【放假去邊度?#周末懶人包 系列!用腳步認識九龍歷史!】

石屋家園+侯王古廟+賈炳達道公園+九龍寨城公園+公和豆品廠

放假又未必一定要出埠旅行既,其實以旅客既角度,即興黎個小旅行,收穫隨時更豐富!呢條路條非常適合親子樂一家大細一齊用腳步認識九龍歷史!家長上網做少少資料搜集,一路食野一路同小朋友以前既生活,黎個活動教學!

第一站:石屋家園食個大早餐!🍳

「石屋家園」為三級歷史建築,以往石屋一帶成為寮屋區。呢片寮屋區被稱為侯王廟新村、荔枝園和何家園,石屋係香港珍貴歷史遺址。政府透過「石屋家園活化歷史建築伙伴計劃」將活化成為一間主題餐廳暨旅遊資訊中心。重新活化後開左咖啡冰室以社企形式經營,裝修充滿懷舊,掛滿懷舊裝飾,亦保留着花紋方地磚,一點一滴亦別具特色。

▲呢度見證著上世紀四、五十年代寮屋區建築特色,其居住模式更反映二次大戰後香港基層居民的生活狀況。

▲牆上裝有懷舊式搪瓷大花碟,令人憶起五六年代時光。

▲Deluxe breakfas($42)包括煙肉、歐陸雞肉腸、煙三文魚、茄汁豆同牛角包,超級抵食!

▲二樓的舊物展示區。展示獅子山精神既年代,當年每戶人家所用既生活用品,富有用過既痕跡,小朋友睇完之後可以講番比婆婆公公聽,我見到你哋以前既家居用品。70-80年代既小朋友玩過既三輪單車。以前自來水未出現之前,每家每戶出去用木桶拎水番屋企用。以前既手抽行李箱,相對而加有滾輪既行李箱,以前D人 拎都好辛苦下。

石屋咖啡冰室

地址: 九龍城聯合道133號石屋家園
電話: 2325 0131
營業時間: 星期二至日 8:00-18:00 (逢星期一休息)

第二站:侯王古廟又同宋帝昺有關?

石屋家園對面就是「侯王古廟」,2014年被香港古物古蹟辦事處評定爲一級歷史建築物。據介紹,該廟供奉的侯王爲南宋功臣楊亮節。當時佢係南宋的舅,生前封「侯」,死後封「王」,所以叫「侯王」。南宋末代皇帝宋帝昺係楊亮節襄助下南逃至九龍,楊護駕有功,世人敬其忠義,因此建廟以紀念。

▲「至誠前知」木匾為光緒年間駐守九龍寨城廣東大鵬協副將賴鎮邊所送。九龍城係清朝時曾是非常重要海防重地,每逢有戰事,呢度都受香火所拜。

侯王古廟

地址:白鶴山聯合道130號

第三站:小朋友踏單車放電地

想同小朋友一齊踏單車,但又擔心安全問題?賈炳達道公園幫到你!九龍寨城公園嘅旁邊﹗呢個公園嘅單車徑結集咗平路同埋唔同斜度嘅斜路,單車徑場內路段全長約 1 公里。除咗比初學嘅小朋友練習亦岩曬技術較好嘅小朋友去挑戰!而且仲可以係呢度租埋兒童單車,真係唔簡單呢~

▲大人可以隨時租共享單車,但其實公園內面可以租兒童單車!大約$30至$40一個鐘,兩手fing fing都有得踏單車!公園圓形練習場專為初學單車小朋友而設,跟住地上線條有幫佢地控制軚盤,訓練平衡力。

▲場內路線亦有上落斜,難度都唔低架!

賈炳達道公園

單車租賃:有,公園外亦有單車舖提供租車服務
開放時間:24小時開放
地址:香港九龍九龍城賈炳達道

第四站:九龍寨城公園

相信大家認識寨城公園,好可能係因煎pan同胡定欣既《寨城英雄》,九龍寨城公園座落於本港最具歷史性的地點之一,原址為九龍寨城。它位於當年九龍半島東北角,毗鄰今日的九龍灣,位置曾具戰略性價值。早在十五世紀,它已被當時中國的官員使用。在一八四一年,英國佔領香港島後,該處在中國海岸防衛方面的重要性更大大提高。九龍寨城發展到後期有唔少都市傳聞,英國、中國都管唔掂,最後90年代由港英政府清拆成公園。

▲昔日烏煙瘴氣既九龍寨城,今日已經成為亭台樓閣、鳥語花香之地

九龍寨城公園

地址:九龍九龍城東正道

第五站:公和豆品廠

曾以豆腐、豆漿聞名,而且多次獲「米芝蓮」推介,深水埗店已經重新裝修,要鑑賞歷史的美麗不妨一訪九龍城呢間。有傳恒地以1.3億收購全幢舊樓,豆腐店唯有見步行步。老舊的店面同桌椅,牆上仍在用舊日的瓷磚和牌匾,彷如重溫多年歷史。

▲豆腐花以清新鮮甜、純樸黃豆香聞名,公和都不惜緊貼潮流,加入芋圓豆腐花呢個選擇。

公和豆品廠

地址:九龍城福佬村道67號

文字來源:香港人.遊香港/圖片來源:gwyn__chan,yvonnemilk, tamrachel11barber1blue_myweirdiary,applemangomilkgxxxxlxx,nicolasngai,mokathy0715,hsyw,sarahwu1205,Jollymap.com 快樂地圖