fbpx
香港人遊香港

【行山路線:花瓶頂賞汲水門大橋+欣澳日落】


今次介紹呢條 行山路線 ,除咗可以近距離欣賞汲水門大橋之外,仲可以走訪花瓶頂,和觀賞欣澳日落美景添!

當日天氣相當好,藍天白雲,决定晏小小至出發,因為要就啱日落時間,所以中午1點左右坐東涌/機埸巴士出發,當經過汲水門大橋就按鐘,到達青馬大橋收費站落車。唔洗過馬路,反方向轉身向後行,好快就睇倒有絲帶記號嘅入口,先走一段石級,穿過小小引水道,再上石級,上到其中一段石級之後,會見倒前人用紅油畫上記號指引,跟住指引,再走一段山徑之後就見倒好大個”邱”字,再沿呢個記號進入另一段山徑,再穿過一道已打開咗嘅鐡閘,好快就到達大轉,呢度有個開掦位置,可以俯瞰青馬大橋收費站辨公大樓和汲水門大橋, 辦公大樓好似兩個巨型file,相當有趣, 而汲水門大橋就好宏偉,打完卡後順石級可以落到大橋底部,又係叧一個角度欣賞大橋。拍完照後繼續沿山徑上返山,好快就到達二轉,呢段山徑全部都係石屎路好易行,過咗涼亭之後就到達草灣碼頭和小燈塔,再走一段路到達三轉,突然有隻大狗衝埋嚟狂吠,小編立刻手持行山杖防止佢咬人,點知有2位伯伯趕上同我哋講,唔洗驚佢唔㑹咬人,好乖架,仲會伴你哋走一段山路添。之後小編常試摸牠,至發現佢好乖好可愛添。在沙灘小碼頭拍照後,繼續沿山徑上尋找花瓶石,好快就揾倒,呢嚿石好巨型,大約有三十尺高,外型唔似花瓶,反而好似一隻猿猴呢。繼續上路,到達山頂~花瓶頂, 呢度可以遠眺東灣一帶,又可以看倒迪士尼樂園,拍完照沿山徑落山,到達另一個山頂~大陰頂, 之後再沿山徑落山,呢段路比較斜,加上非常濕滑,建議帶備手套,抓住樹藤落比較安全,好不容易返回石屎路~欣澳道,再沿馬路向欣澳方向進發,不過要先過一段高速馬路,再沿馬路邊落返去欣澳站(呢段路好多車高速行駛,必需要極小心横過)。到達欣澳站洗過面之後,立即跑向大石堤壩~陰澳灣,呢度係一條長堤壩,好多人喜歡响呢度踩單車,放狗仔,釣魚… ,仲有好多龍友,因為呢度係觀賞日落最佳嘅位置,仲可以影埋”鹹蛋黃”日落添, 呢度交通方便,行返去欣澳地鐵站相距只有100米左右,所以小編夕陽時份嚟過幾次都見倒有好多遊人慕名而來呢!


▲可以搭任何入大嶼山巴士在青馬大橋收費站落車往後方向走就會見到有絲帶記號-跟住就沿石級直上正式起步


▲除咗絲帶記號之外仲有好多用油漆落嘅記號其中一個“邱”字就係一個最大嘅記號沿住呢度直入就係!


▲青馬大橋收費站辦公大樓遠睇好似兩個大型file


▲呢個角度睇汲水門大橋非常之宏偉


▲行到去吸水門大橋底部望上去呢個構圖的確美麗


▲從大轉上山到達二轉山徑回望汲水門大橋


▲二轉山徑大部份都係石屎路易行


▲到達三轉經過ㄧ條石澗


▲草灣碼頭和小燈塔


▲小燈塔是打卡熱點


▲草灣碼頭附近有一戶養咗隻唐狗名叫阿草!見到小編狂吠初初都好驚,後尾主人過嚟話比我哋聽原來呀草好溫純,仲會帶我們上山伴走ㄧ段添。


▲草灣沙灘小碼頭方便居民上落船隻


▲打完卡後沿山徑直上尋找花瓶石


▲好快就找到花瓶石外型十分巨大大約有三十尺高


▲小編覺得呢舊花瓶石外型似猿猴多啲


▲繼續直上花瓶頂


▲花瓶頂可以清楚俯瞰東灣和迪士尼樂園一帶


▲遠望迪士尼樂園


▲也可以望倒陰澳灣


▲到達大陰頂


▲大陰頂落山返回欣澳道-呢一段比較斜小編建議帶埋手套拉樹藤落山比較安全又冇咁容易擦傷


▲欣澳灣大石堤壩


▲陰澳灣是日落打卡聖地


▲呢度除咗好多人踩單車釣魚之外仲有好多龍友等待magic-hour拍攝鹹蛋黃日落美景


▲愉快的一天隨著日落完結

巨風後感:

小編好喜歡行山,其中一個原因是可以吸到樹木,草叢散發出來的清新香味,今早出門在家樓下不遠,巳經聞到草香撲鼻,心感歡欣,可是同時看到一片頹垣敗瓦,大樹倒冧,滿目蒼痍,由氣味帶來的一刻心靈快慰瞬間消逝。希望市區和郊野都能夠盡快恢復秩序和平衡

注意事項:
⚠沿途没有補給,記得帶備足夠食水
⚠草灣一帶仍有居民居住,養了幾隻狗會狂吠,但性格温純,不用怕不要傷害牠們喔
⚠由大陰頂落山去欣澳一段,需要經過一段高速公路,必需要小心,留意車輛,免生意外
⚠要經過一段叢林建議帶備手套
⚠愛護郊野清潔人人有責,自己垃圾自己帶走

花瓶頂

交通: 可以乘坐任何一條往東涌嘅巴士線,响青馬大橋收費站落車就到達起步點

路線: 青馬大橋收費站>大轉>汲水門大橋>二轉>三轉>草灣碼頭>花瓶石>花瓶頂>大陰頂>欣澳>陰澳灣

路線參考:https://bit.ly/2xK0vWH

 

FB_icon 小牛牛快樂行山郊遊相集by Chan Keung
======================================================================
相關文章:
Tagged with:     , ,

Follow us

合作查詢

歡迎與我們聯絡, 查詢合作