銅鑼灣自助餐:【香港情懷主題semi-buffet!】-皇冠假日酒店

銅鑼灣呢間酒店buffet不嬲都係慶祝紀念日、生日既口袋名單,最近仲新推出以懷舊香港作主題既食物,除左一貫大受歡迎既日式刺身同自選沙律之外,仲設有蝦多士、海鮮卷、炸蝦膠釀油條呢d炸物。不過講到最期特都係佢地個main course。小編揀左經典英式菜式焗威靈頓牛柳同清新既香草焗鱈魚柳伴番茄蓉汁做主菜,兩款都食到lum lum脷!呢個半自助晚餐仲同時供應Häagen-Dazs 雪糕同即製forzen yougurt!

相關文章:
【尖沙咀慶祝紀念日餐廳好推介!】
尖沙咀浪漫法國菜:【煙燻北海道八爪魚+嫩滑法國鱈魚配魚湯】- Amina Modern Europe
酒店下午茶:【抹茶控注意!抹茶甜品下午茶自助餐超多款!】- 都會海逸酒店

▲冰鎮海鮮都算多款,有法國麵包蟹、雪花蟹腳、青口、凍蝦及太平洋螺等

▲日式刺身有八爪魚、甜蝦、吞拿魚同三文魚,不過如係唔係切定會更加好!

▲自選沙律選擇多多,素食人士都會有好多選擇!呢個時間緊係要拎佢地既九宮格碟分門別類!

▲熟食方面,小編最欣賞手撕雞,啖啖肉比起有骨落地既白切雞食得方便!

▲熟食都充滿港式口味!其中去飲必食既炸威化紙海鮮卷炸得好香脆,同時又食到清甜無海鮮滋味!

▲輪到主菜香草焗鱈魚柳伴番茄蓉汁,以香草增添加魚柳鮮香口感,嫩滑鱈魚肉質飽滿,魚油鮮甜。

▲另一主菜焗威靈頓牛柳伴牛仔汁,酥香酥皮包住粉嫩牛柳,中層有少少蘑菇粒豐富了牛柳濃香層次感。

▲今次甜品亦好有地道色彩!爽口清香既砵仔糕、經典朱古力蛋糕都係香港人經常食既甜品!

▲最後食自助餐點少得食雪糕,呢度供應Häagen-Dazs 雪糕及即製乳酪軟雪糕!

香港情懷半自助晚餐

地址:銅鑼灣禮頓道 8 號香港銅鑼灣皇冠假日酒店 1 樓
電話:(852) 3980 3000
供應期:2019年2月1日至3月31日
供應時間:6:30pm – 10pm
星期一至四
$578 / 成人 $358 / 小童(4-11歲)
星期五、六、日、公眾假期及其前夕
$598 / 成人 $378 / 小童(4-11歲)

文字/圖片:香港人.遊香港