fbpx
香港人遊香港

【行山路線:秋高氣爽妙高台睇日落!】


好涼爽呀,過咗中秋節之外,天氣真係好似踏入咗秋季呢!温度下降,濕度低乾爽唔黐立立,最適合登高行山喔!今次一於同大家上妙高台睇日落先!
難得有一天假期,秋高氣爽,一於上山走走,本來打算一早起身坐小巴上川龍村洒樓飲茶,點知家中大小姐要放假訓晏啲至肯起身,無法啦!唯有延至下午至起步。首先去荃灣川龍街坐80號小巴,坐到總站~川龍村落車,下車後整理一吓裝備立即出發。
首先進入川龍村,沿馬路一直走,會經過一間石碑工埸,馬路旁邊擺放咗一啲石碉和大布偶,有小小嚇人架,再沿馬路一直上,行咗一段漫漫長路後,到達響石墳埸,細心觀察在旁邊有一條小石級山路,正是響石脊,頭段穿越山墳,前後左右都有,不過風景開掦,一啲陰森嘅感覺都無。過咗響石脊之後,到達一片大草地,呢度風景十分靚,向上望可以觀賞大帽山頂,向下可以望到山下建築物,全部都變得好渺小,好似玩具感,不竟已經到達六百多米了,風景十分開掦。跟住再往山脊直上,呢一段比較斜,周圍滿佈大石,散播在山脊左右,好似入咗怪石陣一樣,有好多奇型怪狀,可以發揮一吓想像力,睇吓似啲乜野動物呢!邊爬邊影相,一直急上百多米卒之後,到達今次目的地~妙高台(770m)。山頂有一座小石屋,據聞係比有關部門人仕註守,觀察有冇山火發生,名為大帽山山火瞭望台,呢度居高臨下,除咗適合觀察山下情况之外,更適合睇日落呢,適逢今次時間啱啱好,一於坐低等待,真係皇天不負有心人,今日天氣正好睇日落一流,如果想再睇多啲,可以沿大帽道直上到大帽山頂(波波),亦都係全港最高山峯(957m),睇完黄昏美景之後,可以沿大帽山道直落到扶輪公園(大帽山茶水亭)完成今次旅程。


▲乘坐小巴到達川龍沿山徑直上響石墳場


▲經過響石脊再沿山徑上妙高台.


▲響石脊末段有一片大草原風景開揚


▲牛牛在樹下乘涼


▲踏入秋季芒草開始漸漸成長


▲大片草地平原風景優美


▲狗仔石😆大家可以加點想像力


▲走過大草源正式登上妙高台大斜坡山脊.


▲大帽山山火瞭望台


▲等待日落拍攝黄昏美景

▲優美景色盡入眼簾.

▲沿大帽山道直落大帽山茶水亭完成行程.

注意事項:

⚠風高物燥切勿吸煙小心山火
⚠愛護郊野清潔人人有責,自己垃圾自己帶走

妙高台

路線:川龍>響石墳場>響石脊>妙高台>大帽山道>扶輪公園觀景台全程約6.2公里,需要約3小時

地圖參考:https://bit.ly/2NI9Vaw

交通:荃灣乘坐80號小巴

FB_icon 小牛牛快樂行山郊遊相集by Chan Keung
======================================================================
相關文章:
Tagged with:    

Follow us

合作查詢

歡迎與我們聯絡, 查詢合作