fbpx
香港人遊香港

【#周末懶人包:港版Hidden Gem!天水圍慢活小旅行!】


我地香港好似有個特首話過天水圍路途遙遠,所以就唔去探訪,消息一傳開引起大量天水圍居民不滿。人人都話天水圍係美食荒漠,只有連鎖店,冇咩好行買野又貴!偏偏呢個生存環境,孕育左唔少卧虎藏龍新勢力,碩果僅存小店專做學生生意做出個名堂來、設計融入生活、美食,配合慢活節拍,呢d感覺係第二個市鎮未必搵到!

周末懶人包 第一站:真/偽文青打卡:屏山天水圍公共圖書館

呢個「屏山天水圍文化康樂大樓」彷如置身外國大樓,擁有玻璃幕牆、青石屎、木屏風互相交錯既外牆,將自然溶入城市建築當中,大樓連同地下有8層高,已經包攬游泳池、圖書館、體育場地,更係小情侶拍拖勝地!


▲「屏山天水圍文化康樂大樓」正位於天水圍西鐵站旁,所以一落車就搵到!

 
▲外牆設計靈感來自於中國傳統的百寶格及參考了屏山的傳統建築物元素,採用原始材料興建,包括石磚、青水石屎、木屏風、鐵織網及生鏽金屬等,其水泥牆身不時以常藤植物作綠化。

▲電梯位置以木條作裝飾,採用天然光,營造溫暖感覺

▲可以坐在露天平台椅上,一邊欣賞開揚的城市境觀

屏山天水圍文化康樂大樓
地址:香港新界元朗區屏山聚星路1號

周末懶人包第二站:瞬間飛首爾食韓式烤肉餐廳!

早上參觀完打完卡,不妨試下呢間位於天水圍天盛商場韓國燒肉店食Lunch,絕大部分侍應都係韓國少男少女,加上裝修同韓國既燒肉店一樣,差點以為自己去左韓國!韓燒必食的牛肩肉、五花腩、豬頸肉全部都有,而且燒岀來的肉都好Juicy,不用加上調味已經可以充分帶岀肉的鮮味!
img_3056
img_3058

img_3060

img_3052
如果怕油膩可以配上自家製的洋蔥酸醋,有清新的感覺!怕熱氣的可試芝士蛋溶岩系列炒飯,芝士和蛋的比例岩岩好,芝士多到仲可以拉絲添!

烤肉時代
地址:天水圍天盛苑天盛商場地下L002號舖
電話:2701 8861
營業時間:12:00 – 00:00

周末懶人包第三站:濕地公園

香港濕地公園天水圍北部,佔地61公頃,包括戶外保護區及10,000平方米的室內展館。濕地公園原址只是一片普通的濕地,經過一番改造後,彎彎曲曲既木橋,更係多人影相打卡好去處!好多家長放假都會帶一家大細黎呢度參觀,學習環境保育意識。



▲濕地保護區包含淡水沼澤,溪畔漫遊徑,紅樹林浮橋,蝴蝶園,原野漫遊徑等,你可以在這裡感受濕地生境的奇妙世界。在紅樹林浮橋你可以看到許多特有的野生動物


▲夏天黎仲有盛開既荷花觀賞!

香港濕地公園
地址: 天水圍濕地公園路
開放時間:10:00am-5:00pm (週一,週三至周日,節假日)週四閉館!
票務信息:
單次入場: 成人票為港幣$ 30。兒童 ( 3-18歲),全日制學生和長者 (65歲以上)票價為港幣$ 15。3歲以下兒童免費。
多次入場證: 成人的分為全年(港幣$ 100)和半年(港幣$ 50)兩種。你可以在一年或半年間無數次進入園內。兒童,學生和長者票價為成人的一半。
交通:輕鐵706線到天秀站

周末懶人包-第四站:車迷必訪!跑車主題餐廳

毗鄰屏山文物徑既村屋,近年多左間醒目紅噹噹跑車招牌,原來係間跑車主題餐廳,老闆熱愛車既程度,將大量車主題元素擺入餐廳,全部都超級有心思!除左大賣環境之外,食物質素都其高,可見誠意十足。小編最推介大大份既燒牛肋骨,採用上美國Prime級別牛肋骨,點埋自家製燒汁非常Juicy!


▲燒牛肋骨 ($138):一上台小編們都嘩嘩聲,皆因份量非常有氣勢,原來係用左美國Prime級別牛肋骨,上台切成細細件,食落啖啖肉,本來肉質已經十分juicy,加埋自家製燒汁仲正!


▲露絲瑪莉燒春雞($98) 用1kg法國有機春雞,以Rosemary同黑椒醃得恰到好處。焗過後食落皮薄肉嫩,香味四溢,肉質嫩滑得連雞胸肉都唔覺!而且配菜都心思十足!

屏山跑車餐廳 Motors Café
地址: 元朗屏山坑尾村105號地下
營業時間: 星期日至二、五至六(星期三、四休息)
電話: 2662 2162

周末懶人包-第五站:唔夠飽?食埋糖水就岩數!
睇個門面咁空擴既,以為真係介紹日本小店,原來係元朗屏山有間甜品小鋪整拉花窩夫超有心機,仲有好多唔同口味選擇,而好多人都好鐘意百利甜酒朱古力窩夫,食落有啖啖酒香同朱古力。



▲百利甜酒朱古力窩夫($50):大量百利甜酒朱古力的甜漿係窩夫面,好邪惡


▲宇治抹茶麻糬窩夫:窩夫內加入麻糬一起烤焗,使窩夫煙煙韌韌,有嚼勁!

一糖
地址:屏山上璋圍249號 1號店 (天水圍西鐵站E3出口)
營業時間:星期二至日 : 16:00-01:00 (星期一休息)

圖片來源:fionahuiws nunoassis

—————————————————————
相關文章:
【馬來西亞|檳城。週末隱世之旅:住入古蹟!】
【日本 | 東京。窮遊搵食上野篇🍚5間1000円內的午餐之選】

Tagged with:     , ,

Follow us

合作查詢

歡迎與我們聯絡, 查詢合作