【宮崎和牛+鐵板燒龍蝦!日式情人節套餐!】

情人節女友話要食日本野?邊度又浪漫d野又好食?呢間酒店fusion日本料理千鶴趁情人節,推出情人節六道菜日式西餐,先食兩款美味前菜,小編尤其喜愛香蔥金槍魚腩茸三文魚籽杯,金槍魚腩茸打成起膠,拌入少香蔥,蔥香口中四溢。主菜方面識揀一定係揀一味龍蝦、一味和牛,前者龍蝦已拆肉切件,方便女士食用。而和牛就滿足肉食控既要求,啖啖牛脂香濃和牛。呢個情人節六道菜日式西餐唔止2月13、14日有得食,白色情人節都有呀!

▲千鶴日本料理:情意綿綿精選晚餐,共六道菜

▲頭盤:乳酪芝士配魚子醬多士,梅酒金萡啫喱,甜麵豉醬煮廣島蠔

▲頭盤:香蔥金槍魚腩茸三文魚籽杯,感覺好清新,金槍魚腩打到起膠,拌入香蔥更帶出鮮味!

▲頭盤:花竹蝦醬油煮配日本野菜,甜甜地有啲似關東煮

▲主菜(二揀一):網燒宮崎和牛,牛脂味濃烈、肉質較腍而且入口即溶!

▲主菜(二揀一):鐵板燒龍蝦配特製蟹麵豉忌廉汁,又蝦又蟹夠哂鮮

▲傳統日式素麵,食咗咁多野清下個口

▲甜品:佐賀穗之香士多啤梨配自家製芒果凍

情意綿綿精選晚餐 (2019年2月13及14日晚上 6:00 – 10:30) 港幣$2,088 (另加一服務費)
凡於eShop 訂購2月14日之情意綿綿精選晚餐的首30對情侶,可親手繪畫清酒標籤,並獲得貼上親繪標籤的日式清酒乙支 (300毫升)以作紀念 (每二人)。

千鶴日本料理

地址:九龍紅磡都會道7號都會海逸酒店8樓(港鐵紅磡站C2出口)
訂座及查詢詳情: (852) 3160 6898 / 餐廳網址

文字及圖片來源:香港人遊香港/資料來源:都會海逸酒店