fbpx
香港人遊香港

【兩個轆!#周末懶人包:文青半day打卡邊境遊!】

夏天最適合就係同陽光玩遊戲!小編今次介紹呢個文青打卡懶人包,係一個鐘意訓到自然醒既朋友仔介紹既!2點半開始踏住兩個轆出發,加上依家共享單車大行其道,有得做運動出下汗之餘,又有得扮下偽文青打卡!

🚲懶人包第一站:日系文青必影上水梧桐河+大水管

由上水站出發,沿落馬州單車路到梧桐河,河川十分靜謐,氛圍都好似日本鄉郊一樣!沿河邊繼續踏,就會到達大水管所在地!水管道會輸送到不同水塘,以穩定香港食水供應。

▲梧桐河寧靜既一面


▲影相加埋日系filter,加上四野無人,大水管個位置係上水站至羅湖站之間,而梧桐河及雙魚河交界水管,建於地面部份較多,接駁位縱橫交錯,都有唔少人會黎呢度踏單車、影相,隔幾分鐘背景就有火車經過,構圖即時豐富左!
上水大水管
地址:梧桐河及雙魚河交界

🚲懶人包第二站:$13豆腐花放題
雖然係文青打卡懶人包,點少得食食食?識食一定要食埋「羅太豆腐花」,皆因呢度有全港唯一豆腐花放題!$13可任吃豆腐花,再任飲豆漿,或許豆腐花溝豆漿都得,得左!$13豆腐花放題真係抵食到冇朋友,而且十分新鮮(豆品廠現場即製),口感及味道完全不可比擬。

羅太豆花
地址: 古洞快景路
營業時間: 10:00–18:00
電話: 2673 6234

🚲懶人包第三站:一橋之隔得月樓警崗

橋仍是香港範圍,連接羅湖火車站A1 出口,通行時要向警崗出示通行證。對面就係深圳喇!

🚲懶人包第四站:馬草壟麥景陶碉堡

馬草壟本來是香港邊境禁區範圍,更建有麥景陶碉堡作邊防用途,直到2013年6月10日才連同另外五個邊境村落一起解禁。由於之前從未有人踏足,果度風貌 非常純樸,鳥語花香、環境寧靜。
▲麥景陶碉堡係堅固宏大的警察哨站,大部分油上綠色,有如軍事設施。


▲午後蠔殼圍及對岸福田景色,夕陽西下把漁塘染成一格格調色盤
馬草壟警崗
地址: 禁區馬草壟路


單車路線:上水火車站 A3 出口>  梧桐河  (約 0.8km)> 大水管> 羅太豆花 > 得月樓警崗 >馬草壟警崗
再沿路折返 或從馬草壟警崗踏去居石侯公祠 古洞乘搭51k小巴離開


圖片來源:clt76、rachelcao2014、ellalcy、ivanwong0705、sharksherman、yukanta

—————————————————————
相關文章:
【馬來西亞|檳城。週末隱世之旅:住入古蹟!】
【日本 | 東京。窮遊搵食上野篇🍚5間1000円內的午餐之選】

Follow us

合作查詢

歡迎與我們聯絡, 查詢合作