中環呢個商場一向都係附近打工仔既留連之地,一向行高貴典雅路線。估唔到一到聖誕月,居然變身可可怪獸奇異國度,成個商場活潑起黎!concept 出自法國插畫家,可可怪獸雖然叫怪獸,但係樣子甜美可愛,小朋友仲可以參與其中,一齊製作五彩繽紛朱古力
▲今年以可可怪獸家族為主題,打做充滿樂趣精彩冒險世界,打卡都特別有節日氣氛。
▲可可機房,製成各款不同口味的朱古力。
▲每一個細節都好有故事性,令大小朋友都有無窮既幻想空間!
▲「可可畫室」裡,朱古力會被塗上五彩繽紛顏色,而「可可塔」亦會定時噴出「蒸汽!
▲香醇濃厚的朱古力漿從「朱古力塔」一直流到「可可機房」!
▲經過金碧輝煌既樓梯就可以欣賞到成間工廠既運作!
▲上空仲有怪獸帶朱古力比大家!
▲紅色既貪心怪獸想偷食呀!
▲CAFE LANDMARK品嚐節日限定的可可怪獸聖誕二人下午茶套餐,配上有趣獨特的可可怪獸餐盤,以及兩個得意可愛的聖誕頭帶,只售港幣380元。
▲精靈活潑的可可怪獸將會在 12 月 15日至25 日期間的每個週末,以及聖誕節前夕和聖誕節當日指定時段舉行特別表演。在推廣期內,得意俏皮的可可怪獸家族更會在置地廣塲指定商店和餐廳內現身 。
置地廣塲
地址: 中環皇后大道中15號
營業時間: 10:00–22:00
電話: 2500 0555
文字來源:香港人.遊香港/圖片來源:Landmark