【旺角小清新茶品主題樓上cafe!】夢幻流心紫薯圈+泰式奶茶戚風雪山

旺角有間以茶為主題既樓上cafe,裝修陳設簡約,燈光舒適柔和,飲品有冷泡茶、奶蓋系列、熱茶和梳打,蛋糕更有唔同茶類入饌,好似有呢個形狀比較特別既泰式奶茶戚風雪山;人氣旺盛既俄羅斯蜂蜜蛋糕,鐵觀音芝士蛋糕咁,全部都唔算好甜,連蛋糕都行小清新路線!最近打卡洗版就係呢個夢幻流心紫薯圈,中間係流心既紫薯餡顏值植高好吸睛!

▲流心紫薯圈($52)店家使用日本紫薯,圓形戚風蛋糕夾住香滑紫薯蓉,圈中間就係誘人紫薯流心,一切開爆漿澎湃流心效果!

▲泰式奶茶戚風雪山 泰式奶茶比人感覺係死甜,泰式奶茶cream香濃幼滑,加埋口感鬆軟既戚風蛋糕都幾特別。

▲俄羅斯蜂蜜蛋糕,蛋糕勁有層次感,法國忌廉、俄羅斯蜂蜜餅乾層層相隔,酸酸甜甜。

▲鐵觀音芝士蛋糕🍰 $43用上天仁茗茶鐵觀音,口感醇厚,打製成鐵觀音口味慕絲,底層係紐約芝士蛋糕,面頭有鐵觀音啫喱好清新!

▲店內以簡約清新為主,光線充沛好容易成為情侶閏蜜打卡位!

小念頭

地址:旺角通菜街75號1樓
電話:6183 1450
營業時間:14:00 – 22:00

文字來源:香港人.遊香港/圖片來源:@puijailoveseat、@charliexchan、@foodiebeehk、@sweetpotatooo、@nomphilia