香港好去處:【打卡靚景!西環鐘聲泳棚!二級古蹟保護文物!摩星嶺砲台!】

[駐場博客 @小牛牛快樂行山郊遊相集by Chan Keung]嗰日喺電視機睇到, 西環有個由泳客搭建嘅泳棚, 外型好靚, 每朝都有好多人去游早水,又係新興打卡熱點, 同埋又可以順便去埋摩星嶺探古蹟,決定去走返轉! 坐港鐵在堅尼地城站落車, 沿域多利道一直行, 好快就到達今次第一站~西環鐘聲泳棚入口, 金屬鐵欄頂部有兩個白色牌好易認, 會見倒ㄧ條綠色樓梯,ㄧ直落到底,好快就見倒有個大平台,望下去就見倒泳棚, 呢個泳棚用金屬搭建,結構比較簡单, 行上去有小小搖晃, 當日啱啱刮起大浪,企上去真係有D驚! 不過呢度係打卡嘅熱點, 如果假日離, 通常排隊影相分分鐘要排成個鐘頭, 尤其到了黃昏拍攝泳棚相當之靚, 所以吸引到不少慕名而來嘅人仕呢! 影完相之後 ,就沿域多利道一直上, 大概走多一公里,就到達摩星嶺徑, 呢條係一條石屎馬路, 沿斜坡一直上 ,就會發現沿途好多廢屋, 裏面都長滿曬樹根,雜草, 屋頂都倒冧曬,淨返啲外牆,應該是戰時遺下落嚟啲古蹟, 到訪過幾間廢屋之後,再直上見倒有ㄧ座古建築物,入面ㄧ格格,睇真啲原來係厠所,再ㄧ直上見倒ㄧ座直徑大約十幾米,圓形水泥建築物,正是今日小編想拍攝的炮台, 頂部支大炮已遷走,浄返水泥石屎部份, 但係都好有特色, 沿路徑再上,到達另ㄧ所建築物, 名為電離層研究站, 不過有部份已改裝為儲水塔,再轉個灣上到近山頂,有ㄧ個大草園,週日有好多人喜歡在呢度拍攝婚紗相,家長又喜歡帶小朋友在呢度嬉戲, 大草地再轉向左手邊 有大概20多座戰時古蹟, 不過裏面都空空如也, 如果喜歡探究古蹟, 呢度實在是尋找古蹟人士最佳好去處, 行到最尾有一條小徑,十分隱蔽,就係摩星嶺嘅標高柱, 打完卡後原路折返,完成今次旅程,全程大約6公里,需時約3小時。

▲由堅尼地城站ㄧ直走沿域多利道會發現有ㄧ度綠色樓梯沿樓梯一直落到底到達大平台

▲西環鐘聲泳棚由金屬搭建設計簡單-不宜太多人仕同時間踏上

▲每逢假日泳棚都要排隊輪候拍攝

▲當日風高浪急泳棚都輕微搖

▲鐘聲泳棚是泳客私人搭建-沒有標準安全設施

▲泳棚附近山坡發現多隻荔枝樁象臭屁蟲

▲大平台旁邊的三角巨石

▲沿域多利道直上再走約一公里就到達摩星嶺徑是一條石屎馬路

▲摩星嶺山徑有多間廢屋-屋頂大部分已到倒塌只保留外牆

▲廢屋內發現疑似炸彈物體經過查證原來是大形鑽咀而已

▲建築物內都長滿樹根和雜草

▲其中ㄧ座古建築物裡面ㄧ格格原來是古時厠所

▲炮台外的大金屬扣

▲摩星嶺炮台屬二級法定文物古蹟

▲風電離層研究站部份建築物已改建為儲水庫

▲儲水庫頂部

▲金屬頂蓋

▲摩星嶺山頂1號炮台

▲沿長梯級直上山頂

▲山頂上有大片草原每逢假日是拍攝婚紗照的熱點又是家庭樂大人陪同小朋友嬉戲的好地方

▲大草原左面有大約廿十多座戰時古蹟是探索古蹟喜愛者聖地

▲近年有許多喜愛玩war-game人仕假日到這裡對峙令古蹟有ㄧ定損壞

西環鐘聲泳棚

路線: 堅尼地城港鐵站> 域多利道> 西環鐘聲泳棚> 域多利道>摩星嶺徑>摩星嶺砲台> 堅尼地城港鐵站 全程大約7公里 

注意:
⚠西環鐘聲泳棚是泳客私人搭建 沒有法定標準安全設施, 泳客必須小心
⚠泳棚結構簡單, 不適宜大量人踏上, 建議在外邊拍攝
⚠泳棚旁邊風高浪急, 不建議在此下水游泳
⚠摩星嶺砲台是二級古蹟保護文物,切勿在牆上塗鴉, 破壞原有結構
⚠保護郊野清潔人人有責,自己垃圾自己帶走

文字/圖片來源 :小牛牛快樂行山郊遊相集by Chan Keung