【人氣魚蛋檔高質出品!早餐霸氣限定芝蛋治!】

呢間由譚小環開既魚蛋檔唔賣明星效應,一直注重食物質素,幾個星期前毛記仲入左股搞到毛記上下員工都有得食魚蛋,魚蛋固然既咖哩味香濃又彈牙,腸粉更係食出紮實糯米,麻醬香氣同醬油鹹香非常搭調。不過最近小編同事拎住大大份芝蛋治,先知道原來佢地芝蛋治都十分霸氣,即叫即整三文治雞蛋香滑,內餡芝士溶哂係雞蛋表面。麵包軟腍腍,完全吸收蛋汁及芝士香。

▲芝蛋治($28),蛋治係早餐限定,朝早趕返工就一定要預早時間去買,咸香豐富芝士夾入熱辣辣三文治內,半溶效芝士加上8成熟炒蛋調,食時蛋汁會流出來。

▲芝蛋治份量都唔細,好多打工仔日日都買黎做早餐

▲魚蛋($10/8粒)小食店係以魚蛋起家,咖喱汁香辣而入味,仲有自家沙嗲醬都好好味。

▲四寶丸($12, 貢丸、牛筋丸、龍蝦丸、墨魚丸)牛筋丸好似牛肉球咁大粒!都幾抵食!

▲老闆娘都十分勤力,經常都見到佢係唔同分店坐陣!

渣哥一九九六

地址:九龍灣偉業街33號德福廣場一期P41號舖
營業時間:星期一至日08:00 – 22:00

地址:銅鑼灣渣甸街30號B舖地下

地址:鰂魚涌海光街15號地下
營業時間:
星期一至日08:00 – 19:00

地址:東涌港鐵東涌站TUC15號舖
營業時間:08:00-22:00

文字來源:香港人.遊香港/圖片來源:@danc0303、@vaneatery、@albertchoi430

相關文章:
【西灣河街坊咖啡小店!30幾款咖啡+homemade蛋糕!】
【上環打工仔恩物!趕時間食飯盒都可以好健康! 】