fbpx
香港人遊香港

【捐窿捐罅睇戰時古蹟!古羅馬feel碉堡歎海景!】

[駐場博客 @小牛牛快樂行山郊遊相集by Chan Keung]呢呢輪響網上睇到好多山友捐窿捐罅探訪廢屋,古村或古蹟, 掀起咗一股探古熱潮, 小編都唔執輸,今次同大家一齊去探訪ㄧ個有靚靚海景,同時又去埋睇戰時古蹟嘅好地點~黑角頭碉堡!先食個靚早餐跟住起步,坐789號巴士,沿住海邊行,維港景色真係ㄧ流,大約半小時就到達小西灣海濱花園,落車打開GPS望望先, 原來公園旁有條石樓梯直上, 見到個小小涼亭~龍躍亭, 繼續沿石梯級直上,上到頂轉右手面進入龍躍徑,沿石屎路一路行, 好快就轉咗去歌連臣角道,大約行多一公里, 開始緩緩落斜, 留意左手邊, 鐵欄桿綁住好多絲帶,呢度就係入口啦! 要爬過欄桿,琴入去。 第一段山徑都幾斜架,要小心慢慢落,再沿呢條小徑一路直行,有好多樹藤, 充滿原始風味。 小編響呢度見到好多隻大小野豬,不過大家唔使驚,亦都唔好騷擾佢哋, 靜靜哋直行直過就可以,不過特別注意如果見到有啲小野豬,千祈唔好走近或觸摸佢哋!咁樣好容易引起野豬媽媽為咗保護小豬,而可能會襲擊你架!  要特別留意呵! 行多大概15分鐘左右,走出小樹林,見到ㄧ段小石級,再落到底,就到達我哋今次嘅目的地~黑角頭碉堡。 呢度有兩個碉堡,有一個上蓋已經倒塌,而另外一個上蓋亦都十分殘缺,我上網睇到好多人攀上頂蓋拍照, 但係結構十分殘缺,建議唔好爬上去,因為好容易會倒塌, 小編亦都發覺牆上面有好多人塗鴉,簽名,乜乜到此ㄧ遊….,真係大殺風景,碉堡係戰時古舊嘅建築物,具歴史價值,唔好破壞呀!
由碉堡望向海洋,嘩! 無敵海景,好似睇緊一部4k大電視咁樣,超高清! 呢度係打卡熱點,而另ㄧ個冧咗嗰頂嘅碉堡,都幾有特色架,有D似古羅馬建築感覺,轉向左有ㄧ幅大石牆,有好多攀石高手都喜愛響呢度玩攀石,不過真係要有ㄧ定裝備加技術至可以試,唔好人爬你又爬呀! 參觀完之後沿路上返去砵甸乍山郊遊徑(或者可以從碉堡右邊方向,綑邊行去大浪灣),不過安全D就行返港島徑8段,落去石澳道坐巴士走人,完成今次旅程。
輪響網上睇到好多山友捐窿捐罅探訪廢屋,古村或古蹟, 掀起咗一股探古熱潮, 小編都唔執輸,今次同大家一齊去探訪ㄧ個有靚靚海景,同時又去埋睇戰時古蹟嘅好地點~黑角頭碉堡


▲經歌連臣角道跨過欄桿進入山徑入口


▲沿途充滿原始風味路邊小花色彩艷麗


▲特別留意野豬出沒如果見到佢哋唔使慌張-靜靜行過就可以了唔好騷擾唔好餵飼如果見到小野豬切勿走近因為野豬媽媽為咗保護小野豬有機會會襲擊你


▲沿山徑走大約15分鐘便到達海岸區


▲黑角頭有兩個碉堡第一個-比較完整-亦都係好多遊人喜歡打卡嘅位置


▲碉堡外面有層層礦石


▲碉堡外面有層層礦石


▲圓拱形設計好似睇緊一部4k大電視一樣


▲沿海岸可綑邊直走到大浪灣


▲呢度亦都係喜愛攀石人士的熱門地點


▲無敵靚海景


▲如果冇經驗又無良好裝備就唔好立亂攀爬免生危險


▲左手面另一個碉堡-簷篷頂已經塌下


▲勿爬上簷篷頂拍照,因為古舊建築物結構鬆散,好容易會產生破壞,大家必須留意.jpg

▲有啲似古羅馬建築

▲參觀完之後可以原路折返,經港島徑8段返回石澳道離開

砵甸乍山郊遊徑-黑角頭碉堡
路線: 小西灣海濱花園> 龍躍亭>龍躍徑>歌連臣角道>黑角頭碉堡>砵甸乍山郊遊徑>港島徑8段>石澳道
全程約6公里, 需畤約3至4小時

注意:
⚠碉堡建構殘缺,切勿攀上頂部,免生危險水
⚠攀石牆必需由専家帶領
⚠路徑附近有多隻野豬,不要打擾
⚠戰時古蹟,切勿塗鴉
⚠保持郊野清潔人人有責,自己垃圾自己帶走

Tagged with:     , , , ,

Follow us

合作查詢

歡迎與我們聯絡, 查詢合作