fbpx
香港人遊香港

【旺角掃街篇:有辣有唔辣!點可以唔食魚蛋!?】


小編黎到旺角掃街,一定會食魚蛋,不過小編獨愛細細粒、個樣唔太靚既陳皮魚蛋!貪佢香醇入味夠滋味,雖然陳皮魚蛋同普通魚蛋一樣,都係下價魚肉加麵粉製成,但陳皮魚蛋肉質咬口結實,形狀都唔均等,唔似長洲既大魚蛋圓碌碌。加入陳皮粒,有助辟除魚肉腥味。食咖喱汁辣味就最夾,唔食辣既話,就可以食原味,咁就會食到陳皮甘味!

▲魚蛋($10)將魚肉加上生粉、胡椒粉、陳皮等打成漿就整成陳皮魚蛋,呢款平價小食得到好多香港人既青睞。

▲魚蛋($10)陳皮魚蛋雖然粒粒唔同大細而且外觀粗糙,但係肉質結實,非常樸素。

▲其實威威小食仲有好多唔同既小食,好似台面既八爪魚,標榜使用深海八爪魚,可以當滷味凍吃,又可以沾上咖喱汁熱食,同樣係佢地得意之作。

▲魚蛋可以話係香港最具代表性的街邊小食之一,有辣有唔辣,唔辣既陳皮魚蛋,食得出微微甘香,食落甘甜回味,而咖哩辛辣配甘香陳皮魚蛋亦係絕配,一口咬魚蛋,咖哩湧至魚蛋內,以及整個口腔中。
威威小食
地址: 旺角西洋菜南街2Y號號達利大廈

文字來源:香港人.遊香港/圖片來源:香港人遊香港
—————————————————————

相關文章:
【蜜桃成熟時!紅磡酒店歎香桃下午茶!】
【旺角少女心飲料!打卡一流】

Follow us

合作查詢

歡迎與我們聯絡, 查詢合作