fbpx
香港人遊香港

【郊遊路線:短走陰澳灣+鹿頸灣連沙洲+長索】


[駐場博客小牛牛快樂行山郊遊相集by Chan Keung]新春趁住有幾天假期,除咗拜年之外,最好嘅活動梗係行山郊遊啦! 可惜呢幾天氣潮濕又大霧,登高攻頂冇著數,上到山頂白濛濛一片冇野睇不特止,仲好易迷路添。所以今次同大家短走一轉陰澳灣、鹿頸灣、長索。

春節假期,本來打算登高減減壓,可惜潮濕大霧,爬到上山頂又無野睇,路况又濕滑,都係精選短線比較好啲。

首先坐地鉄到欣澳站,出閘向前走幾十米,就見倒石堤壩,呢度就係起步點, 沿堤壩左面行,一直走十分十幾分鐘後,就到達盡頭,右轉入山徑,都係水泥路,一直走,好快就見到一個小石灘,靠近岸邊有多嚿浮木,有鐵鏈綁起半浮沉在水面上,呢度係龍友拍攝熱點。打完卡後就正式進入鹿頸村,呢度有村民養咗5~6隻唐狗,守住家園,不過唔洗擔心,佢哋好温純,直行渡過就可以了,再一直走就到達鹿頸小碼頭,經過小碼頭會走到一個連沙洲,呢度有啲似馬屎洲,鴨脷排,不過呢度比較細, 如果一直沿石灘邊繞過去,就到達長索,如果走到尾段就到達長索咀,呢度仲有一座小燈塔, 但係路況十分崎嶇小編唔建議大家冒險就過去探索呢個小燈塔呢! 其實喺連沙洲旁邊,仲有一條小路, 可以綑邊到達鹿頸灣,  如果唔想綑邊可以沿路折返,走到小型燒烤場,一樣可以到達鹿頸灣, 呢度係一個小沙灘 ,裏面部分佈滿垃圾,同埋有一啲畀人遺棄嘅獨木舟,一啲水上設施。 響呢度打完卡之後,就原路返回欣澳站,完成今次旅程, 全程約6公里,需時約3.5小時

注意事項:
⚠踏上浮木必須小心
⚠部分路段需要繞過海邊走,貝殼鋒利 須小心被刮傷
⚠鹿頸村内飼養了五/六隻唐狗,性格 溫純,不用擔心
⚠愛護郊野清潔人人有責,自己垃圾自己帶走


▲陰澳灣有ㄧ排ㄧ排的浮木大部份都綑綁在ㄧ起這裡是龍友到此取景的熱點


▲鹿頸村連接長索的連沙洲外型跟馬屎洲、鴨脷排極為相似


▲陰澳灣海上浮木具香港小有特色


▲隨風飄揚搖曳不停的狼尾草名字相信是取其外型


▲鹿頸灣小沙灘環境優美可惜從潮汐帶來不小垃圾


▲鹿頸村小碼頭旁邊棄置的木材


▲鹿頸灣沙灘旁邊是小叢林充滿原始風味


▲每逢假日都有不小攝影愛好者到訪


▲香港郊野常見植物青葙


▲經連沙洲可以綑邊到達長索


▲陰澳石灘岸邊ㄧ些棄置垃圾


▲鹿頸灣燒烤場旁邊的小沙灘可以綑邊到達長索連沙洲


▲沙灘中棄置垃圾


▲在浮木上取景必須小心喔


▲鹿頸村内幾隻唐狗好温純不用擔心


▲鹿頸灣近岸邊ㄧ些破舊獨木舟


▲小編建議帶備手套經石灘必須小心


▲陰澳灣岸邊有不小棄置浮木


▲沿鹿頸村燒烤場小徑直走就到達鹿頸灣小沙灘

陰澳灣>鹿頸村>連沙洲
交通: 地鉄欣澳站落車就到達起點
路線: 欣澳站>陰澳灣>鹿頸村>連沙洲>長索>鹿頸灣>欣澳站
路線圖:http://bit.ly/2WOWhIh


FB_icon 小牛牛快樂行山郊遊相集by Chan Keung
======================================================================
相關文章:
【行山靚景線:斜陽裡行走四排石山!】
【行山路線:周遊蒲台島!】

Tagged with:     , , , , ,

Follow us

合作查詢

歡迎與我們聯絡, 查詢合作