fbpx
香港人遊香港

【短線尋奇石+輕量行柏鰂石澗!】

[駐場博客 @小牛牛快樂行山郊遊相集by Chan Keung]話説近排有位網友問小編,問有無ㄧ條路線可以一次過揾倒多嚿奇石,同時又可以行吓短短石澗呢? 心諗呢位網友真係偷心! 不過皇天不負有心人,又真係揾倒喎! 今次為大家介紹~柏鰂石澗。
由康山起步,先進入鰂魚涌樹木硏習徑,見倒一條3D凸字標柱,相當有趣,在此進入引水道,大約行走一公里後就到達柏鰂石澗入口,初段平緩易行,經過一個小峽谷,又走過一個半球型大石坡,由於雨量不多,溪澗冇乜水,可以唔洗濕腳,除後走到尾段苔蘚開始越來越多,好多仲係菁綠色,好似一嚿嚿大型綠寶石。石澗好短,大約行咗1.5公里就到達康柏郊遊徑,沿郊遊徑再行一公里就見到一嚿巨型恐龍頭,就是恐龍石(又名暴龍石),拍照後在山徑旁邊有一條隱徑,小心落,再穿過一小段竹林,見到有條石縫,有絲記號,烏低身窿過去,再走過一條小石徑,就會見到巨型嘅大石羣,爬上去見倒鯊魚鰭石和冬菇石,真係維肖維妙,再望去遠方就會見倒猿猴頭石。繼續沿柏架山方向走,接上一條山徑,呢條山徑比較乾涸,大都是散沙碎石路,好快就揾倒元寶石,又好似一個大咀唇,相當有趣,繼續行,好快就搵到憎侶石,拍完照之後,再沿山徑上,就會搵埋最後一嚿將軍石,因為石上面有另一嚿石好似一頂將軍帽感様,所以被稱為將軍石,打個卡後,沿山徑再落返西灣河,完成今次旅程。

 


▲3D凸字標柱,相當有趣


▲先走ㄧ段引水道


▲進入柏鰂石澗


▲穿過小小峽谷


▲巨石滿佈苔蘚


▲巧遇心心石


▲石澗未段比較濕滑必需小心


▲充滿原始風味


▲恐龍石又名暴龍石


▲穿過石縫到達大石羣尋找巨石


▲冬菇石


▲鯊魚鰭石


▲穿過大石縫


猿猴頭石

元寶石

僧侶石


將軍石
鰂魚涌樹林研習徑
鰂魚涌樹林研習徑>引水道>柏鰂石澗>康柏郊遊徑>恐龍石>猿猴頭石>鯊魚鰭石>冬菇石>柏架山>元寶石>憎侶石>將軍石>西灣河
全程約7公里 需時約5小時

注意:
⚠柏鰂石澗尾段苔蘚甚多, 必需小心
⚠如果唔想行石澗可以由鰂魚涌樹林硏習徑直接到康柏郊遊徑
⚠行石澗有ㄧ定危險性,必需量力而為
⚠攀爬巨石必需小心, 建議由經驗行山人仕陪同
⚠愛護郊野清潔人人有責,自己垃圾自己帶走

Tagged with:     , , , ,

Related Articles

Follow us

合作查詢

歡迎與我們聯絡, 查詢合作