巨型啡菇($35),燒大啡菇食起上黎有d似肉扒,口惑柔軟,燒左更顯菇香加上邪惡芝士好似棉披咁鋪上。. ▲唔想食海鮮既話,呢度串燒都有好多選擇! ▲Star-war醉蜆配烏冬($33),上台時仲係熱辣辣,證明star-war真係夠哂熱,蜆仔份量夠多而且富酒香,夠辣又夠酒味! ▲呢個甜品最近勁hit! 彩虹小食串燒專門店 地址:大埔運頭街12-18號美華大廈地舖電話:53177943營業時間:18:00 – 02:00 文字 香港人遊香港/圖片來源:@vicvicliong、@saiyee0709、@hesteryk、@yipyeeeeman、@zozoeats、@zoeinlove...