fbpx
香港人遊香港

【有驚喜!屯門豬大王進駐旺角】

喺香港地要搵靚豬雜食絕對唔容易,呢間位於屯門嘅豬大王最近開分店開到去旺角啦!佢哋金牌八寶麵有齊晒八款材料包括豬膶、豬腰、豬肺等等,佢哋嘅喺豬雜非常新鮮,加上熬咗十幾個鐘嘅豬骨湯底,真喺好正!另外亦可以試吓招牌豬扒撈麵,豬扒即叫即整,厚身得嚟食落好Juicy!


▲皮蛋芫茜肉片湯飯-天氣悶熱,湯飯就啱晒無咩胃口嘅你啦!你仲可以隨意選擇各種豬嘅配料,味道非常鮮甜美味,值得一試。


▲即叫即整嘅招牌豬潤麵,豬骨濃湯湯底!


▲金牌八寶麵-豬肉、豬腸、豬肺、豬腰、豬肚、豬潤、豬肉片、豬肉丸等八寶,各個部位口感都吾同,你一定會中意姐!


▲炸雞中翼-外皮香脆,裏面肉質仲保持得非常嫩滑,非常受客人歡迎!


▲皇牌豬扒撈麵-自家秘製嘅皇牌豬扒口感鬆軟,肉汁豐富,非常惹味!

豬大王
地址︰旺角黑布街99號昌明大廈地下C號舖
時間︰12:00-22:00
電話︰90816670

文字來源:香港人.遊香港/圖片來源:蝦佬
—————————————————————
相關文章:
【新開蝦店!$20平歎龍蝦湯】
【本地薑抬頭!綠茶麻糬雞蛋仔勁煙韌!】

Tagged with:     , ,

Follow us

合作查詢

歡迎與我們聯絡, 查詢合作