fbpx
香港人遊香港

【宵夜食咩好?7仔全新杯麵零食提案】KiKi麵椒香麻醬拌麵+奶茶味甜筒!


話說小編有一晚口痕,樓下就新開左間7仔,唔小心買左薯片呀,杯麵呀,先發現原來7仔又多左好多新野揀呀!小編第一時間衝去睇下仲有冇雀巢新口味甜筒先,今次係港式土炮奶茶甜筒,出左幾日ig就洗哂版!不過都要揀返d熱食既,今次揀左日本風既ACECOOK 鹽味牛油拉麵同明星大蒜醬油炒麵,感覺好似係日本買杯麵返去酒店食咁!另外原來之前連舒琪都like爆既KiKi麵都有新口味,仲要7仔率先發售,即刻買黎試食!新口味係椒香麻醬拌麵,香醇芝麻醬同有嚼勁麵條搭配,豐富拌麵風味,係小食同宵夜之選呀!


▲雀巢港式土炮奶茶甜筒($11/支;$20/2支)包裝以香港茶餐廳懷舊紙皮石圖案,撕開甜筒包裝紙,已經聞到香滑奶茶香氣,再加以傳統既香脆花生碎及朱古力醬,好快就食哂成支!


▲KiKi椒香麻醬拌麵($88)今次新口味用上原先手工日曬波浪式扁麵條,加上香醇芝麻醬,可以話係麻醬控最愛,加上椒麻粉添拌麵風味和層次感。


▲ACECOOK 鹽味牛油拉麵($22)麵量比平常杯麵多1.5倍,加入內附的原粒牛油,香氣撲鼻。
 
▲明星大蒜醬油炒麵($18)在充滿燒焦大蒜香氣的醬油炒麵中加入一平夜店特製蛋黃醬,好有屋台風味!


▲ORION調味醬系薯片-茄汁味($13.5)酸甜獨特茄汁味薯片,既有茄汁香,又有薯仔既原味!

限定地點:7-eleven

文字/圖片來源: 香港人.遊香港
————————————————————–
相關文章:
【人氣新零食!卡樂 B 茄汁蝦味蝦條+蠟筆小新拉麵小食+霸麻碗豆酥 】
【7仔大發現!經典幻彩思樂冰回歸】

 

 

Tagged with:     ,

Follow us

合作查詢

歡迎與我們聯絡, 查詢合作