fbpx
香港人遊香港

【浪漫可以好簡單?情人節5大免費拍拖好去處】

情人節拍拖活動去邊好?又係行街睇戲食飯,重重覆覆冇啲新意,又要迫人,仲要俾班商人賺曬?其實拍拖都唔一定要洗好多嘅,不如行下草地睇下靚景,二人世界chill一chill,搵個樹蔭談下心啦!跟住小編遊走5大免費拍拖好去處,當放半日假輕鬆下浪漫下,有啲地方都好近市區,放工都可以去架!

 

1 . 西九海濱長廊

想去行下草地野下餐,去九龍站出口行15分鐘左右就可以搵到呢片綠悠悠大草地啦,可以喺草地食下野傾下計,想郁動下就可以喺附近租環保單車,怕曬仲可以帶個小帳幕拎個結他出黎唱下情歌睇下日落,chill住過一日。

▲開放租借時間為下午 2 時至晚上 7 時 (星期二至五)|上午 10 時至晚上 7 時 (星期六、日及公眾假期),最後租車時間為下午六時。

圖片來源 : 西九文化區管理局

地址: 香港九龍尖沙咀柯士甸道西與雅翔道交界
開放時間 :早上6:00時至晚上11:00時
交通: 港鐵九龍站從E4或E5出口到雅翔道行人天橋步行約10分鐘前往西九文化中心)

2 . 愉景灣 「繾綣月下.情約二月」

 

臨近情人節同元宵佳節,愉景灣就於1月9至2月19日,以「繾綣月下.情約二月」為主題打造唔少活動同浪漫打卡位,入面有月下戀人佈置俾大家黎影相打卡。而2月14當日6點起仲會燃起千點燭光打造經典浪漫場景,沙灘加上燭光,浪漫滿分呃曬like啦。最後仲有一條心鎖長廊,只要滿足簡單條件就可以免費換領一個愛情鎖,留為紀念。


▲開放
時間: 下午 6 :00至晚上 11 :00 |地點: 愉景灣大白灣沙灘|免費入場

圖片來源 : FB 香港愉景灣 (香港愉景灣 Visit Discovery Bay)

地址:銅鑼灣時代廣場B1地庫 LOG-ON中庭
交通: 港鐵迪士尼站(步行約20分鐘前往迪欣湖)

 

3 . 中環浪漫夜「閃躍維港燈影節」

食完晚飯想搵個地方行下?維港呢邊就搞緊一個「國際燈光藝術展」,入面有來自本地以至世界各地嘅藝術作品,可以影下相打下卡之餘,情人節當晚,仲可以喺展覽現場掛起「愛情鎖」,於浪漫燈光下鎖住至sweet moment。

 

情人節當天,在活動現場的「愛情鎖換領處*」展示已分享的相片,經工作人員核實後,即可免費換領愛情鎖一個。數量有限,換完為止。

圖片來源: 香港旅遊發展局

日期:2018年11月29日至2019年2月24日(七件新展品於2019年1月18日起展出)
亮燈時間:下午5:00至晚上11:00
地址:香港島中環海濱
交通: 港鐵金鐘站A出口(步行約10分鐘)

4.迪欣湖活動中心

就近香港迪士尼樂園,呢到有全港最大嘅人造湖以及大片草地,可以邊野餐邊欣賞大自然美景外,附近亦有雙人情侶單車可供租借,可以喺水中央享受專屬你地嘅二人世界。

【泛舟迪欣湖上】▲腳踏船及腳踏遊覽車出租服務:每天早上10:00至下午5:00提供|租單車/艇:雙人艇 $70/半小時, $120/小時

地址:香港新界大嶼山竹篙灣 迪欣湖活動中心
開放時間 : 每日上午9:00至晚上7:00。
交通: 港鐵迪士尼站(轉乘R8於迪欣湖活動中心下車或由地鐵步行15-20分鐘)

5 . 嘉頓山

圖片來源 : http://www.52travel.tw/1219

想靜靜地睇下夜景又唔想去咁遠?深水埗站附近就有座輕鬆易上既嘉頓山,拖住手慢慢行都係20分鐘就可以登頂飽覽夜景啦,樹底下睇住夜景談心,打造另一份寧靜嘅浪漫感。

地址:石硤尾白雲街石硤尾食水配水庫
交通: 深水埗站D2出口前往美荷樓(步行約15-20分鐘)

其實浪漫都可以好簡單,祝大家情人節快樂。♥

 

文字來源/圖片來源:香港人.遊香港  互聯網  香港旅遊發展局  西九文化區管理局 香港迪士尼樂園 香港愉景灣 (香港愉景灣 Visit Discovery Bay) 
—————————————————————

相關文章:

【2019情人節4大精選餐廳!海景+米芝蓮法國菜+東歐特色餐廳】

【宮崎和牛+鐵板燒龍蝦!日式情人節套餐!】

【靚景歎情人節餐!灣仔城市璀璨夜景!】

Follow us

合作查詢

歡迎與我們聯絡, 查詢合作