【大玩懷舊!十字冰室登陸銅鑼灣!】

由西營盤走入銅鑼灣!店內設計同樣大懷舊,用上黑、白、灰。泥水牆、鐵窗花、復古花地磚,再加傳統的白色冰室枱,懷舊味濃。而食物方面,一樣有以冰室必食的常餐為主打,滑蛋多士就一定有,但常餐滑蛋升級變黑松露炒蛋,再配上蕃茄牛尾湯通粉,邪惡度急升。除此之外,亦有多款懷舊小食,重搭舊香港的味道,當中包括懷舊蝦多士 ,是傳統做法,將蝦蓉釀入麵包中,絕對是心機製。

▲招牌 < 皇牌餐 >:招牌香濃蕃茄牛尾湯通粉選用新鮮原個牛尾,加入大量番茄、蘿蔔等蔬菜熬足5小時,渺頭濃郁,聽講無味精,另外配搭軟滑的黑松露炒蛋。

▲懷舊蝦多士:外皮金黃香脆,咬開中間見到滿滿的蝦蓉,老香港味道返晒黎

▲ 煎豬柳怪味醬豬仔包:熱哄哄的脆豬仔包,夾上煎豬柳、炒洋蔥及蕃茄,配上必試的自家製特式「怪味醬」。「怪味醬」由美乃滋醬加入煉奶、青檸、咸青瓜碎、生洋蔥碎、紅菠椒粉,酸酸甜甜,味道相當豐富。

▲沙嗲牛肉炒滑蛋菠蘿包:新鮮脆皮菠蘿包,夾著熱辣辣十字牌牛奶炒滑蛋及香濃沙嗲牛肉,口感層次豐富。

▲黑松露牛奶蛋白櫻花蝦炒飯:炒飯加入來自意大利的黑松露醬、十字牌鮮奶蛋白及日本櫻花蝦,食落黑松露香味濃。

▲美祿山:用上十字牌純鮮奶,再加入朱古力醬掛邊,上層再加美祿粉及胚芽粉堆至有如 「一座山」的模樣。

十字冰室

地址:銅鑼灣禮頓道64號地下
試業期間營業時間:星期一至日 07:30至21:00
電話:2955 4722

文字來源:香港人.遊香港